pretatmaon ke sharir ithrik v estral urja se nirmit hote hain bhartiya sanskriti ke anusar pret yoni ke samakaksh ek aur yoni hai jo ek prakar se pret yoni hi hai lekin pret yoni se thora vishisht hone ke karan use pret yoni n kahakar pitri yoni kahte hain. pretlok ke pratham do staron ki mritatmaen pitri yoni ki atmaen kahlati hain. isilie pret lok ke pratham do staron ko pitri lok ki sangya di gayi hai. yahan yah batla dena avashyak hai ki pret sharir ki rachna men pachchis pratishat fijikal etam aur pachahattar pratishat ithrik etam hota hai. isi prakar pitri sharir ke nirman men pachchis pratishat ithrik etam aur pachahattar pratishat estral etam hota hai. agar ‘ithrik etm’ saghan ho jay to preton ka chaya chitra liya ja sakta hai aur isi prakar yadi estral etam saghan ho jay to pitron ka bhi chaya chitra liya ja sakta hai. lekin uske lie atyadhik sensietiv foto plet ki avashyakta paregi aur vaise foto plet ke banne ki sanbhavna nikat bhavishya men nahin hai. vartaman men iske lie jo foto plet bane hain unke upar abhi keval prayas karne par hi preton ke chitra lie ja sakte hain. ithrik etam ki ek visheshta yah hai ki vah manas ko prabhavit karta hai aur yahi karan hai ki pretatmaen apne manas se apne bhav sharir ko saghan kar leti hai aur jahan chahe vahan apne apko prakat kar deti hain. jo anu dur dur hain ve manas se sarakakar samip a jate hain aur bhautik sharir jaisi rup rekha unse ban jati hai. lekin adhik samay tak ve ek dusre ke nikat rah nahin pate. manas ke kshin hote hi ve fir dur-dur jate hain aur yahi karan hai ki pret chaya adhik samay tak thahar nahin pati, adrishya ho jati hai.
Kya aapko lekh pasand aaya?
Subscribe