pretadi shaktiyon ka rahasya v prabhav  

pretadi shaktiyon ka rahasya v prabhav dae. tipu sultan ‘‘faij’’ sansar ke samaj ke sabhi vargon v dharmik manyataon men adrishya shaktiyon arthat bhut-pretadi jaisi shaktiyon ke astitva ko apne-apne andaj se svikara kiya gaya hai. aisi manyata hai ki atma ajr-amar hai jo manushyon ke marnoprant bhi nasht nahin hoti balki inhin men se atript atmaon ki kalpana bhut-pretadi ke rup men ki jati hai. ved, puran, bhagavadgita adi jaise prachin adhyatmik granthon men is sandarbh men anek vivrnon ko ullekhit kiya gaya hai. garur puran men varnit tathyon se gyat hota hai ki mrit vyakti ke antim sanskar yadi dharmik riti-rivajon ke antargat n kiye jaen to ve pret-yoni ko prapt hote hain. pretadi v anya nakaratmak tatvon ke lakshana: jatak ke atm vishvas ka tutna, bhog-vilasi pravriÿia, nidra kal men daravne ya ashlil svapnon ka ana, pavitra granthon v vastuon se ghrina, kisi se netra n mila pana, kabhi chillana, barbrana ya kabhi ekadam chuppi sadh lena, krodh ka bar-bar ana, achanak ya aksar sugandh to kabhi durgandh ka ana, asvasthata, sharir ka kala ya pila par jana tatha guptangon ka vikrit ya rog grast ho jana. ye sare ke sare lakshan bhut-pretadi v anya adrishya nakaratmak tatvon se prabhavit hone vale vyakti ke hain. iske atirikt kuch alaukik ghatnaen bhi hain jin se in nakaratmak shaktiyon ke lakshanon ya prabhavon ka pata chal sakta hai, jaise- anayas akash se pattharon ka girna jin ke bare men yah pata nahin chalta ki kahan se a rahe hain, ghar ke samanon ka apne-ap idhr-udhar fenka jana ya lapta ho jana. anayas kisi anjan vastu ka ghar men a jana ya para hona. tange ya rakhe kapron ya anya kisi vastu adi men ag lag jane ki ghatna. pretadi v nakaratmak tatvon ki anishtataen tatha uska nirakrn: akal-mrityu prapt jatkane ki atript atmaen apni apurn ichchaon ki purti hetu drirhta se asakt ho jati hai to unke dvara ghatak urja ka utsarjan hota hai. iske sath-sath kuch atript atmaen sadhkon dvara tantrik kriyaon ke antargat nihit kar li jati hai, jinhen bad men sadhak ya tantrik apni upyogita anusar jadu-tone adi karyon ke hetu prayukt karta hai. in pretadi shaktiyon ke atirikt isse milti khabis, jinna, daitya, pishach adi namon ki kuch anya adrishya shaktiyan bhi hain jinki nakaratmak paridhi men bhi yadi koi jatak a jae to uske jivan men tarh-tarah ki anishtataen utpann hone lagti hain. atah in vishyon se sanbandhit ghatak v hanikarak samasyaon se bachav v nirakaran hetu kuch saral, sahaj v upyogi upay is prakar hain- in shaktiyon se bachav ke lie sharir ko pak-pavitra rakhen. iske atirikt sadhak akarshak v sugandhit vastuon ke prayog karte samay vishesh savdhani ka prayog karen. devdaru, hing, sarson, jau, nim ki paÿai, kutki, kateli, chana v mor ke pankh ko gay ke ghi tatha lohban men mishrit karke mitti ke patra men rakh len, fir use agni se jalakar uska dhuna pretadi badha se pirit jatak ko dikhaen. is prakriya ko nitya kuch dinon tak dohrate rahen, avashya labh milega. mangal v shanivar ke din javitri v shvet aprajita ke paÿo ko apas men pisakar uske ras ko pretadi ya upri badha se pirit jatak ko sunghaen, in nakaratmak shaktiyon se avashya hi mukti milegi. sendha namak, chandan, kut, ghrit, charbi v sarson ke tel ke sath mishrit karke kisi mitti ke patra men rakh len tatha fir use agni se jalakar uska dhuna pretadi badha se pirit jatak ko dikhaen. is prakriya ko shanivar athva manglvar se praranbh karke nitya 21 dinon tak dohraen. upri badha se avashya hi mukti milegi. babul, devdaru, bel ki jar v priyangu ko dhup athva lohban ke sath mishrit karke mitti ke patra men rakh len tatha fir use agni se jalakar uske dhune ko pirit jatak ke upar se utaren. mangal ya shanivar se is karya ko praranbh karke ise 21 dinon tak dohrate rahen tatha jab yah prayog samapt ho jae to 22ven din jali hui sari samagri ko kisi chairahe par mitti ke patra sahit pratah surya- uday se purva fenk aen. avashya labh hoga. mangal ya shanivar ke din laung, rakta-chandan, dhup, lohban, gaurochan, kesar, banslochan, samudra-sokh, arva chaval, kasturi, nagkesar, jai, bhalu ke bal v sui ko bhojapatra ke sath apne sharir v lagn ke anukul dhatu ke tabij men bharakar gale men dharan karen. sharir par pretadi jaise nakaratmak tatvon ka koi dusht prabhav nahin par sakta.