jyotish ke madhyam se rog ki prakriti, uska prabhav tatha uske karnon ka vishleshan kiya ja sakta hai. jyotish aur ayurved chikitsa paddhati ka gahra sanbandh raha hai. prachin kal men vaidyon ko chikitsa paddhati ke sath-sath jyotish vigyan ka adhyayan karaya jata tha, taki ve sammilit prayas se rog ka nidan kar saken. jyotish shastra men 12 rashiyane, 9 grahon aur 27 rashiyon ke nakshatroen ke madhyam se rog ki jankari prapt ki ja sakti hai. kalpurush ke vibhinn angon par rashiyon ka adhipatya bataya gaya hai jiske adhar par ham kisi nishkarsh par pahunch sakte hain.
janm kundli men sthit pratyek rashi tatha grah sharir ke kisi n kisi ang ka pratinidhitva karte hain. jis grah ka jis rashi par dushit prabhav hota hai usse sanbandhit ang par rog ke prabhav ka pata lagaya ja sakta hai. is sanbandh mane rog ki avdhi mane kis grah ki mahadsha chal rahi hai, grah kundli men kaun se bhav men sthit ya drisht hai, grah papi hai ya shubh hai in sab baton se rog ki jankari prapt hoti hai. rog ki jankari ke lie lagn, chandra evan surya kundliyon ka adhyayan karna avashyak hota hai aur uske lie kalpurush ko samjhna bhi avashyak hota hai. samanyarup se lagn mastishk ka, chandrama man, pet tatha indriyon ka aur surya atma aur hriday ka pratinidhitva karta hai.
1. mesh, sinh, dhanu rashiyan agni tatva hain.
2. vrish, kanya, makar rashiyan prithvi tatva hain.
3. mithun, tula, kunbh rashiyan vayu tatva hain.
4. kark, vrishchik, min rashiyan jal tatva hain. in tatvon ki prakriti ke adhar par bhi rog ki pahchan asani se ki ja sakti hai.
- yadi agni tatva rashiyan kundli men dushit hon, pap prabhav men hon athva kisi shubh grah se drisht n hon aur pap grah ki mahadsha chal rahi ho to anidra, murcha, sir ka dard, maigren adi bimariyon ka sanket deti hain.
- yadi prithvi tatva rashiyan kundli mane dushit hon, pap prabhav men hon athva kisi shubh grah se drisht n hon aur pap grah ki mahadsha chal rahi ho to tvacha evan haddiyon se sanbandhit rog tatha vayu vikar, gathiya, vahan durghatana adi ka sanket deti hain.
- yadi vayu tatva rashiyan kundli mane dushit hon, pap prabhav men hon athva kisi shubh grah se drisht n hon aur pap grah ki mahadsha chal rahi ho to mansik vikar, tanav, pakshaghat, matibhram adi ka sanket deti hain.
- yadi jal tatva rashiyan kundli mane dushit hon, pap prabhav men hon athva kisi shubh grah se drisht n hon aur pap grah ki mahadsha chal rahi ho to tyumar, kainsar, histiriya, ghabrahat adi ka sanket deti hain. isi prakar yah bhi jan sakte hain ki grahon ke dushit hone aur pap grah se drisht hone se evan unki mahadsha men kaun-kaun si bimariyan ho sakti hain.
- yadi surya dushit ho to mastishk rog, hriday rog, uchch raktachap, pet evan netra vikar, bukhar, mirgi, sir dard adi ho sakte hain.
- yadi chandrama dushit ho to netra rog, thand, kaf, dama, dast, mansik bimari adi ho sakte hain.
- yadi mangal dushit ho to tivra jvar, chechak, bavasir, nasur, sainas, garbhapat, lakva, fora, gardan ke rog, poliyo adi ho sakte hain.
- yadi budh dushit ho to mastishk vikar, pakshaghat, daure ana, haklahat, sunne tatha bolne ki shakti ka hras adi ho sakte hain.
- yadi brihaspati dushit ho to piliya, yakrit sanbandhi rog, motiyabind, saitika, gathiya ki bimari adi ho sakte hain.
- yadi shukra dushit ho to chamri ke rog, korh, guptang rog, netra rog, dad, mutra rog adi ho sakte hain. - yadi shani dushit ho to dant dard, pairiya, bahrapan, kainsar, murcha, gathiya evan anya jatil bimariyan ho sakti hain.
- yadi rahu-ketu dushit hon to rahu shani ke jaise tatha ketu mangal ke jaise rog pradan karta hai athva donon jis rashi-bhav men baithte hain, uske anurup rog dete hain. samanyarup se naisargik shubh grah guru, shukra, budh tatha chandrama pap grah shani, mangal, rahu, ketu tatha surya se pirit hone par apni dashavdhi men rog dete hain.
in sabhi grahon se hone vale rogon se mukti pane ke lie upay bhi die gae hain. jin grahon se sanbandhit bimariyan hon unse sanbandhit dan, puja, mantron ke jap adi se labh prapt kiya ja sakta hai. iske lie shraddha, vishvas evan nishtha ka hona jaruri hai. rogi svayan in upayon ka prayog kare to use adhik labh milta hai. svayan karne men saksham nahin ho to vah parivar ke kisi sadasya se athva kisi yogya brahman se bhi karya sanpadit kara sakta hai
yadi marak grah ki mahadsha ho to mahamrityunjay mantra ka jap karna shresyakar hota hai aur yadi adhik grah dushit hane to navagrah yantra dharan karke rogon se mukti pai ja sakti hai. vastu, ayurved evan rog: prachin dharm granthon men vastu aur ayurved ka gahra sanbandh bataya gaya hai. ayurved men tin tarah ke doshon vat (hava), pitt (agni) tatha kaf (jal) ka vichar kiya jata hai tatha in tinon ka vishleshan karke hi uchit davaon ka nirdharan hota hai. vat, pitt aur kaf arthat hava, agni aur jal ke niyamon ke adhar par logon ke svabhav evan adton se yah nirdharit kiya ja sakta hai ki unmen in tatvon mane se kis tatva ki pradhanta hai aur iske adhar par upay bhi kie ja sakte hain.
vastushastra ke anusar uttara-pashchim (vayavya) disha hava, dakshin-purva (agney) disha agni aur uttara-purva (ishan) disha jal ka kshetra mani jati hai. koi vyakti yadi vat tatva se prabhavit hai tatha apna jyada samay apne ghar ya daftar ke uttara-pashchim (vayavya) disha men bitata hai to uske sharir mane vat tatva aur jyada sangrahit ho jata hai. iska uske svasthya tatha adton par bahut bura prabhav parta hai. vastu ke niyamon ke anusar svasth rahne ke lie kisi bhi vyakti ko apne prabhavi tatva ke kshetra men kam se kam samay bitana chahie. koi vyakti kis tatva se prabhavit hai iski jankari ke lie uske svabhav ka adhyayan karna avashyak hota hai.
vat tatva se prabhavit vyakti ka svabhav amtaur par hava ki tarah, pitt tatva se prabhavit vyakti ka svabhav agni ki tarah tatha kaf tatva se prabhavit vyakti ka svabhav jal ki tarah hota hai.
- vat tatva se prabhavit vyakti ko apna jyada samay dakshin-pashchim ya uttara-purva men bitana chahie. aisa karna svasthya ke lie labhdayak ho sakta hai. yadi uttara-pashchim disha ka istemal jyada karna par raha ho to nile, hare tatha ujle rangon ka istemal karke is kshetra men santulan sthapit kiya ja sakta hai.
- pitt tatva se prabhavit vyakti ko apna jyada samay dakshin-pashchim tatha uttara-purva men bitana chahie. aisa karna svasthya ke lie labhdayak ho sakta hai. yadi dakshin-purva disha ka istemal jyada karna par raha ho to thande rangon jaise nile, hare tatha ujle rangon ka prayog karke is kshetra men santulan sthapit kiya ja sakta hai. dakshin-purva mane jyada samay bitane, shayan karne se daybitij aur yakrit ki bimari ho sakti hanai. isse bachne ke lie pitt tatva se prabhavit vyakti ko dakshin-pashchim men shayan karne ki salah di ja sakti hai.
- kaf tatva se prabhavit vyakti amtaur par subah der se uthta hai tatha sardi jukam se pirit rahta hai. use sainas hone ki sanbhavna bani rahti hai aur yah bhi ho sakta hai ki vah alasya tatha motapa se bhi pareshan ho. kaf tatva prabhavit vyakti ko apna jyada samay dakshin-purva men bitana chahie. aisa islie kyonki jal tatva ko agni sokhti hai.
aise men yadi kisi karanavash uttara-purva kshetra ka jyada istemal karna pare to garhe rangon jaise lal, pila, narangi adi rangon ka istemal kar in dushprabhavon se bacha ja sakta hai. is prakar kaf deash ka nidan ho jaega kyonki ye rang agni tatva se sanbandhit hain. grah chikitsa se rog se bachav: jatak ke janm ke samay jis rashi men shubh grah hote hain, sharir ka usse sanbandhit bhag sudrirh, nirogi evan pusht hota hai evan jis rashi men pap grah hote hain sharir ke us rashi se sanbandhit bhag men rog hota hai.
grahon ke shubh prabhav mane vriddhi aur ashubh prabhav se chutkara pane ke lie mantra, ratn, aushdhi, dan v snan ka prayog kiya jata hai. manishiyon ne ise grah chikitsa kaha hai. ismen mantra ki mahima tatha uske prabhav ko sarvaechch prathmikta di gai hai. falit granthon men sthan sthan par iska ullekh hai jabki bhartiya vanmay men is sanbandh men svatantra shastra rachit hai. mantra chikitsa: mantra chikitsa men vyakti supt ya lupt shakti ko jagrit kar mahniya shakti ke sath samanjasya sthapit karta hai. yah gurh gyan hi ‘mantra’ kahlata hai. ismen sadhak ko ek hath se bhukti tatha dusre hath se mukti prapt hoti hai.
mantra sadhna se jivan ki kisi bhi samasya se chutkara paya ja sakta hai. hamare prachin granthon men pratyek grah ke nam, mantra, tantrik mantra tatha unki jap sankhya nirdharit hai. ratn chikitsa: ratn ke dvara grahon ke anisht prabhav ko kam karke uske shubh prabhav men vriddhi ki ja sakti hai. islie anisht se bachne v shubh prabhav men vriddhi ke lie ratn dharan karne ka vidhan prachin kal se hi chala a raha hai. surya ke lie manikya, chandrama ke lie moti, mangal ke lie munga, budh ke lie panna, guru ke lie pukhraj, shukra ke lie hira, shani ke lie nilam, rahu ke lie gomed tatha ketu ke lie lahsuniya ratn ka prayog kiya ja sakta hai. aushdhi chikitsa: vibhinn grah jatak ke sharirik v mansik kshamataane ko kabhi sakaratmak to kabhi nakaratmak rup se prabhavit karte hain.
is nimitt vaidik jyotish ke pramukh ang ayurved shastra ki madad li ja sakti hai. jyotish shastra men grahon ke dushprabhav se bachne ke lie nishchit aushdhiyon se snan grah chikitsa ka ek ang hai. iske alava tirth sthanon par aushdhiyukt jal se snan karne se chamatkari parinam samne ate hain. dan: janm janmantron ke arjit karmon ke prabhav se jatak ko jivan men kabhi achcha to kabhi bura fal milta hai. ashubh karmon ke prayashchit v shubh karmon ke punya ko barhane ke lie unke suchak grahon ke anusar dan karne ka vidhan hai.
surya: gehun, gur, lal chandan, gulab ka ful, manik, lal gay, gulabi vastra, tamra patra, nariyal adi dan karne chahie. chandrama: shankh, moti, chaval, safed chandan, ata, kapur, ghi, dahi, chini, mithai, mishri adi dan karne chahie. shani: sarson tel, nile vastra, nariyal, kali urad, kali dal, mungfli, nilam, jute, shani chalisa adi dan karne chahie. mangl: gur, ghi, sona, masur, munga, mithi roti, nariyal, kesar, gehun, lal vastra, lal pushp, hanuman chalisa adi dan karne chahie.
guru: pile vastra, pile khadya padarth, karmakand ki kitaben, mala, vishnu ki murti, pila kanbal, dal adi dan karne chahie. rahu: mungfli, kala/bhura kanbal, kala pushp, nariyal, sapt dhan, gomed, chandi se bana sarp ka jora adi dan karne chahie. ketu: mungfli, kala/bhura kanbal, kala pushp, nariyal, sapt dhan, lahsuniya, chandi se bana sarp ka jora adi dan karne chahie. budh: sag-sabji, panch prakar ke fal, kela, chini, hari ilaychi, hathi dant, sona, panna, oneks, hara vastra, hara ful, panchang, dharmik kitaben, durga chalisa adi dan karne chahie. shukra: dudh, dahi, ghi, shahad, ata, chaval, sona, hira, firoja, safed pushp, safed vastra, sugandhit padarth adi dan karne chahie.
is prakar hamne dekha ki jyotish ek vigyan hai jismane anya sabhi prakar ki jankari ke sath rogoen ke nidan ke upay bhi hain aur bare hi saral tarike se rogon se mukti pai ja sakti hai. ta