santan paksh par vichar karne vali pro. dayanand varma p shchimi deshon men kanishthika ki jar par sthit budh parvat par bani ari rekhaon ko vivah rekhaen aur un ari rekhaon par khari rekhaon ko santan rekhaen kaha gaya hai.
(dekhen chitra-1) kintu hamare anu bhav ke anusar in rekhaon se santan sanbandhi prashnon ke sahi uttar nahin milte hain. bhartiya samudrik shastra men hath men anguthe vale kshetra ko pitri kshetra kaha gaya hai. anguthe ki jar par shukra parvat ki sthit is tathya ka anumodan karti hai kyonki shukra parvat vyakti men kam bhav (seksa) ka anupat batata hai aur yahi bhav santanotpatti ka karak hai. atah anguthe ki jar par sthit shukra parvat par khari rekhaen santan sanbandhi prashnon ka sahi uttar deti hain.
(dekhen chitra-2) ye rekhaen yadi spasht aur lanbi hane to svasth aur dirghayu santan ka sanket deti hain.) tuti-futi rekhaen asvasth santan ki dyotak hoti hain. kai bar aisa bhi dekha gaya hai ki hath men santan rekhaen to hoti hain kintu jatak ko santan sukh prapt nahin hota. iske do karan ho sakte hain. pahla yah ki jatak men prajanan shakti to hoti hai, kintu vah parivar niyojan ke kisi upay dvara santan paida karna nahin chahta. dusra yah ki jatak men prajanan shakti hoti hai kintu uske jivan sathi ki prajanan shakti badhit hoti hai. is badha ka pata lagane ke lie hath ke chandra parvat ko dekhna chahie.
yadi chandra parvat ke nichle bhag par tuti futi rekhaen ya kras ho (dekhane chitra-3) to uske upyukt upchar ke lie chikitsak se salah leni chahie. kami kismen hai, iska pata lagane ke lie pati aur patni donon ke hath dekhne chahie. inke atirikt hath ke kuch aur lakshanon se bhi santan sanbandhi prashnon ke uttar milte hain, yatha: kalai ki nikatatam manibandh rekhaen spasht hon to santan ki sanbhavna hoti hai.
yadi upri manibandh rekha upar ki or dhanushakar avastha men uthi hui ho (dekhen chitra-4) to santanotpatti men badha ati hai. shukra parvat ko anguthe se alag karne vali jor rekha spasht dvipon ki mala ke saman ho to santan ki sanbhavna hoti hai.
(dekhen chitra-5) shukra parvat daba hua ho to santan utpatti men badha hoti hai. is badha ke nivaran ke lie munga, manikya ya lal rang ka koi anya ratn anguthi men jarva kar pahnna chahie aur pratidin santan gopal stotra ka path karna chahie.
jivan men jarurat hai jyotishiya margadarshan ki? abhi bat karen fyuchar point jyotishiyon se!