upay kiska karen ?kya aur kyon? vinay garg jyotish men yadi keval faladesh kiya jae aur upay n kiya jae, to yah usi prakar hoga, jaise ki koi chi¬ikatsak rog ke lie janch to sabhi prakar ki kare aur rog ki pahchan hone par uska nidan n kare. prastut hai upayon ki vistrit jankari deta yah alekh...
sarvapratham kundli ko dhyan se dekhakar yah vishleshan karna atyant avashyak hai ki jatak ko samasya kis grah ke karan hai. kai bar aisa hota hai ki samasya kuch aur hoti hai aur uska vastavik karan kuch aur hota hai.
udaharan ke lie yadi kisi jatak ko mansik sthiti ke thik n rahne ke karan vaivahik jivan men pareshaniyon ka samna karna par raha hai, to pahle hamen upchar mansik sthiti ko sridrirh karne ke lie karna hoga n ki vaivahik jivan men sudhar ka. yadi ham sidhe vaivahik jivan ke lie karak grah aur bhav ka upchar karne ka prayas karenge, to sanbhav hai ki vaivahik jivan kuch samay ke lie sudhar jae, lekin yah sudhar tatkalik v kshanik hoga, kyonki uski mansik sthiti ka to upchar kiya hi nahin gaya.
aise men kuch samay pashchat kharab mansik sthiti punah uske vaivahik jivan men samasya ka karan ban sakti hai. atah aise men yadi pahle mansik sthiti ka upchar kiya jae aur bad men vaivahik jivan men sudhar ka to vaivahik jivan sudrirh hoga, usmen sthayitva aega. mansik sthiti men sudhar ke lie lagn ke svami grah ka upay aur uske pashchat saptamesh ka upchar kiya jana chahie.
upchar kis grah ka karen ?
jyotish men do prakar ki vichardharaen hain. pahli yah ki jo grah apke anukul, bhagyesh, yogkarak aur mitra hanai, ve to apke anukul hain hi, atah upchar un grahon ka karna chahie jo apke pratikul hain, arthat marak, badhak, nich ke, shatru ya akarak hain.
dusri vichardhara ke anusar, jo grah hamare anukul hain, hamare mitra hain, yogkarak hain, kendra trikon ke svami hain, lagnesh hanai, unka upchar karna chahie kyonki shatru grah kabhi bhi hamare hit ki bat nahin soch sakte. yahan hamen is bat par vichar karna chahie ki hamare hit ki bat kaun sa grah karega- jo hamare shatru hain ve ya ve jo hamare mitra hain aur hamare anukul hain.
ham paenge ki hamare hit aur labh ki bat nishchit rup se vahi grah soch sakte hain, jo hamare mitra hain aur anukul hain, n ki ve jo hamare shatru hain ya hamare pratikul, akarak, marak ya badhak. han, yah bat nishchit hai ki hamen upchar donon grahon ka karna hoga, chahe ve hamare anukul hon ya pratikul . lekin upay karne ki vidhiyan bhinn hanegi. arthat jo grah hamare anukul hon, hamare mitra hon, unhen hamen apne najdik lana hoga aur jo hamare pratikul ya shatru hon, unhen hamen apne se dur karna hoga.
prashn uthta hai ki kaise karen anukul grahon ko apne pas aur kaise karen pratikul aur akarak grahon ko apne se dur?
yadi anukul grah ka ratn dharan kiya jae to nishchit rup se ham us grah ko apne sath jor rahe hain, apne najdik la rahe hain. arthat ham apne mitra grah ko apni sahayta ke lie apne ghar men amantrit kar rahe hain. yahan hamen yah bat avashya dhyan rakhni chahie ki hamari sahayta sirf hamare mitra grah hi kar sakte hain n ki shatru, kyonki shatru to hamesha is tak men rahta hai ki kab mauka mile aur kab var kiya jae. atah aise grahon ko apne se dur karna hoga.
apne se dur karne ke lie aise grahon ki vastuon ka dan karna chahie evan jal pravah karna chahie. kabhi bhi shatru grah se sanbandhit grah ka rang apne upyog men nahin lana chahie, kabhi aise rangon ke vastra dharan nahin karne chahie jo rang hamare shatru grahon ke rangon ko darshate hon.
udaharan ke lie kisi vyakti ka lagn budh ka ho arthat kanya ya mithun lagn ho to guru uske lie marak evan badhak grah hoga aur guru, budh lagn ki kundli ke lie kendradhipti dosh se dushit hoga. aise vyakti ko pile rang ka vastra ya pukhraj ratn kabhi bhi dharan nahin karna chahie.
amtaur par yah mana jata hai ki jatak ko var ke anusar us rang ki poshak aur vastra dharan karna shubh hota hai, lekin yahan yah bat vicharniya hai ki jo grah jis jatak ke lie marak, badhak aur pratikul ho us grah se sanbandhit rang ka vastra us vyakti ke lie kaise labhdayak aur shreshth ho sakta hai?
am dharna yah bhi hai ki sadaiv uchch grah ka ratn hi dharan karna chahie. aisa kyon?
yahan yah spasht karna avashyak hai ki jaruri nahin ki uchch grah ka ratn sadaiv labhkari hi hoga. kisi bhi grah ke upay ke bare men vichar karne se pahle hamen do baton par vichar karna avashyak hai- pahla yah ki grah kundli ke anusar shubh hai ya ashubh tatha dusra yah ki grah bali hai ya nirbal.
is prakar nimn sthitiyan sanbhav hanai. shubh grah ashubh grah bali nirbal bali nirbal jo grah shubh hoga, vah hamesha shubh fal dega, chahe vah bali ho ya nirbal aur jo grah ashubh hoga vah hamesha ashubh fal dega, chahe vah bali ho ya nirbal. jo grah shubh evan bali hoga vah bahut shubh fal dega. yadi aise grah ki dasha chale to uska ratn dharan kar us dasha ka bharpur labh uthana chahie aur yadi grah shubh hai aur nirbal hai to use bal dekar hamen apne anukul mitra grah ko aur bal dekar, use apni sahayta ke lie adhik sahyogi banana chahie.
arthat koi shubh grah yadi nich rashi men sthit ho to nishchit rup se hamara mitra grah, jo hamari sahayta kar sakta hai, dayniya aur nirbal sthiti men hai, vah hamen labh pahunchana chahta hai, pahuncha nahin pata. atah aise grah ka ratn dharan karke nishchit rup se ham uska adhik se adhik labh utha sakte hain.
am dharna yah hai ki nich grah ka ratn dharan nahin karna chahie. lekin uparyukt tark se siddh hota hai ki nich grah ka ratn bhi dharan kiya ja sakta hai, basharte grah shubh ho. grah ki shubhta aur ashubhta bhi do prakar se dekhi jati hai - pahla naisargik rup se aur dusra kundli ke svamitva v sthiti ke anusar. ab prashn uthta hai ki grah ki shubhta aur ashubhta kundli ke anusar kaise nishchit karen.
yahan hamen yah manna hoga ki grah ki shubhta aur ashubhta sthiti ke anusar kam mahatvuparn hain, aur svamitva ke adhar par adhik. yah bilkul usi prakar se hai jaise ki kisi ek desh ka vasi yadi kisi dusre desh men nivas aur karya karta hai to pahle vah apne desh, samaj, parivar v sanskaron ke anusar karya karega jahan se vah sanbandhit hai, bad men us sthan ke anusar karya karega, jahan vah sthit hai.
atah yah siddh hota hai ki grah ki sthiti se kahin jyada mahatvapurn yah hai ki vah kis bhav ka svami hai, shubh bhav ka ya ashubh ka. shubh bhav ka svami sadaiv shubh aur ashubh bhav ka svami sadaiv ashubh kahlaega, bhale hi vah naisargik rup se shubh ho ya ashubh. atah grah ki naisargik shubhta aur ashubhta ka nirdharan sabse nimn star par mana jaega. yadi ashubh grah bali hoga, arthat uchch ka bhi hoga ya baladi avastha men 120 se 180 ke bich bhi hoga to bhi ashubh fal hi dega, chahe vah naisargik rup se shubh hi kyon n ho.
bali grah yadi uchch ka ya yuvavastha ka ho, adhik ashubh fal dene ki samathrya rakhta hai. arthat grah uchch ka ho kintu ashubh ho to uska ratn kabhi bhi dharan nahin karna chahie. yahan siddh hota hai ki grah uchch ka bhi ho to avashyak nahin hai ki uska ratn dharan kiya jae. ab prashn uthta hai ki yadi ek hi grah shubh bhav ka bhi svami ho aur ashubh bhav ka bhi to kya karen -
ratn dharan karen ya dan karen?
nishchit rup se aise grah ka upay mantrochchar ya pujan vidhi se kiya ja sakta hai, kyonki puja ya mantrochchar ke dvara ham grahon ko manate hain, unse nivedan karte hain aur apni sahayta ke lie amantrit karte hain aur badhaen utpann n karane iske lie prarthana karte hain.
mantron men adbhut shakti hoti hai. yadi koi vyakti hathyog lekar sankalp kare aur mantron ka path kare to koi shakti aisi nahin jo nivedan aur hathyog ke sammukh apna samarpan karke sahayta karne se apne ko rok pae. tatparya yah ki hamen tark sangat upay par hi vichar karna chahie, n ki am dharna ke anusar.
jivan men jarurat hai jyotishiya margadarshan ki? abhi bat karen fyuchar point jyotishiyon se!