bharat men vastu ka lanba itihas milta hai. matsyapuran men atharah vastu shastragyaon ka ullekh hainah bhrigu, atri, vasishth, vishvakarma, may, narad, nagnajit, vishalaksh, purandar, brahma, kumar, nandish, shaunak, garg, vasudev, aniruddh, shukra evan brihaspati. yatha:
bhriguratrivsishthashch vishvakarma mayastatha. nardo nagnajichchaiv vishalakshah purandarah.. brahma kumaro nandishah shaunko garg ev ch. vasudevo'niruddhashch tatha shukrabrihaspati..
vastu dvara kisi vyakti ka bhagya to nahin badla ja sakta lekin ghar ya vyavsay ko khushhal evan samriddhishali avashya banaya ja sakta hai. vastu ke niyamon ka palan karne se hamen adhik se adhik taji vayu evan surya urja to milti hi hai sath hi sath prithvi ki chunbkiya shakti bhi manushya ki urja ko barhane men sahyog pradan karti hai. iske sath-sath vastu ke niyam sthan ko svachch rakhne par atyadhik dhyan dete hain. vastu dvara rang chayan vatavaran ko anukul bana dete hain. feng sui bhi isi prakar ke andar ke vatavaran ko anukul banane men bahut sahayak hai. feng sui ke anusar prakriti men panch tatva hote hain- kashth, agni, prithvi, dhatu tatha jal. in panch tatvon men apas men ek achchi naisargikta arthat utpadan kriya hai evan dusri buri arthat vidhvans kriya. jaise utpad kriya men kashth agni utpann karti hai. agni jala kar rakh ya prithvi utpann karti hai. prithvi ke niche dhatu hoti hai. dhatu gal kar jaliya rup dharan karta hai. jal kashth utpann karta hai. isi prakar vidhvans kriya men kashth (vriksha) prithvi ko sokh leta hai. prithvi jal ko sokh leti hai. jal agni ko bujha deta hai. agni dhatu ko gala deti hai. evan dhatu ke bane aujaron se kasht ko kata jata hai.
is prakar har tatva do anya tatvon se utpad kriya men aur do tatvon se vidhvans kriya dvara jura hua hai. in panch tatvon ki dishaen evan karak tatva nimn vargon men darshate hainah-
jal sthan par favvara, machlighar, pani ke chitra lagana shubh hota hai. kashth ke sthan par hari-bhari tasviren, paudhen adi, agni sthan men bijli ka saman ya lal rang ke chitra, prithvi sthan par parvaton ke chitra, mitti ki bani vastuen, glob adi rakhna shubh hota hai. dhatu sthan par vayughantiyan ya sunhri chitra achche rahte hain. agni tatva ke sthan par arthat dakshin men yadi jal rakhenge to jal agni ko nasht kar dega. arthat prasiddhi nasht ho jaegi aur dhatu rakh denge to mitra ya santan se musibten aengi. lekin agni sthan par prithvi ya kashth ki vastuen bhi sahayak siddh hogi. fengsui ke anusar darvaje par ghantiyan latkana bahut hi shubh hai.
ye apke ghar men sadbhagya ke pravesh ki suchak hai. isi prakar se fengsui ke sikke ghar men latkane se sanpatti ati hai. sukhen ful, bonsai ya kantedar paudhe ghar men rakhna ashubh mana hai. hanste hue buddh ki murti dhan-daulat ki pratik mani jati hai aur ise draing rum ya aefis men sajana samriddhi pradan karta hai. tin tang vala mendhak bhi munh men ek ya tin sikke lie hue dhan agaman ka pratik mana gaya hai yadi ise munh ghar ki or ghuste hue darshaya gaya ho. isi prakar apki vyavsayik mej par ise is prakar rakhen ki yah apke grahak se paisa le kar apko de raha hai. lanbi gardan vala dhatu ka kachua bhi uttar disha men athva mej par rakhna ati samriddhidayak hai. ise jal men ya bina jal ke rakha ja sakta hai.
sfatik ka gola sanbandhon ko madhur banata hai. batakh ka jora ya lav-bards bhi sanbandhon ko madhur banate hain. isi prakar pavnghantiyan uttara-pashchim disha men lagana shubh mana gaya hai. kyonki dhatu ke lie yahi disha nishchit ki gai hai. agrbti v dhupbti ka prayog nakaratmak urja ko dur karta hai. mantron ka uchcharan ya pavitra dhun bhi feng sui men vishesh sthan rakhti hai. chalte rahne vale band upakaran ghar men rakhna shubh nahin mana gaya hai. baithne ke sthan par piche parvat adi ke chitra sthayitva pradan karte hanai. feng sui men dregan achchi yang urja ko darshata hai.
atah kashth ka dregan purva disha men karyalay ko kriyashil kar deta hai. dakshin kaune men sthapit chitra duradarshita deta hai. bans ke paudhe lanbi ayu evan achcha svasthya deta hai. chini devta luk luk aur sau kramshah samriddhi samman evan digharyu dene vale hain. inki murtiyon ko keval rakhne se sab kuch mil jata hai. yadi dvar par kisi bari imarat mandir ya per ka saya parta ho arthat dvar bhed ho to ba-gua ashtakoniya shisha dvar par aisi nakaratmak urja ko paravartit kar ghar ke andar nahin ane deta.
is prakar feng sui bahut hi asan upayon dvara avas ya karya sthal se nakaratmak urja ko bahar kar sakaratmak urja ko barhane men sahayak siddh hoti hai. isi prakar piramid bhi sakaratmak urja ko barhane men upyog kie ja sakte hain.
chini kala feng sui aur bhartiya vastu paddhati men kai matbhed hai. bhartiya vastu paddhati men ath dishaon ke ath devta hai. kuber ka nivas uttar men hai jabki feng sui men agney kon men sanpatti ka sthan mana gaya hai. bhartiya vastu men ishan men jal achcha mana hai jabki feng sui men uttar men. isi prakar agni ka sthan feng sui men dakshin men hain evan bhartiya vastu men agney kon men. is prakar donon paddhatiyon men anek antar hain. donon paddhatiyon ke milane se anek dosh utpann ho jate hain. mera manna hai ki bhartiya paddhati avashya hi bharat ke anurup bani hui hai. atah bharat men to avashya hi bhartiya paddhati apnaen to behatar hoga. bhartiya paddhati men bhi yantra, mantra evan tantra dvara vastudosh nivaran vidhiyan batai gai hain. unke upyog bhi atyant labhkari siddh hue hain.
feng sui ki vastuen ap ghar men sajane evan bina torfor ke samriddhi barhane men lane ke lie avashya upyog men la sakte hain, lekin purn rup se bhartiya vastu ke niyam palan hi vastu dosh nivaran men thik hai.