purva men log videsh yatra jalyan ke dvara kiya karte the, jismen jaliya rashiyon kark, vrishchik aur min tatha chandrama ki bhumika mahatvapurn hoti thi. kintu aj log adhikatar vayu marg se videsh gaman karte hain, atah vayavya rashiyon mithun, tula aur kunbh ki bhumika par vishesh rup se dhyan dena avashyak ho jata hai. akash tatva ke karak grah guru ki vivechna bhi avashyak hai.
rashiyan apne svabhav ke anurup yatra ki pravritti deti hain. svabhav se rashiyan tin prakar ki hoti hain- char, dvisvabhav aur sthir. mesh, kark, tula aur makar char, mithun, kanya, dhanu aur min dvisvabhav tatha vrish, sinh, vrishchik evan kunbh sthir rashiyan hain. char rashiyan apne svabhav se chalayman hone ke karan yatra ki pravritti banati hain. visheshtah jaliya char rashiyon kark aur makar ki bhumika videsh yatra ki prabal mansikta banane vali hoti hai. dvisvabhav rashiyon men dhanu aur min videsh yatra ko prerit karti hain. unmen kabhi yatra karne ka bhav utpann hota hai to kabhi sthir rahne ka. jahan tak sthir rashiyon ka prashn hai, apne svabhav se sthirta pradan karne vali hone ke karan bhraman ki pravritti sthir bana deti hain. keval vrishchik rashi videsh yatra ki pravritti pradan karti hai. aur in rashiyon ke jatak yatraen kam pasand karte hain. ve apne janm sthan tak hi simit rahte hain.
katipay nakshatra videsh gaman hetu vyakti ko utsahit karte hanai. jo nakshatra videsh gaman hetu utprerak ka karya karte hanai, ve hain shani ke nakshatra pushya, anuradha evan uttarabhadrapad, rahu ke adrra, svati tatha shatbhisha, guru ke punarvasu, vishakha aur purvabhadra tatha chandra ke rohini, hast aur shravan. inke alave ashvini, mrigshira, chitra tatha revti nakshatra bhi videsh gaman ki pravritti pradan karte hanai. videsh yatra ke nirnay ke kram men vibhinn bhavon par drishtipat karna apekshit hai. is kram men lagn, tritiya, pancham, saptam, ashtam, navam aur dvadash bhavon par vichar avashyak hota hai. lagn se kisi vyakti ke sthan ki jankari milti hai ki vah apne janm sthan men hoga ya kahin anyatra jaega. char lagn rashi vale log apni bhramnkari pravritti ke karan apne janm sthan se dur-daraj chale jate hain aur sthir rashi vale apne janm sthan men hi pare rahte hain.
dvisvabhav valon men ubhay gunon bhramnkari tatha sthir hone ke karan ve yadakda bhraman karte hain, fir apne janm sthan ko vapas bhi a jate hain. islie videsh gaman ke nirnay men lagn pahluon ka bariki se adhyayan avashyak hai. sath hi saptam, navam aur dvadash bhavon ke antar sanbandh par vichar bhi avashyak hai. tritiya bhav se alp yatra arthat apne desh ki sarhdon se sate deshon men yatra ka yog banta hai. pancham bhav navam se navam hone ke karan videsh gaman karne ke vichar, ichcha tatha mansikta ko janm dene vala hota hai. saptam bhav videsh men vasne ya svadesh vapas ane sanbandhi pahluon ko darsharta hai. kisi vyakti ke videsh bhraman karne aur videsh men nivas karne men ashtam bhav ek atyant hi mahatvapurn bhav hai. videsh gaman ke prasang men navam evan dvadash bhav ke pariprekshya men iska vichar apekshit hai.
ashtam bhav navam se dvadash tatha dvadash se navam hone ka yog banata hai. samudra yatra ya jal yatra ka srot ya jalyan dvara hone vali yatraon ka karak ashtam bhav hi hai. ashtam rashi vrishchik, jo jaliya rashi hai, ki bhumika videsh yatra men kafi had tak prabhavi hoti hai. navam bhav dur gaman, parivartan aur desh-deshantar gaman ka karak hai. navam bhav videsh gaman ki vyapak bhumika taiyar karne vala hota hai. dvadash bhav vilgav ka bhav hai. yah bhav desh-deshantar ka karak tatva pradan kar kisi jatak ko apne parijnon, kutunb, samaj sabhi se vilag karne vala hota hai. vibhinn bhavon dvara videsh gaman par vichar ke bad videsh men pravas banne ke yogon par bhi drishtipat karna avashyak hai. jab lagn aur lagnesh ka chaturth grah ke sath sanbandh ho aur videsh gaman ka yog ho to vyakti videsh yatraen to karta hai, kintu videsh men n rahakar svadesh men hi vas karta hai.
chaturth bhav tatha chaturthesh jab dvadash bhav ke prabhav men hote hain, to vyakti apna samay videsh men vyatit karta hai aur apna vas sthan svadesh men hi rakhta hai. lagn se sthan ka bodh hota hai. jab lagn aur lagnesh dvadash bhav men hon athva lagnesh evan dvadshesh ki yuti ho to jatak ka vas sthan videsh men hi hota hai. videsh gaman ka yog: rajjuyog-sarveshcharesthitai rajjuah . arthat rajjuyog hone se videsh gaman ka yog banta hai. aranaptiya surupaah pardesh svasthya bhagiye bhapujaah . rajju prabhva sada lathita. papakartari yog bhi videsh gaman ka yog banata hai. kartariyog papaah pradesh jataah . klivyog se pravasi hone ka yog banta hai- klive pravasi. vyameshe pap sanyukte vyaye papa samanvite. papagrahen sandrishte deshantar gatah . uttarakalamrit men videsh gaman ke saptam bhav videsh ka evan rahu se videsh gaman ka karakatva banta hai. kintu saptamesh evan rahu ka yog nirvasan ki sthiti men banta hai. nirvasan prachinkal men raj dand ke falasvarup diya jata tha.
videsh gaman ke pariperakshya men liya jata hai. lagnasvamini riahpge tu vipatti kure sachandre kuje. jato sau pardeshgah sukhadhan tyagi daridro bhavet. arthat jab lagn dasham bhav men tatha chandrama mangal ke sath yuti men ho, ashubh rashi men ho tatha vah dasham bhav men ho to jatak ko videsh jana parta hai tatha vah sukh aur dhan ko tyag deta hai aur daridra ho jata hai. ashtamesh evan navmesh ki yuti, ashtamesh evan dvadshesh ki yuti ya in bhaveshon ke bich grih parivartan videsh gaman ka yog banata hai. jab chaturth bhav aur chaturthesh ki yuti kisi grah ke sath ho, sath hi chandrama bhi kisi pap grah ki yuti ya drishti men ho aur adhikatar grah char ya dvisvabhav rashiyon men hon to jatak parhne ke liye videsh jata hai. yadi in yogon ke atirikt dashmesh evan shashthesh ka sanbandh ho ya dasham par shashthesh ka prabhav ho to jatak videsh men hi seva men lag jata hai
kyonki dasham bhav karm ko ingit karta hai aur shashthesh seva ko. dashmesh evan dvadshesh ke bich ka sanbandh dhandhe evan peshe se hota hai. jab dvadshesh svagrih ya mul trikon men ho ya uchch ka ho, sath hi videsh gaman ka anya jyotishiya yog ho to vyakti videsh gaman dhanoparjan hetu karta hai. saptamesh aur lagnesh ki dvadash bhav men yuti ho ya saptamesh, lagnesh evan dvadshesh ka antar sanbandh ho to videsh gaman ke bad videsh men hi vivah ka yog banta hai. saptamesh aur dashmesh ka sanbandh ho, dashmesh saptamasth ho ya saptamesh dasham men ho ya dasham aur saptam bhavadhiptiyon ke bich grih parivartan ho to videsh men karobar ka yog banta hai. jo log videsh gaman vyapar ya dhandhe ke lie karte hain, unki janm patrika men videsh gaman ke anya jyotishiya karnon ke sath-sath navam bhav evan navmesh par shani ka prabhav hona avashyak hota hai arthat navmesh shani ke prabhav men hota hai, arthat navam bhav men shani hota hai.
jo adhyayan ya prashikshan hetu videsh jate hain, unki janm kundli men videsh gaman ke anya karnon ke sath-sath navam sthan men guru hota hai ya navmesh guru ke prabhav men hota hai. ve videsh ki sabhyata sanskriti ko apnate hue paye jate hain. ve unmen kafi ruchi lete hain. ve dharm prachar karyarth videsh jate hain. jo chikitsa hetu videsh jate hain, unki janm kundli men videsh gaman ke anya yogon ke sath-sath shashthesh navam men hota hai. navmesh ka shashthesh men hona ya shashthesh evan navmesh ke bich grih parivartan yog hona svasthya labh aur chikitsa hetu videsh gaman ka dyotak hai. jo log videsh chavi-chata evan prakriti ke manoram drishya ka avlokan karne aur anand uthane hetu jate hain, unki janm kundli men navam ya navmesh ya dvadash ya dvadshesh shukra ke prabhav men hota hai, sath hi videsh gaman ka anya jyotishiya karan bhi ho. jo anusandhan karya ya sangoshthi men bhag lene hetu videsh jate hain
unki janm kundli men jyotish ke anya karnon ke sath-sath budh ka navam aur navmesh par prabhav hona avashyak hai. jo log kutnitik karnon se videsh jate hain, unki janmakundli men anya jyotishiya yogon ke sath-sath ekadshesh evan dashmesh ki navmesh ke sath yuti tatha navam sthan ka prabhav hone se hota hai. jo dharm prachar ya adhyatmik karya hetu videsh gaman karte hain unki kundli men anya karnon ke sath-sath navam aur navmesh par guru aur shani ka prabhav hota hai. jab navam evan dvadash bhav pap grahon se akrant hane to videsh gaman ka yog banta hai. is yog ka jatak taskar, jasusi adi karyon ke lie videsh jata hai. jo videsh gaman sahsik karyon hetu karte hain, unki kundli men anya jyotshiya yogon ke sath-sath mangal navam men hota hai aur navmesh mangal ke prabhav men hota hai. ravi ke navam sthan men hone se vyakti adhik samay videsh men hi vyatit karta hai. uski ichcha hoti hai ki vah desh-deshantar bhraman kare tatha videsh ke baton ki jankari le. chandrama ke navam men hone se bhraman ki pravritti to banti hi hai,
sath hi ghar se dur basne ki pravritti bhi hoti hai. jab lagn, lagnesh aur navansh char rashi men hon to jatak videsh yatra ke dvara dhan sanpann hota hai. jab lagn par char rashi ho, lagnesh char rashi men ho tatha lagn par char rashi se kisi grah ki drishti pare to vyakti videsh jakar dhanoparjan karta hai. navam bhav men brihaspati ho tatha shani aur chandrama ka drishti ho to vah videsh jakar apna ghar banakar rahta hai. jab navam bhav men char grahon shukra, budh, guru aur shani ka yog bane to vyakti videsh jakar dhan ka uparjan karta hai.
videsh gaman ke uparyukt yogon ke vivechan ke sath-sath yah dekhna bhi avashyak hai ki vyakti ki arthik sthiti kaisi hai. uske svasthya ki sthiti kaisi hai, videsh gaman arthabhav men sanbhav nahin hai. tikat aur yatra par evan videsh men ane vale kharch par bhi dhyan dena avashyak hai. matra videsh gaman ke yog rahne se hi videsh bhraman sanbhav nahin hai.