prashna: bhut kya hai?
uttara: bhut ka arth hai bita hua kal. dusre arthon men, mrityu ke bad aur naye janm hone ke bich men amit vasnaon ke karan man ke star par fanse hue jivatma ko hi bhut kaha jata hai.
prashna: pret kya hai?
uttara: vyakti apne panch tatvon se bane hue sthul sharir ko chorne ke bad antim sanskar ke pindodak adi kriyaen purn hone tak jis avastha men rahta hai, vah pret yoni kahlati hai.
prashna: pitar kya hain?
uttara: pratyek vyakti ke sabhi sat pirhi tak ke sabhi rakt sanbandhi purvaj pitron ki shreni men ate hain.
prashna: bhut-pret badha se grast vyakti ka upchar kis tarike se kiya ja sakta hai?
uttara: bhut namak shakti man ke star par hi adhik karya karti hai aur usi ke dvara sharir ko bhi prabhavit karti hai atah bhut, pret badha se grast vyakti ka upchar mantra tatha yogsadhnaon dvara kiya ja sakta hai. sharir ke sampurn urja chakron ko sakriya karke sadhak ko bhautik, adhyatmik aur mansik star par majbut bana deti hai jisse bhut nam nakaratmak urja apna karya nahin kar pati hai. sharir aur man ki shuddhi ke sath ki vastron, sthan tatha bhojan ki shuddhi dvara bhi preton ko dur rakha ja sakta hai. nakaratmak urjaen andhkar men atyant prablta se apna karya karti hain atah nirantar prakash ki vyavastha karke jaise akhand jyoti adi jalakar tatha devi devtaon ki upasna dvara man ke sab konon men sahas aur shakti ka sanchar karke bhuton ko apne se dur rakha ja sakta hai.
prashna: pret atmaon ke kitne varg hote hain?
uttara: pret atmaon ko ham tin vargon men vibhajit kar sakte hain. pahle varg ki pret atmaen satoguni, dayavan, shant, saumya aur karunamyi hoti hain. dusri prakar ki atmaen rajoguni hoti hain. lekin ismen ye apni ichchapurti ke lie apne sanskar ke anukul kisi bhi jivit vyakti ke prapt hone par uske sharir men pravisht hokar apni vasnaon ki purti karti hain. tisre star ki atmaen tamoguni hoti hain is prakar ki atmaen jhagralu aur marpit pansand logon ke mastishk men pravesh karke unse jhagra, marpit adi karati hain.
prashna: pret atmaen ham logon ko dikhai kyon nahin detin?
uttara: jivit manushya ka sharir panch tatvon se bana hota hai jismen prithvi tatva sabse adhik hota hai. jabki pret atmaon men vayutatva ki matra sabse adhik aur baki char tatvon ki matra bahut kam hoti hai jisse keval unka sparsh aur astitva mahsus hota hai vayu tatva keval andhkar men dekha ja sakta hai. manushya ke netra prakash men hi dekh sakte hain islie manushya in atmaon ko nahin dekh sakte. rat ke ghor andhkar men bhi dekh sakne vale kuÿo, billi, siyar adi unhen andhkar men bhi asani se dekh sakte hain.
prashna: bhut-preton ko vash men karne ki kya vidhi hai?
uttara: bhut-preton ko unki vasnaon ke adhar par unhen unki svarth siddhi ka lalach dekar kuch vishesh mantra sadhnaon ke dvara vash men kiya ja sakta hai. lekin aisi atmaen apna svarth sadhan n hone par vash men karne vale ka hi aisa ahit kar deti hain jiska koi upchar nahin ho sakta kyonki sthul sharir ke abhav men ye atmaen samanya praniyon ke mukavle kahin adhik shaktishali ho jati hain aur un par goli, shastra adi jaise bhautik sadhnon ka koi prabhav nahin hota.
prashna: bhut-preton ki sadhna karke unhen apne vash men karne ke kya bhayanak parinam hote hain.
uttara: jo vyakti bhut-preton ko vash men karta hai ve bhutapret us vyakti ke sharir aur man ke shakti sanpann rahne tak hi uske anusar karya karte hain. sharir aur man ke kamjor hote hi ve us vyakti ki durgati aranbh kar dete hain.
apni kundli men rajyogon ki jankari paen brihat kundli riport men
prashna: bhut kin-kin sthanon men rahte hai?
uttara: pratyek nakaratmak vyakti ki tarah hi bhut bhi andhere aur malin sthanon aur durgandhapurn padarthon ko pasand karte hain atah khali pare bhavnon, khandhron, vrikshon v ashuddh sthanon men nivas karna unhen pasand hota hai.
prashna: bhut, pret badha se grast vyakti ke kya lakshan hain?
uttara: pret badha se grast vyakti ki ankhen sthir, adhmundi aur lal rahti hain, sharir ka tapman samanya se kafi adhik bana rahta hai hath pair ke nakhun kale parne ke sath hi aise vyakti ki bhukh, nind ya to bahut kam ho jati hai ya bahut adhik. svabhav bhi krodh, jid aur ugrata vala ho jata hai. sharir se badbudar pasina ata rahta hai.
prashna: kis-kis vyavsay aur prakriti ke vyaktiyon ko bhut pareshan nahin kar sakte?
uttara: karmayog, bhakti yog tatha gyan yog men lage hue sadhkon ko bhut pirit nahin kar sakte hain kyonki aise vyaktiyon ka abha mandal apni nirantar vyastata ke karan man ke andar aisi koi khalipan nahin chorta jismane bhut nivas kar saken. sharir aur man ke star par majbut v vyast vyakti ko bhut kisi prakar ki pira nahin pahuncha sakta. jaise pulis karmi evan sena ke vyaktiyon ke pas bhut nahin ata. bhut badha keval kamjor man aur sharir vale praniyon, vishesh rup se mahilaon, bachchane tatha kamjor dimag vale vyaktiyon ko pareshan karti hai.
prashna: pitri dosh kya hai?
uttara: sabhi purvaj apne vanshjon se apne prati samuchit samman v shrriddha bhav ki apeksha karte hain atah pratyek ke lie purvajon ka shraddh karm anivaryata ban jati hai jiske n karne par purvaj asantusht hokar vanshjon ka ahit karne men bhi nahin chukte aur santusht hokar unhen sab kuch dene ki samathrya rakhte hain.
prashna: kya bhut-pret ke chitra utare ja sakte hain?
uttara:kabhi-kabhi bhut, pret adi kuch kshanon ke lie vayu tatva se hatakar prithvi tatva dharan kar lete hain. usi samay yadi chitra utara gaya ho to ve usmen dikhai de jate hain.
prashna: kya jyotishiya yogon se pret vadha ke bare men jana ja sakta hai?
uttara: han, aisa puri tarah sanbhav hai kyonki grah yogon ki sthiti vyakti ki sharirik aur mansik sanrchna kshamata aur sanbhavnaon ko pragat karti hai. jis kundli men chandrama kamjor ho ya shubh grah 6, 8, 12 bhavon men baithe hon to jatak ka vyaktitva kamjor ho jata hai v pret badha ke ghere men a jata hai. iske viprit sabal, shubh aur dusht grahon ki yuti v drishti se rahit surya, chandrama se banne vale jyotishiya yog aur panchmhapurush yog kabhi bhi vyakti ko bhut badhaon ka sthan nahin banne dete.
prashna: bhut badha nivaran men ratnon v mantron ki kya bhumika ho sakti hai?
uttara: sabhi ratnon se sakaratmak urja aur prakash vikirit hota hai jisse bhut namak nakaratmak urja vapas lot jati hai. dusre lagn aur rashi ke anurup ratn vyakti ko sab prakar se sudrirh banakar bhut namak nakaratmak urja se raksha karte hain. aise ratnon ka yadi mantron dvara samuchit sanskar kiya gaya ho to ve aur adhik prabhavi ho jate hain.
manglik janch aur uske nivaran ke lie hamare visheshagya jyotishiyon se paramarsh len.