tribal shuddh dampatya jivan pan. mahesh bauhre paraspar samanjasya evan sukh samriddhiyukt dampatya jivan hi svasth samaj ki sanrchna men sahayak ho sakta hai. parasparik samanvay evan vaicharik samanjasya ka abhav dampatya jivan ko hi dushit nahin karta apitu usse santti srijan evan srishti sanrchna par bhi pratikul prabhav parta hai.
yuvk-yuvti dampatya jivan men pravesh karte hi sapnon ki svarnim duniya sanjone men lag jate hain, kintu sapnon ki svarnim duniya ko sakar karne ke lie dampatya jivan ki gari ko sanchalit karne men donon ki sak¬aratmak bhumika avashyak hai. pati ka purusharth evan patni ka saubhagya jab donon ki parasparik sanyukt mansikta ke ek sutra men bandh jate hain to dampatya jivan nishchay hi sukh samriddhi ki or agrasar hota hai.
jyotishiya drishtikon se dampatya jivan men pravesh ke lie var-kanya ki tribal shuddhi hona atyant avashyak hai. is tribal shuddhi men var ko surya bal prapt hona avashyak hai, kyonki jivan men surya hi purusharth, pratishtha evan parakram ka karak hai. islie purush paksh ke lie surya ki prablta dampatya nirvah men atyavashyak hai. iska vichar janmarashi se kiya jana chahie,.
kaha gaya hai: janmarashestrishashthaydshmeshu raviah shubhah . pashchat trayodshibhyo dvipanchnvmeshvapi.. arthat vivah ke samay janmarashi se tisra, chatha, dasvan ya gyarhvan surya shubh hota hai. yadi surya, rashigat 13 ansh se adhik ho jae to dusra, panchvan ya nauvan surya bhi shubh hota hai. janmanyath dvitiye va panchme saptame'pi va .. navme ch divanathe pujya pan iapidanam.. arthat vivah ke samay var ki rashi se pahla, dusra, panchvan satvan ya nauvan surya ho to shastra sammat aradhna ke bad shubh falkarak hota hai.
iske atirikt - ashtame ch chaturthe ch dvadshe ch divakre. vivahito varo mrityun prapnotyatra n sanshyah.. arthat vivah ke samay var ki rashi se chaitha, athvan ya barhvan surya ho to niahsandeh var ki mrityu ho jati hai. kanya ke lie guru ka bal prapt hona avashyak hai, kyonki guru sukh-saubhagya evan sadachar ka karak hai.
islie dampatya jivan men nari ke sukh-saubhagya evan sadachar ke lie guru ki prablta bhi atyant avashyak hai. iska vichar bhi janmarashi se hi kiya jata hai.
vatukanyajanmarashestrikonayadvi saptagah.
shreshtho guruah khashattriyadye pujyanyatra ninditah..
arthat vivah ke samay kanya ki janmarashi se dusra, panchvan, satvan, nauvan ya gyarhvan guru shubh hota hai tatha pahla, tisra, chatha ya dasvan jap aradhna se shubh aur anyatra ashubh.
ashtame dvadshe vapi chaturthe va brihaspatau.
puja tatra n katrtavya vivahe pran nashkah..
arthat vivah ke samay kanya ki rashi se guru chaitha, athvan ya barhvan ho to prannashak hota hai. dampatya jivan men paraspar mansik samanjasya ke lie donon ko chandrabal prapt hona bhi atyant avashyak hai, kyonki chandra man ka karak hai. chandra shuddhi hone par hi dampatya jivan men paraspar svasth manahsthit ke karan parasparik samanjasya evan sneh ka sanchar hota hai.
janmarashestrishashthadya-saptamayakhasas ithtah.
shuddhachandro dvikonasthah shukle ch anyatra ninditah ..
arthat var-kanya donon ki janm rashiyon se pahla, tisra, chatha, sa¬tvan, dasvan ya gayarhvan chandra vivah ke samay shubh fal karak hota hai, dusra, panchvan ya nauvan chandra shukla paksh men shubh rahta hai aur chaitha, athvan ya barhvan chandra ashubh evan anisht falkarak hota hai.
is prakar purusharth, saubhagya evan snigdh sneh ki sanyukt prablta, dampatya jivan ko sukh-samriddhiyukt banane evan svasth samaj ki sanrchna men atyant hi avashyak hai. garg muni ne bhi yahi sanket diya hai: strinan gurublan shreshthan purushanan raverbalam.?
janm kundli ke vishleshan ke lie bat karen desh ke prasiddh jyotishiyon se keval fyuchar point par