sukh-shanti evan samriddhi ke lie apni aur parivar ki janmapatriyan to shubh honi hi chahie, lekin vastu bhi achcha hona chahie. kis vastu dosh se kya pareshani hoti hai, aie janen:
purva disha: purva disha unchi ho, to grihasvami daridra ho jata hai. santan asvasth evan mandbuddhi ho jati hai. purva men chabutre unche hon, to grihasvami karjadar hota hai. is disha men kura-kachra ho, to dhan aur santan ki hani hoti hai. yadi purva se pashchim ki or dhalan ho, to ankhon ki bimari hoti hai. purva disha men chardivari pashchim disha se unchi ho, to santan ko hani hoti hai.
upay: purva disha men surya yantra ki sthapna karen. aditya stotra ka path karen evan toran lagaven.
pashchim disha: pashchim men kuan ho, to arthik sankat rahega. yadi varsha ka jal pashchim disha se niklta ho, to lanbi bimariyan hoti hain. yadi pashchim bhag nicha ho, to apayash aur arth hani hoti hai. pashchim purva ki apeksha adhik bhara ho, to purush santan ki hani hoti hai. yadi pashchim men puja sthal ho, to grihasvami jyotish, adhyatm adi ka jankar hoga.
upay: pashchim disha ke svami varun ki aradhna karen evan varun yantra is disha men sthapit karen. shanivar ko vrat rakhen.
uttar disha: yadi uttar disha men rasoi hai, to ghar men kalah rahega; snan ghar ho, to striyan jhagdengi; nalkup ho, to dhan hani hogi; purani vastuen hane, to abhagyashali rahenge. yadi uttar disha unchi ho, to rin evan bimari rahegi. uttar disha ki divar men darar ho, to kisi stri ke karan pareshani rahti hai.
upay: vaen. pravesh sthal par sangitamay ghantiyan lagvaen.
dakshin disha: yadi dakshin men kuan ya kachra hai, to grihasvami bimar rahega. dakshin bhag nicha ho, to ghar ki mahilaen asvasth rahengi. dakshin men adhyayan kaksh parhai men vyavdhan paida karta hai evan puja kaksh bhaktirhit rahta hai. dakshin men khali jagah bhi arthik hani deti hai.
upay: dakshin disha ke svami mangal ke yantra ki sthapna karen. hanumanji ki upasna karen.
ishan disha:ishan men gandgi ya shauchalay ho, to santan kaput hogi evan kalah rahega. yadi grih ki ishan disha lupt ho, to svami ko svayan apni santan ka shraddh karna padega. ishan uncha ho, to dhan hani hoti hai. ishan men rasoi kalhkarak hoti hai.
upay: ishan sarvada saf rakhen. vahan puja sthal banaen, ya roshni rakhen. shiv ling sthapit karen.
agni kon: yadi rasoi tuti-futi ho, to patni bimar rahegi. agney men kuan ho, to stri ki mrityu ho jati hai. dakshin agney, vayavya evan uttar se nicha ho, to rog evan rin barhta hai. agney yadi nairritya se uncha ho, to vansh kshay evan badnami hoti hai.
upay: ganesh ji ki aradhna karen aur ghar ke dvar par age-piche hare rang ka ganpti sthapit karen.
vayavya disha: yadi vayavya kon khali hai, to jatak ghar ka anand nahin le sakta. vayavya kon men shayan kaksh hai, to sardi-jukham aur arthik tangi rahti hai. yadi vayavya men adhyayan kaksh hai, to parhai men man asthir rahega; yadi rasoi hai, to striyon ka man asthir hoga; yadi shauchalay hai, to sukh-shanti kam rahegi. yadi vayavya ishan se nicha ho, to adalat evan bimari se jujhna padega.
upay: vayavya kon men chandra yantra sthapit karen. divaron par krim rang karen. dvar par shvet ganpti lagaen.
nairritya kon: yadi nairritya khali hai, nimn hai, ya vahan kantedar vriksh hain, to grihasvami bimar rahega evan shatruon se pira hogi. khajana khali rahega. nairritya men kuan ho, to mansik tanav evan bhay rahta hai. yadi nairritya men divar tuti ho, to perat badha adi rahti hai. is kon men rasoi ho, to kalah rahta hai evan stri ko vayu pira rahti hai; shayan kaksh ho, to nivasi aramatalab ho jate hain; snan ghar ho, to anek dukhon ka samna karna parta hai. ishan ki apeksha nairritya nicha ho, to apayash milta hai evan karagar tak jana par sakta hai. nairritya ishan se adhik khali ho, to arthik nuksan evan putra hani ho sakti hai. yadi nairritya agret ho, to shatru evan rin badhenge.
upay: rahu yantra nairritya men sthapit karen. mukhya dvar par bhure ya mishrit rang vale ganpti lagaen.
anya dosh: disha dosh ke alava kuch anya vichar bhi hain, jinhen koshish kar ke thik kar lena chahie. inke upay karne ki apeksha dosh ko hi thik karna uttam hai.
dvar vegh: yadi ghar ke mukhya dvar ka vegh kisi vriksh, khanbha ya anya divar se hota hai, to grihasvami aur bachchon par asar parta hai.
jal srot: yadi jal srot ishan, uttar, purva ya pashchim men ho, to shubh hai, lekin agney men putra nash evan shatru bhay, nairritya men putra hani, dakshin men patni nash, vayavya men shatru dvara pira aur madhya men saganrahit dhan ka nash karata hai.
dushit brahm sthan: yadi brahm sthan men shauchalay ya gande paip ki nikasi hai, to grihasvami lailaj bimari se grasit ho jata hai. is akriti vale makan men rahne se buri atmaen grihasvami ko prabhavit karti hain.
bim ke niche baithna: bim ke niche baithne se mansik tanav barhta hai. uparyutt vicharon ke alava griharanbh muhurt ka dhyan rakhna bhi avashyak hai. griharanbh ke din surya nirbal, ast ya nichasth ho, to grihasvami ka maran hota hai. us din yadi chandrama nirbal ho, to stri ka evan yadi guru nirbal ho to dhan ka nash hota hai. isi prakar ghar men sukh-shanti evan samriddhi ke lie grih pravesh bhi shubh muhurt men karna avashyak hai.