hanuman ji bhagaen kashto ko bhut pishach nikat nahin ave, mahavir jab nam sunavai shriram bhakt hanuman ko kesrinandan, pavnsut, anjniputra adi namon se pukara jata hai. hanuman ji ath tarah ki siddhiyon aur nau tarah ki nidhiyon ke data hain. hanuman ji ke pratyek path itne chamatkari hain ki unke matra- ek bar smaran se hi vyakti musibat se par ho jata hai. chahe vah chalisa ho, sundrkand ho, kavach ho ya stotra ho, inmen se kisi ka bhi path kar lene se badhaon men dhansa hua vyakti jaise turant hi bhavsagar tar jata hai. pratyek manglvar aur shanivar ke din hanuman mandir par bhakton ka akarshan is bat ka parichayak hai ki prabhu shri ram ke sath hanuman bhi sabhi ke hriday men viraje hain. kisi bhi prakar ki badha ho- chahe vyakti arthik sankat se grast ho, ya bhutpishach jaise upri badhaon se pareshan tatha maran, sammohan, uchchatan adi se grast vyakti ko hanuman aradhna se bahut hi achcha labh milta hai. yadi kort - kachhri, larai, mukdmon se grast vyakti bhi hanuman ji ki sharan men ae to use labh avashya milta hai. hanuman sadhna ke niyam shastron men margashirsh mas ke shukla paksh ki trayodshi tithi ke din vrat karne se aur isi din hanuman-path, jap, anushthan adi praranbh karne se tvarit fal prapt hota hai. hanuman-sadhna men lal chijon ka prayog adhik ho. jap-path anushthan adi praranbh karne se purva kisi bhi hanuman mandir men jakar hanuman ji se agya mang leni chahie. jatak ko purva ya uttar disha ki or munh karke lal asan ka prayog karte hue hanuman sadhna praranbh kar leni chahie v jap munge ki mala se bhi kar sakte hain. sadhna ke dauran brahmacharya ka palan, ahar-vihar par niyantran rakhna chahie. kuch anya tips bachchon ko mahine ya do mahine men hanuman mandir le jakar jhara lagvana chahie jisse bachchon par najr-dosh, bhut-pret ka dabav na rahe. hanuman ji ke charnon ke sindur ko chandi ke tabij men bandhvakar gale men dharan karne se bhi bhut-pret v tone-totke adi ka bhay samapt hota hai. pratidin ap-daun karne vale paisenjar ko hanuman chalisa ka path karna chahie taki durghatana se unki raksha ho sake. sakshatkar dene se purva vidyarthiyon ko bajrang - ban ka path karna chahie jisse intaravyu men saflta prapt hoti hai. faiktri ya vyavsay-sthan adi par bhut-preton ka saya n pare, iske lie inhen apne-apne pratishthanon ke upar hanuman dhvaj (jhanda) laga dena chahie. yah dhvaj lal kalar ka ho. buri atmaon ka pravesh hamare ghar men na ho, iske lie dvar par sindur se ram-ram likhakar 7 bindu laga de jisse hamara ghar surakshit rahe. manas havan manas havan men ham chahen to sundrkand ke sabhi dohon se havan kar sakte hain. is havan men koi bhi galti rahne par ant men chalisa ka path kar lena chahie. is havan ke prabhav se upri badhaon ka shaman hota hai. ghar men hanuman-yantra ki sthapna karne se bhi hamara ghar surakshit rahta hai. makan ke as-pas shmashan ho ya koi khandahar bhavan ho to aise men hamare makan ke upar hamen hanumt-dhvaj ki sthapna kar deni chahie aur dhvaj par hanumat yantra sindur se bana len ya bana-banaya kharid kar laga den.
Kya aapko lekh pasand aaya?
Subscribe