bhut-preton ki rahasyamyi duniya- karan aur nivaran bhut shabd svayan men atyant rahasyamay hai aur usi prakar unki duniya bhi utnihi rahasyamyi hai. aiye, is lekh se janen ki bhut-pret kaun hote hain aur kaise bante hain aur unke dushprabhav se bachne ke lie kya karna chahie aur kya nahin karna chahie aur bhutagrast vyakti ki pahchan aur upchar kaise karen. bhut pret kaise bante hain: is srishti men jo utpann hua hai uska nash bhi hona hai v dobara utpann hokar fir se nash hona hai yah kram niyamit rup se chalta rahta hai. srishti ke is chakra se manushya bhi bandha hai. is chakra ki prakriya se alag kuch bhi hone se bhut-pret ki yoni utpann hoti hai. jaise akal mrityu ka hona ek aisa karan hai jise tark ke drishtikon par parkha ja sakta hai. srishti ke chakra se hatakar atma bhatkav ki sthiti men a jati hain. isi prakar ki atmaon ki upasthiti ka ahsas ham bhut ke rup men ya fir pret ke rup men karte hain. yahi atma jab srishti ke chakra men fir se pravesh karti hai to uske bhut hone ka astitva bhi samapt ho jata hai. adhikanshtah atmaen apne jivan kal men sanpark men ane vale vyaktiyon ko hi apni or akarshit karti hain. islie unhen iska bodh hota hai. jaise-jaise jansankhya barh rahi hai vaise-vaise jal men dubakar, bijli dvara, agni men jalakar, larai-jhagre men, prakritik apda se mrityu tatha akasmat hone vali akal mrityu v durghatanaen bhi barh rahi hain aur bhut-preton ki sankhya bhi usi raftar se barh rahi hai. bhut-pret kaun hai: asvabhavik v akasmat hone vali mrityu se marne vale praniyon ki atma bhatkti rahti hain, jab tak ki vah srishti ke chakra men pravesh n kar jae, tab tak ye bhatkti atmaen hi bhut v pret hote hain. inka srishti chakra men pravesh tabhi sanbhav hota hai jab ve manushya rup men apni svabhavik ayu ko prapt karti hai. kya karen, kya n karen: û kisi nirjan, ekant ya jangal adi men malmutra tyag karne se purva us sthan ko bhalibhanti dekh lena chahie ki vahan koi aisa vriksh to nahin hai jisapar pret adi nivas karte hain athva us sthan par koi majar ya kabristan to nahin hai. kisi nadi, talab, kuan ya jaliya sthan men thukna ya malmutra ka tyag karna kisi apradh se kam nahin hai kyonki jal hi jivan hai. jal ko dushit karne se jal ke devta varun rusht ho sakte hain. ghar ke as-pas pipal ka vriksh nahin hona chahie kyonki pipal par preton ka vas hota hai. surya ki or mukh karke malmutra ka tyag nahin karna chahie. gular, molsri, shisham, menhdi adi ke vrikshon par bhi preton ka vas hota hai. in vrikshon ke niche nahin jana chahie aur n hi khushbudar podhon ke pas jana chahie. sev ekmatra aisa fal hai jis par kriya asani se ki ja sakti hai. islie kisi ka diya sev nahin khana chahie. purnataya nirvastra hokar nahin nahana chahie. pratidin pratahkal ghar men gangajal ka chirkav karen. pratyek purnamasi ko ghar men satyanarayan ki katha karvaen. suryadev ko pratidin jal ka aghrya den. ghar men unt ki sukhi lid ki dhuni den. ghar men guggal ki dhuni den. nim ke sukhe paÿaon ka dhuan sandhya ke samay ghar men den. kya karen ki ap par athva apke sthan par bhut-preton ka asar n ho pae: apni, atmashuddhi v ghar ki shuddhi hetu pratidin ghar men gayatri mantra se havan karen. apne isht devi-devta ke samaksh ghi ka dipak prajvalit karen. hanuman chalisa ya bajrang ban ka pratidin path karen. jis ghar men pratidin sundrkand ka path hota hai vahan upri havaon ka asar nahin hota. ghar men puja karte samay kusha ka asan prayog men laen. man mahakali ki upasna karen. surya ko tanbe ke lote se jal ka aghrya den. sandhya ke samay ghar men dhuni avashya den. ratrikalin puja se purva guru se anumti avashya len. ratrikal men 12 se 4 baje ke madhya thahre pani ko n chuen. yathasanbhav anjan vyakti ke dvara di gai chij grahan n karen. pratahkal snan v puja ke pashchat hi kuch grahan karen. aisi koi bhi sadhna n karen jiski purn jankari n ho ya guru ki anumti n ho. kabhi kisi prakar ke andhvishvas athva vaham men nahin parna chahie. isse bachne ka ek hi tarika hai ki ap buddhi se tarkik banen v kisi chamatkar athva ghatna adi ya kriya adi ko vigyan ki kasauti par kasen, uske pashchat hi kisi nirnay par pahunche. kisi adhyatmik guru, sadhu-sant, fakir, pandit adi ka apman n karen. agni v jal ka apman n karen. agni ko langhen nahin v jal ko dushit n karen. hath se chuta hua ya jamin par gira hua bhojan ya khane ki koi bhi vastu svayan grahan n karen. bhut-pret adi se grasit vyakti ki pahchan kaise karen? aise vyakti ke sharir se ya kapron se gandh ati hai. aisa vyakti svabhav se chirchira ho jata hai. aise vyakti ki ankhen lal rahti hain v chehra bhi lal dikhai deta hai. aise vyakti ko anayas hi pasina bar-bar ata hai. aisa vyakti siradard v pet dard ki shikayat aksar karta hi rahta hai. aisa vyakti jhukakar ya pair ghasit kar chalta hai. kandhon men bharipan mahsus karta hai. kabhi-kabhi pairon men dard ki shikayat bhi karta hai. bure svapn uska picha nahin chorte. jis ghar ya parivar men bhut-preton ka saya hota hai vahan shanti ka vatavaran nahin hota. ghar men koi n koi sadasya sadaiv kisi n kisi rog se grast rahta hai. akele rahne par ghar men dar lagta hai bar-bar aisa lagta hai ki ghar ke hi kisi sadasya ne avaj dekar pukara hai jabki vah sadasya ghar par hota hi nahin? ise chalava kahte hain. bhut-pret se grasit vyakti ka upchar kaise karen: bhut-preton ki anekanek yoniyan hain. itna hi nahin inki apni-apni shaktiyan bhi bhinna-bhinn hoti hain. islie sabhi grasit vyaktiyon ka upchar ek hi kriya dvara sanbhav nahin hai. yogya v vidvan vyakti hi inki yoni v shakti ki pahchan kar inka upchar batlate hain. anek bar aisa bhi hota hai ki ye utara ya upchar karne vale par hi havi ho jate hain islie is karya ke lie anubhav v guru ka marg darshan atyant anivarya hota hai. kuch samanya upchar bhi grasit vyakti ko thik kar dete hain ya bhut-preton ko unke sharir se bahar niklne ke lie majbur kar dete hen. ye upchar utara ya usara ke rup men kiya jata hai. inhen ajmaen. grasit vyakti ke gale men lahsun ki kaliyane ki mala dal den. (lahsun ki gandh adhikanshtah bhut-pret sahan nahin kar pate islie grasit vyakti ko chorakar bhag jate hain.) ratrikal men grasit vyakti ke sirhane lahsun aur hing ko pisakar goli banakar rakhen. grasit vyakti ki sharirik svachchata banae rakhne ka prayas karen. grasit vyakti ke vastra alag se dhoen v sukhaen. grasit vyakti ke upar se bundi ka laddu utarakar chairahe ya pipal ke niche rakhen (ravivar chorkr). tin din lagatar karen. grasit vyakti ke sirhane sada khoe vali barfi (lagabhag sava kilo) rakhen (ratrikal men). agle din pratah ghar se dur jakar nirjan sthan par rakh den. gay ko bhi khila sakte hain. imrti ya motichur ke laddu se bhi utara kiya ja sakta hai. ye utara karke ghar ke kuÿo ko khilana chahie. panchmel mithai se utara karke kisi chairahe par ya pipal ke niche rakh den. piche murakar n dekhen aur ghar akar kulla avashya kar len. kisi yogya vyakti se athva guru se raksha kavach ya yantra adi banvakar grasit vyakti ko dharan karana chahie. grasit vyakti ko adhik se adhik gangajal pilana chahie v us sthan vishesh par bhi pratidin gangajal chirkna chahie. navarn mantra (un ain hrin klin chamundayai vichche) ki ek mala jap karke jal ko abhimantrit kar len v pirit vyakti ko pilaen.
Kya aapko lekh pasand aaya?
Subscribe