bihar ke 14ven vidhan sabha chunav 2005 men shri nitish kumar ki jantadal yunaited sabse bari parti ke rup men ubhri aur rajag ne spasht bahumat prapt kar sarkar gathit ki. 24 navanbar, 2005 ko patna ke aitihasik gandhi maidan men bhari jan sailav ke samaksh shri nitish kumar ne en.di.e. sarkar ki kaman sanbhali. shri kumar ne 3 march, 2000 ko bhi mukhyamantri ke rup men shapath li thi lekin vidhan sabha sadasyon ka paryapt samarthan n mil pane ke karan matra sat din ki alpayu men unki sarkar ne dam tor diya.
aie, donon shapath grahan kundliyon ki tulna kar dekhen ki is bar ki nitish sarkar kya apna karyakal pura karegi? 13ven vidhan sabha chunav 2005 ke banisvat is bar janta ne jin akankshaon ko jehan men rakhakar rajag gathbandhan ko spasht bahumat diya, kya un akankshaon ki purti ho sakegi?
sarvapratham shri nitish kumar ki janmakundli par vichar karen ki ve kin grah sthitiyon men satta prapt karne men safal hue. shri kumar ka janm guruvar 1 march, 1951 ko jyeshtha nakshatra ke mithun lagn aur dhanu navansh men hua. us din krishn paksh ki ashtami tithi thi aur us samay vajra yog ke budh ki mahadsha chal rahi thi. nitish kumar ki kundli men chandrama aur guru ek dusre se kendra men hanai aur yah sthiti gajkesri rajyog bana rahi hai. yadyapi chandrama nich rashi men hai tathapi nich bhang hokar nichbhang rajyog bana raha hai. kundli men kendra men uchch ka shukra panchmhapurush ka malavya yog bana raha hai.
14vin vidhan sabha par budh ka prabhav tha aur nitish kumar ki kundli ka chaturthesh budh hai. chaturth bhav janta ka bhav hai, atah janta ka samarthan prapt karne ke lie chaturth aur chaturthesh ka shubh sthiti men rahna avashyak hai. chaturthesh budh bhagya bhav men surya ke sath hokar budhaditya yog bana raha hai. chaturthesh budh aur bhagyesh shani men rashi parivartan ka sanbandh hai. chaturth bhav par mahadsha nath (vartaman) mangal aur uchch shukra ki drishti hai. lagnesh bhi budh hai aur vah bhagya bhav men hai, atah budh se prabhavit chunav ne jatak ko bhagyashali banaya. dashmesh ka bhagya bhav men jana bhi achcha hai. vartaman bihar rajya 14 navanbar 2000 ki arddharatri ko 243 siton ke sath shesh rah gaya.
is tithi par jahan budh ka prabhav hai vahin sit sankhya 243 par mangal ka prabhav hai. vartaman men jatak par mangal ki mahadsha hai jo chunav ke daramyan bhi chal rahi thi. tisra bhav vidhan sabha ka hai. iske balvan hone se vidhan sabha ke sadasyon ka samarthan milta hai. tritiyesh surya nhai. surya ki apni rashi par drishti ke sath budh, guru v rahu ki drishti hai. is tarah tritiya bhav balvan dikh raha hai. shani prajatantra ka pratinidhi grah hai. yah jab shubh hota hai, to jatak samaj ke utthan aur samaj ke nimn varg ke kalyan ke lie karya karna apna pratham kartavya samjhta hai. mithun lagn ki kundli ke lie shani bhagyesh hone se shubh hota hai.
bhagyesh shani janta ke bhav men budh ki rashi men baitha hai aur uchch shukra se uska drishti sanbandh hai. ‘rajat pad’ ke karan shani ka gochar shubh faldayak hokar chunav karya men saflta dene vala siddh hua. mangal sahas, karya karne aur spardha men bhag lene ki shakti deta hai. shashth bhav pratispardha ka bhav bhi hai. shri kumar ka rashi svami mangal hai aur shashthesh bhi mangal hai, jiski vartaman men mahadsha chal rahi hai. navam bhav bhagya, sukh v rajtilak ka bhav hai. is bhav men char grahon ki upasthiti aur navmesh ke chaturth bhav men jane ke karan kendra-trikon ka sanbandh bana hai. is tarah navam bhav bali hai. chandrama janta ka pratinidhi grah hai, iske shubh hone par janta se pyar, samman v sahayta prapt hoti hai.
chandrama budh ke nakshatra men hai aur budh ka prabhav chunav par vyapak tha. lagn se vrihaspati ka gochar shubh aur rashi se bhi ‘rajat pad’ ke karan har prakar se unnati, janta ki sahayta se pragti evan man-samman ki vriddhi karne vala sabit haua. shapath grahan kundli 3 march, 2000 shri kumar ne 3 march, 2000 ko shukravar ko shravan nakshatra men sinh lagn aur makar rashi men shapath li thi. is kundli men lagn aur lagnesh sthir rashi men hain lekin rashi aur rashi svami char rashi ke hain. vidhan sabha ke bhav tritiya bhav ka svami shukra pirit hai, rahu-ketu ki dhuri men hai, aur yahin se kalasarpayog nirmit ho raha hai. tritiya bhav par ashtamasth mangal ki ashtam drishti bhi par rahi hai.
prajatantra ka grah shani navam bhav men nich rashi men hai, jahan se chandrama par drishtipat kar raha hai. chandrama shashth bhav men pirit avastha men hai. shapath grahan nakshatra bhi char sangyak nakshatra hai. muhurt vigyan ke anusar chandrama shashth bhav men pirit avastha men ho to balarisht mrityu deta hai arthat kam samay men sarkar gir jati hai. aisa hi hua. shapath grahan kundli, 24 navanbar 2005 shri kumar ne 24 navanbar, 2005 guruvar ko tithi ashtami, paksh krishn, nakshatra magha, lagn kunbh aur sinh rashi men shapath li. shapath grahan lagn sthir rashi ka hai lekin lagn svami shashth bhav men char rashi men hai. lagnesh pap grah ka shashth bhav men jana shubh hai. shapath grahan ki rashi sthir rashi hai aur rashi svami surya sthir rashi men dasham bhav men hai.
panchmesh budh dasham bhav men surya ke sath hai. kanedra-trikon sanbandh ke sath dasham bhav men budhaditya yog rajnirnay ke lie bahut achcha hai jo bauddhik kushlta se rajpat chalana darshata hai. vidhan sabha ka bhav tisra bhav balvan hone se vidhan sabha ke sadasyon ka rukh sahyogatmak banata hai. tritiyesh ka mesh rashi men hona, tritiyesh mangal ka tritiya bhav men hona aur us par guru ki pancham drishti sab tritiya bhav ko balvan banate hanai. surya ka mangal ki rashi men hona aur mangal se drisht hona tatha surya, jo rajya ka pratik grah hai, ka rajya bhav (karm bhav) men hona sab rajniti men saflta ki sirhi pradan karte hain.
muhurt vigyan ke anusar vrihaspati ka navam evan chandra ka saptam men hona rajyabhishek muhurt ke lie achcha hai. shapath grahan krishn paksh ki ashtami tithi guruvar ko hua. yahi tithi, paksh evan var shri kumar ki janmatithi ko bhi hai. magha nakshatra men shatru ko parajit karne ka karya praranbh karna achcha mana gaya hai. uparyukt tathyon ke vishleshan se spasht hai ki shri kumar ki sarkar purnayu ko prapt ho sakegi.