hindu parva nirny  

bharat men hindu parva nirnay aksar vivadaspad sthiti men a jate hain. iska karan yah nahin hai ki hamare dharmagranthon men parva nirnay sutron men bhranti hai, balki ganna ki jatilta evan bharat ki simaon ke vistar ke karan aisa ho jata hai. bharat ke purva men ek tithi hoti hai to pashchim men dusri tithi rahti hai, jo parva nirnay men vividhta ka karan banti hai. aisa hi kuch is varsh mahashivratri ke avasar par hua. niche prastut hai, iska karan evan vivechan. sath hi holika dahan muhurt ka bhi vivaran diya gaya hai.

parva evan muhurt nirnay se purva kuch mukhya paribhashaon ko samjhna avashyak hai jo ki nimnalikhit hain:

muhurt kal: din aur ratri men prithak-prithak 15-15 muhurt hote hain. apne sthan ke dinman aur ratriman ke ghante minat ko alg-alag 15 se bhag dene par kramshah din aur ratri ke ek-ek muhurt ka man hota hai.

pradosh kal: suryast ke bad tin muhurt ka samay pradosh kal kahlata hai.

nishith kal: ratri ka athvan muhurt nishith kal kahlata hai.

mahashivratri nirnaya

pauranik tathyanusar shivratri ke din bhagvan shiv ki ling rup men utpatti hui thi. pramanantar se isi din bhagvan shiv ka devi parvati se vivah hua hai. atah sanatan dharmavlanbiyon dvara yah vrat evan utsav donon men ati mahatvapurn hai. mahashivratri ka parva falgun krishn paksh ki chaturdashi ko manaya jata hai parantu iske nirnay ke prasang mane kuch acharya pradosh vyapini chaturdashi ko to kuch nishith vyapini chaturdashi men mahashivratri mante hain parantu nirnay sindhu v adhikatar vidvan nishith vyapini chaturdashi ke hi matavalambi hain.

kuch acharyon jinhonne pradosh kal vyapini ko svikar kiya hai vahan unhonne pradosh ka arth atra pradosho ratriah kahte hue ratrikal ko hi mana hai. ishan sanhita men spasht varnit hai ki -

falgun krishn chaturdashyam adi devo maha nishi . shivling tathodyutah koti surya sam prabhah .. tatkal vyapini grahya shivratri vrate tithi ..

arthat falgun krishn chaturdashi ki madhya ratri men adi dev bhagvan shivling rup men amitaprabha ke sath udbhut hue. atah arddharatri se yukt chaturdashi hi shivratri vrat men grahya hai. yadi chaturdashi do din nishith vyapini hoti hai to, ya donon din nishith vyapini nahin hoti hai to bhi parva dusre din manaya jata hai. lekin chaturdashi dusre din nishith ke ek desh ko aur pahle din sanpurn bhag ko vyapt kare to parva pahle din manaya jata hai.

dharmashastriya ukt vachnon ke anusar is varsh dinank 13.2.2018 ko chaturdashi ka aranbh ratri 10ah35 par ho raha hai tatha iski samapti agle din 14.2.2018 ko ratri 12ah47 par ho rahi hai. atah chaturdashi 13 farvri ko nishithkal evan 14 farvri ko pradoshkal men vyapt ho rahi hai. aisi sthiti men nishisth ke dvara hi is varsh shivratri ka nirnay kiya jayega. nishith ka arth samanyatya log arddharatri kahte hue 12 baje ratri se lete hain kintu nishith kal nirnay hetu bhi do mat milte hain. madhav ne kaha hai ki ratrikalin char prahron men dvitiya prahar ki antya ghati evan tritiya prahar ki adi ki ek ghati ko milakar do ghati nishith kal hoti hai. dharmasindhu ke anusar ratrikalik 15 muhurton men 8van muhurt nishithkal hota hai.

is varsh dilli men 13 farvri ko nishithkal 24 ghan. 09 mi. 16 se. se 25 ghan. 00 mi. 44 se. tatha 14 farvri ko 24 ghan. 09 mi. 20 se. se 25 ghan. 00 mi. 40 se. tak rahega. 14 farvri ko (ratri 24 ghan. 09 mi. 20 se. se 25 ghan. 00 mi. 40 se.) purn nishith kal ke purva 24 ghan. 47 mi. par chaturdashi samapt ho rahi hai. atah 14 farvri ko purn nishith vyapini chaturdashi nahin mani ja sakti hai.

atah spasht rup se dharmashastriya vachnanusar dilli men dinank 13 farvri ko hi mahashivratri vratotsav manaya jana chahie.

is varsh mahashivratri ke sadhan men mukhya rochak bat yah hai ki lakhnau v usse purva men chaturdashi nishithkal men 14 farvri ko bhi purn rup se vyapt hai. chaturdashi do din nishithkal men purn rup vyapt hone ke karan dharmasindhu ke anusar shivratri dusre din hi manai jani chahie. atah bharat ke purva sthit pradeshon men iska 14 farvri ko manana hi shastrasammat hai. yahi karan bhi hai ki bharat men is mahaparva ko lekar itni charcha hui hai.

mahashivratri ek mahaparva hai. midiya v samachar patron men yah matantar raha ki is varsh shivratri 13 ko manayi jaye ya 14 ko manayi jaye ya bharat ke purvi bhag men 14 ko manayi jani chahiye aur pashchimi bharat men 13 ko manayi jani chahiye. parantu anek vidvanon ka mat hai ki mahaparvon ki ganna kisi ek sthan ko kendra manakar ki jani chahie kyonki mahaparva kisi n kisi sthan se sanbandhit hote hain. mahashivratri ke lie kashi kendrabindu uchit hai aur yadi ham kashi ko kendra manakar ganna karte hain to yah lakhnau se purva disha men hone ke karan 14 farvri hi uchit tithi thi.

holika dahan parva evan muhurt nirnaya

pradosh vyapini falgun purnima ke din holika dahan kiya jata hai. yadi do din pradosh vyapini purnima ho to holika dahan dusre din hi kiya jata hai aur yadi donon din pradosh vyapini purnima n ho to pahle hi din holika dahan kiya jata hai.

lekin yadi purnima pahle din pradosh vyapini ho aur dusre din sarhe tin prahar se adhik ho, sath hi pratipda ki avdhi purnima ki avdhi se adhik ho to holika dahan dusre din kiya jata hai. dhyan rahe ki ek din men 8 prahar hote hain aur ek prahar ka samay 3 ghante hota hai.

bharat men purnima tithi kal 1 march 2018 pratah 8:58 se agle din pratah 6:21 baje tak hai. is adhar par holika dahan dinank 1 march 2018 ko nishchit hai. ismen koi sanshay ki sthiti nahin hai.

apni kundli men rajyogon ki jankari paen brihat kundli riport men

holika dahan muhurt sutra evan nirnaya

1. holika dahan pradosh vyapini falgun purnima ki bhadrarhit tithi ko kiya jata hai.
2. yadi pradosh vyapini falgun purnima tithi, bhadra vyapini ho aur madhya ratri se purva samapt ho jaye to holika dahan bhadra kal ke bad pradosh vyapini falgun purnima men kiya jata hai.
3. yadi pradosh vyapini falgun purnima tithi, bhadra vyapini ho aur madhya ratri ke bad tak lagu ho to holika dahan bhadra kal mane bhadra ke punch kal ke samay kiya jana chahie.
4. kisi bhi avastha men holika dahan bhadra ke mukhkal men nahin kiya jana chahie.
5. yadi pradosh aur madhyaratri ke bich koi bhi bhadra punch ka samay n ho to pradosh kal men dahan kiya ja sakta hai.
6. yadi falgun purnima tithi ke samay n to pradosh kal ho aur n hi bhadra punch ka samay ho to pradosh kal ke bad holika dahan kiya ja sakta hai.
7. bina shubh samay ke kisi bhi kal men kiya gaya holika dahan labh nahin dega parantu ashubh samay men kiya gaya holika dahan rashtra, nagar aur pradesh ke lie ashubhfldayak ho jata hai.

bhadrakal 1 march ko 8:58 se 19:37 tak hai atah holika dahan ka samay, bhadra kal ke pashchat se pradoshkal ki samapti tak hoga. bharat ke mukhya shahron ke 1 march 2018 ko suryast evan suryoday kal ke adhar par holika dahan muhurt nishchit kiya gaya hai.

holika dahan muhurt sarni

to get your personalized solutions, talk to an astrologer now!