vastu evan vyapar  

pradhanmantri narendra modi ji ka ek sapna hai bharat ko audyogik evan vyapar samriddh desh banane ka. isi ke antargat unhonne vyapar men naye kadam rakhne valon ke lie startaap indiya (startup india) ke nam se ek yojna shuru ki hai. yah yojna pahli bar vyapar shuru karne vale vyaktiyon ko protsahit karne ke uddeshya se shuru ki gai hai. aise sabhi vyakti jo vyapar shuru karne ke bare men soch rahe hain ya shuru kar chuke hain un sabhi ke lie apne vyapar ko samriddh banane ke lie nimn vastu niyamon ka dhyan rakhna upyogi siddh ho sakta hai

kisi bhi vyapar ko praranbh karne se pahle uska ek nam rakha jata hai, ek logo banaya jata hai, kanpni ke nam ko ek prabhavshali akar men ankit kiya jata hai, sath hi uske lie vijiting kard, laitar haid aur usi rang men sain bord dijain kiye jate hain jo kanpni ki karyashaili ka pratibinb hota hai. achche sundar v bhinnata lie hue pratik chihn jald hi mastishk men chinhit ho jate hain. yadi logo, vijiting kard, letar hed vastu anusar banae jaen to avashya hi unki sakaratmak urja ka prabhav, kanpni ki karyakshamata, karyashaili v labh par parta hai. aie janen jyotish v vastu ke anurup kanpni ka nam, vijiting kard, logo, letrhed aur anya avashyak samagri banane ke niyam -

kanpni ka nam

• kanpni ki nam rashi aur vyapari ki rashi men mitrata honi chahie.
• kanpni ke nam ka namank aur vyapari ke nam ke namank men mitra sanbandh hona chahie. ismen pra. limited jaise shabdon ko shamil nahin kiya jana chahie.
• kanpni ke nam ka rang vyapar ki prakriti ke anusar hona chahie.

• kanpni ka nam bare aksharon men sundar sahaj aur spasht rup se likha jana chahie jisse asani se parha ja sake. yah kanpni ko sudrirh evan vishvasniya banata hai.

apni kundli men sabhi dosh ki jankari paen kampalit dosh riport men

vyaparik logo

duniya men lagabhag har kanpni ka apna ‘‘logo (logo)’’ hota hai. yah logo hi hota hai jo age chalakar kanpni ki pahchan banta hai. koi bhi kanpni jab bara brand ban jati hai to ye logo hi hota hai jo markit men bikta hai. kisi bhi kanpni ke logo men har lain, karva, kalar, nam har ek chij ka apna ek alag matalab hota hai. kanpni ka logo uski sabse bari pahchan hota hai.

lekin sath hi krietiviti ka namuna bhi, jismen bare aram se apni kanpni ke uddeshyon ko sanketik bhasha men samjhaya ja sakta hai. yah kanpni ki pahchan hone ke sath sath ismen kuch sandesh bhi chipe hote hain. iska vastu anurup hona vyapar vriddhi men din dauguni rat chaiguni barhotri karta hai. logon ka dijain banvate samay vastu ke anusar nimn baton ka dhyan rakhna chahie -

• logo ka dijain sahaj evan vyapar ka pratik hona chahie logo jitna saral hota hai utni hi vyapar ki ayu adhik hoti hai.
• jahan tak ho sake chinh aur sanket urddhvagami hone chahie. logo banate samay dhyan rakhen ki churi aur talvar jaise nukile paeint n hon. isse nakaratmak urja utpann hoti hai jo karyon par bura prabhav dalti hai. nakaratmak chinh aur sanketon se bachna chahie.
• kanpni ke logo ka rang kanpni ke vyapar ki prakriti ke anusar hona chahie.
• logo ko uchch taknik, ilektronik yukt banvakar ise lakri ki dhatu par halke rangon se sajvayen, aur karyalyon ki divaron par lagvaen. logo jitna apko pasand aega, apki kanpni logon ko utni hi pasand aegi.
• logo ko utri disha ya ishan kon ki disha men lagana shubhta dega. logo apke karyalay men aisi jagah par hona chahie, taki sakaratmak urja ko karyalay men pravesh karne men asani ho.

vyapar kard (vijiting karda) dijain

• vyapar kard ka akar samkon hona chahie. visham kon jaise tribhuj, pentagan vala vyapar kard sampark ko asthayi env vivadagrast bana sakta hai.
• tredmark, logo, svastik, kalash aur ganpti adi ke lie kard ka ishan kon adhik shubh rahta hai.
• ek achche vijiting kard ke lie kard ka madhya kshetra, jise vastu men braham sthan kaha jata hai uska khali hona anivarya hai.
• vyapar kard men kis disha men kya likhvaya jaye, yah adhik mahatvapurn hai. kard ke madhya men braham sthan se upar apna nam likhna chahie.
• vyavsay v sansthan ka nam v pura pata dakshin ya dakshin-pashchim ke kon yani nairitya kon par likhvana chahie kyonki yah sthirta v vyapkta ka pratik hai.
• vyapar kard men kanpni ke nam ko variyata dete hue, bare akar aur bold rup men hona chahie.
• vyapar ke uddeshya kanpni ke bad hone chahie.
• jahan tak fon nambaron ka saval hai jisse hamare vyaparik sanpark bante hain uttara-pashchim (vayavya) disha men hona chahie. is disha men vayu ka prabhav ati tivra hone ke karan hamare vyapar men hamen anukul prabhav milenge.
• yah dhyan rakhe ki ek sundar aur vastu ke anusar dijain kiya hua vyapar kard apke sanparkon men madhurta env vyaktitva men chumbakiya akarshan paida karta hai. sath-sath uska kata-fata na hona bhi atyant avashyak hai.

letar hed: letar hed bhi samkon hona chahie aur letar hed banate samay upar diye gaye vastu anusar vijiting kard ke niyam lagu hote hain.

sain borda: sain bord bare akar ka hona chahie jahan tak sanbhav ho mukhya pravesh dvar ke samne sundar v bare aksharon men banvakar lagvana chahie. isse vyapar ki pragti sakaratmak rahti hai aur ay ka agaman bana rahta hai.

sain bord ke lie sabse upyukt disha purva yani suryaeday ki disha hai iske lie dvitiya vikalp ke rup men ise uttar purva disha v tisre sthan ke vikalp ke rup men ise uttar ki disha men lagaya ja sakta hai. yahan yah vyaparik kshetra men rahne vale sadasyon ko mansik aur sharirik sukh-shanti ka abhas deta hai.

uprokt tathyon ka dhyan rakhne se ummid hai ki nae vyapar sakushal samriddhi prapt karenge.

to get your personalized solutions, talk to an astrologer now!