bharat men aur bharat ke bahar bhi aise anek sthan hain jahan bhuton aur preton ke astitva se juri anek rahasyamyi ghatnaen aur vichitra anubhav vahan jane vale logon ko hue aur kuch sthanon par to sthaniya prashasan ne bhi aisi jagah ko nishiddh kshetra ghoshit kar rakha hai aiye, jane aise sthanon ke vichitra aur dilachasp anubhvon ke bare men vishva men anek aise sthan hain jahan par nirantar hone vali rahasyamyi ghatnaen bhut-preton ke astitva ke bare men jigyasa ko aur adhik barhati hanai. anek logon ne dava kiya hai ki jab ve in sthanon par the tab unhen vichitra rahasyatmak anubhav hue tatha kuch adrishya shaktiyean ka anubhav hua.
yahan tak ki inmen se kuch sthanon ko to sthaniya prashasan ne bhi nishiddh kshetra ghoshit kiya hua hai. vhait haus, vashingatan abraham linkan amerika ke 16ven rashtrapti the. amerika ke rashtrapti ke sarkari avas vhait haus men aprail 1865 men inki goli marakar hatya kar di gai thi. iske pashchat abraham linkan ka bhut aksar vhait haus men dekha jata hai. sarvapratham rashtrapti gres kulij ki patni kelvin kulij ne bataya ki unhen abhas hua ki rashtrapti abraham linkan vhait haus ke oval daftar ki khirki ke pas khare hue dikhai diye. ve rashtrapti abraham linkan ki hatya par bana telivijan program dekh rahi thi tabhi unhen bhi ehsas hua rashtrapti linkan vahan unke pas baithe hue hain. yah kaha jata hai ki linkan ka bhut rashtrapti rujvelt ke karyakal men sarvadhik dekha gaya. ek bar rashtrapti rujvelt ki patni adhyayan kaksh men baithakar parh rahin thi unhen vahan par abraham linkan ki upasthiti ka abhas hua.
yah adhyayn-kaksh rashtrapti linkan ka shayanakaksh tha. nidrlaind ki maharani vhilmina ek bar jab apni amerika yatra ke dauran vhait haus men ruki hui thi tab der rat unka kisi ne darvaja khatkhtaya. jab unhonne darvaja khola to rashtrapti linkan ko vahan khare paya. briten ke pradhanmantri apne karyakal ke dauran anek bar hue ameriki dauro men vhait haus men ruke the. ek bar jab ve naha kar bathrum se bahar ae to unhonne kamre men fayar ples ke pas rashtrapti linkan ko baithe dekha. bhutha kar nan. 42 jisne japan men kar res men bhag liya- mai 1963 men japan men dvitiya vishvayuddh ke pashchat pahli bar kar res ka ayojan kiya gaya. ‘asanon mosana’ japan ke prasiddh kar resar the. kaha jata hai ki unhonne jis bhi kar res men bhag liya, vah pratiyogita hamesha unhonne hi jiti thi.
is res men bhi ‘asano mosana’ ne bhag liya tha. inki kar ka nanbar 42 tha. japan men 42 nanbar shubh nahin mana jata hai. vahan ise mrityu ka pratik mana jata hai. asano mosana ne ise andhvishvas kahte huye apni kar ka nanbar 42 hi rakha tatha us kar ke sath res men bhag liya. us kar res men unki kar buri tarah se durghatanagrast ho gai tatha unki is durghatana men mrityu ho gai. iske pashchat japan ato fedreshan ne kar res men 42 nanbar ki kar par rok laga di thi. iske ek varsh pashchat japan men punah kar res ka ayojan hua. yah kar res pichli kar res ki tulna men bahut bare star par ayojit ki gai thi tatha is kar-res ke samay lagabhag derh lakh darshak upasthit the. is kar res men kar nan. 42 ko kuch samay ke liye res men bhag lekar gayab hote huye dekha gaya. logon ka manna hai ki ye asano mosana ka bhut hi tha jisne kar nanbar 42 ke madhyam se is res men bhag liya.
niyagra fal ki chikhti gufa yah gufa niyagra fal ko toranto evan nyuyark se jorne vali relve lain ke niche sthit hai. yahan par machis, laitar ya kisi bhi prakar ki ag jalane ki manahi hai. aisa kaha jata hai ki jisne bhi yahan par aisa kiya uski mrityu ho gai. kaha jata hai ki is gufa ke dakshini pravesh dvar ke pas sthit farm haus men ek bar ag lag gai thi tatha usmen ek yuva stri jalakar bhasm ho gai thi. us farm haus men ag kyon aur kaise lagi thi, yah ab tak ek rahasya bana hua hai. jalti hui avastha men gufa ke dakshini dvar se pravisht hokar madad ke liye chillate hue us stri ne is gufa men hi dam tor diya tha. parantu madad n milne ke karan uski vahan par mrityu ho gai thi.
iske pashchat jisne bhi gufa ke dakshini dvar ke pas machis ya ag jalane ka prayas kiya uski mrityu ho gai. is karan vahan par machis ya ag jalana nishiddh hai. edinabarg ka kila (skaetlaind): edinabarg shahar yurop ke bhutha shahar ke nam se prasiddh hai. yahan ka kila bhi bhutha kile ke nam se jana jata hai. yah kila lagabhag 900 varsh pahle 12vin shatabdi men bana tha. iske nirman ke pashchat ise mukhyatah sainik chavni ke rup men hi prayog kiya jata raha hai. is dauran is kile par anek bar akraman bhi huye tatha anek sainikon ki nirmamata se hatyayen bhi huin. ab yah kila edinabarg ka pramukh paryatak sthal hai tatha yahan ghumne ane vale paryatak aksar is kile men ghumne ke dauran rahasyamyi anubhutiyan hone ka dava karte hain. 2001 men yah kila pairanarmal sarvekshan ka kendra bana. is varsh 9 shodhkon ke netritva men lagabhag 200 svayansevkon ke dal ke sath jinhen is kile ke itihas ke bare men kuch bhi malum nahin tha kile ke vibhinn bhagon ka sarvekshan kiya gaya. in svayansevkon ko kile men ghumne ko kaha gaya.
unhen yah nahin bataya gaya ki is kile ke kuch bhag bhutha hain. parantu ashcharyajanak rup se 200 svayansevkon men se 50 pratishat ne bataya ki kile ke bhutha kshetra se gujrte hue vichitra anubhutiyan hui. unhonne bataya ki vahan unhen kuch dhundhli akritiyan dikhai di, us dauran unhen sharir men ajib prakar ki jalan ka anubhav bhi hua. kuch ko aisa laga ki koi unka kapra pakar kar khinch raha hai. kuch ko vahan ke tapman men atyadhik giravat mahsus hui tatha kuch ko atyadhik ghutan ka ehsas hua. hithro antarrashtriya havai adda, landan hithro havai adde par dik tarpin jise haivemain bhi kaha jata hai ka bhut aksar dekha jata hai. tarpin ne haive par bahut si hatyaain, balatkar evan lutpat ki thi. is karan use 1739 men fansi ki saja de di gai thi. iske pashchat dik tarpin ka bhut hithro havai adde ke mukhya tarminal par aksar dekha jata hai. isi havai adde par 1948 men ek havai jahaj ranve par durghatanagrast ho gaya tha. ismen jahaj men savar sabhi yatri mare gae the.
jahaj ke kshatigrast hone ke bad jab reskyu varkars jahaj ke malbe ko hata rahe the to achanak ek vyakti akar apne sutkes ke bare men puchne laga tatha thori der ke pashchat gayab ho gaya. kuch der pashchat reskyu varkars ko us vyakti ki lash jahaj ke malbe men mili. uske pashchat vah vyakti sarve par aksar dekha jata raha hai. 1970 men ek din radar par ek manav akriti nirantar dikhai de rahi thi parantu ranve par bahut khojne ke bad bhi koi nahin mila tha. bhanagarh, rajasthan bhanagarh jaypur-dilli rashtriya rajmarg par sthit ek khandahar jaisa shahar hai. is shahar men koi bhi nahin rahta hai tatha yah shahar purnatah khandahar men parivartit ho chuka hai. yah kaha jata hai ki yahan par jo bhi rat ko rukta hai vah jivit vapas nahin ata hai. yahan tak ki prashasan ne bhi yahan par rukne ka nishedh kiya hua hai.
yah kshetra bharat sarkar ke puratatva vibhag ke sarvekshan men hai. is hisab se is kshetra men puratatva vibhag ka karyalay hona chahie. parantu puratatva vibhag ka karyalay bhi is kshetra men nahin hai varan yahan se ek kilomitar dur sthit hai. yah mana jata hai ki kisi tantrik ke shrap ke karan yah ilaka yahan ke logon dvara ratonrat khali kar diya gaya tha. uske pashchat se yah sthan ajatak ujar avastha men hi hai tatha puratatva vibhag ne yahan par ek bord lagaya hua hai jis par likha hai ki suryast ke pashchat yahan jana mana hai. chin ki divar chin ki gret divar vishva ke sat ashcharyon men se ek hai. is divar ka nirman saikron varsh men pura hua tha. is nirman ke dauran lakhon majduron evan sainikon ki mrityu apne gharon se bahut dur isi divar ke as-pas hui durghatanaon men ho gai thi.
is divar par ghumte samay anek paryatak vichitra anubhutiyon ke hone ka varnan karte hai. jaisa ki dhundhli akritiyan dikhna, achanak kisi adrishya jakaran ka ehsas hona, yahan tak ki kuch paryatak to yahan tak bhi kahte hain ki kisi adrishya vyakti ne unhen thappar bhi mara hai. di destineshan truth tim namak sanstha ne chin ki gret divar se sanbandhit rahasyamyi ghatnaon ke bare men sarvekshan kiye. bijing ke uttar ki or sthit divar ke hisse ko ‘vaild val’ kaha jata hai tatha yah bhag bhutha ilake ke nam se prasiddh hain. apne sarvekshan ke dauran is sanstha ke sadasyon ne rat ke samay varshon se ujar pare hue sainik bairkon se kaimpafayar ke dhuaen ka anubhav kiya jabki vahan par koi nahin tha. vahan par tej roshni ke do gole bhi dekhe gae.
kuch padchapen bhi sunai din jabki unka dava tha ki vahan par unke atirikt us samay koi nahi tha. is tim ke ek sadasya ‘josh gets ko yah anubhav hua ki kisi ne unhen piche se buri tarah jakra hua hai tatha unki pith par lade hue baig ka batan kholakar uske saman ko koi buri tarah uthl-puthal karke dekh raha hai tatha unke baig ka purn sarvekshan karne ke pashchat usko band kar diya gaya hai. barmuda trikon: yah kshetra devils trayangal ke nam se bhi jana jata hai. yah uttari atlantik mahasagar ke pashchimi bhag men hai.
vahan se gujrne vale sabhi jahaj rahasyamay dhang se gayab ho jate hain yahan tak ki is kshetra ke upar se gujrne vale havai jahaj bhi rahasyamay dhang se gayab ho jate hain. in rahasyon par se aj tak koi parda nahin utha paya hai tatha kuch log ise bhutha shaktiyon ka prabhav bhi mante hain. is prakar vishva men anek aise sthan hain jahan par rahasyamyi shaktiyan hone ka abhas hota hai. inke karan bhut preton ke astitva ko puri tarah nakara nahin ja sakta. yahan tak ki vigyan bhi in rahasyamyi ghatnaon ke thos karnon ko batane men abhi purnatah samarth nahin hai. yadyapi manovaigyanik is prakar ke abhason evan ghatnaon ko manovaigyanik vikar ka nam dete hai parantu bhartiya vaidik sahitya men is prakar ki ghatnaon evan abhason ko pret-badha kaha gaya hai.
hamare dainik jivan men ham anek bar dekhte hain ki atyadhunik upkrnon se yukt chikitsa vigyan kuch sharirik evan mansik vyadhiyon ka nidan tak nahin kar pata hai tatha inka ilaj jyotishiya upayon ya siddh tantrikon ki madad se ho jata hai. yah sab ek rahasyamay sthiti hai jiske bare men aur adhik khoj ki avashyakta hai.