26 disanbar, 2004 ko indoneshiya ke samip bhukanp ke karan uthi sunami lahron ne dakshin eshiya men 1.5 lakh se adhik logon ki jan le li evan kitne hi lapta ho gae. jyotish men purvanuman lagane ke lie kuch yog hain, jinke dvara samay evan sthan ka kuch akalan kiya ja sakta hai.
bhukanp gurutvakarshan men parivartan ke karan ate hain. sabhi grah surya ke charon or chakkar laga rahe hain aur inki gati v path donon hi purnataya gurutvakarshan shakti ke dvara nirdharit hote hain. unki sthiti ki ganna ka keplar ;gyamachasamataddh siddhant bhi isi gurutvakarshan niyam par adharit hai. jab adhisankhya grah ek or ekatrit ho jate hain, to unka akarshan ek or ko barh jata hai aur fir chandrama, jo shighragami grah hai aur samip hone ke karan sabse adhik akarshit karta hai evan samudra men bhi jvar bhata ka karan hai, jaise hi viprit disha men pahunchta hai, gurutvakarshan ka santulan badal jata hai aur prithvi par jo bhag khinchav men tha uska khinchav khatm ho jata hai. aur yah prakriya bhugarbh men tor-for utpann karti hai, jiske falasvarup bhukanp ate hain.
uprokt karnon se yah paya gaya hai ki adhisankhya bhukanp shukla paksh ki dvitiya evan tritiya tithiyon ko ate hain. iske atirikt shukla paksh ki amavasya se tritiya tak ya purnima se dvitiya tak keval 5-6 dinon ki avdhi men 75 pratishat se adhik bhukanp ate hain. kyonki grahan purnima ya amavasya ke din hote hain, atah grahnon ka sidha sanbandh bhukanpon se hota hai evan grahan ke ek ya do din bad aksar ganbhir bhukanp ate pae gae hain.
prithvi ka bhumadhyavarti bhag apne path ke ikliptik plen men rahta hai evan sabhi grah isi plen men surya ke charon or bhraman karte hain. atah unke gurutvakarshan ka prabhav bhumadhya bhag par sabse adhik parta hai aur dhuravon par nyun ho jata hai. isilie bhukanp aksar bhumadhya bhag men hi ate hain. kyonki prithvi ki adhikansh jansankhya uttari golardh men rahti hai aur prithvi ka adhikansh bhu-bhag 350 se 400 ke bich parta hai, atah bhukanp bhi sarvadhik inhin anshon ke bich ate hain. prithvi ke sabse najdik grah surya, chandra, budh, mangal evan shukra hain. inhin panchon grahon ke gurutvakarshan ka sarvadhik prabhav bhi prithvi par rahta hai. ye panchon grah jab bhi ek disha men, arthat $450 ke madhya a jate hain, to sarvadhik bhukanp ki sthiti ban jati hai.
isi prakar bahucharchit jyotish yog - kalasarp bhi bhukanp ki sthiti ko prabal banata hai. kalasarp yog men sabhi grah rahu aur ketu ke bich sthit ho jate hain evan anshik kal sarp yog men ek ya do grah is rekha se bahar nikal jate hain. atah jab bhi kalasarp yog ki sthiti banti hai, to prithvi ke upar ek or gurutvakarshan adhik ho jata hai aur dusri or kshin, jiske karan bhukanp ki sthiti banti hai.
iske atirikt chandrama ke sthir rashiyon vrish, sinh, vrishchik tatha kunbh men se gochar ka bhi bhukanp se sanbandh paya gaya hai. bhukanp ke adhikendra ki sthiti ki jankari grahan kal ke grah evan bhav spasht dvara prapt ki ja sakti hai - aisa sanhita granthon men bataya gaya hai. prithvi par sarvadhik bhayankar bhukanpon ke ek tulnatmak adhyayan ke anusar yah paya gaya ki 90 pratishat se adhik bhukanpon men surya, budh, shukra, chandra evan mangal ek disha men sthit the, ya chandrama surya se viprit disha men sthit hokar krishn paksh men vidyaman tha. sath hi kal sarp yog bhi purn ya anshik rup se akash mandal men vidyaman tha.
aitihasik bhayankar bhukanp
| kramank |
tarikh |
prabhavit kshetra |
tithi |
ek disha men sthit grah |
| 1. |
893, march 23 |
iran |
shukla - 2 |
surya, chandra, budhra, shukra |
| 2. |
1138, sitanbar 8 |
siriya |
shukla - 2 |
surya, budh, guru, shukra |
| 3. |
1201, julai 5 |
mis, siriyara |
shukla - 3 |
surya, chandra, mangal, budh, shukra |
| 4. |
1290, sitanbar 27 |
chin |
krishn - 8 |
surya, budh, shukra |
| 5. |
1556, jun 23 |
chin |
shukla - 12 |
surya, mangal, budh, shukra |
| 6. |
1631, navanbar 30 |
chin |
shukla - 1 |
surya, chandra, budh, shukra |
| 7. |
1693, janvri 9,11 |
sisili |
shukla - 3 |
surya, chandra, mangal, budhra, shukra |
| 8. |
1730, sitanbar 29 |
chin |
krishn - 3 |
surya, mangal, budh, shukra |
| 9. |
1730, disanbar 30 |
japan |
krishn - 6 |
surya, mangal, budh, shukra |
| 10. |
1737, aktubar 11 |
bhart |
krishn - 2 |
surya, mangal, budh, shukra |
| 11. |
1850, sitanbar 22 |
chin |
krishn - 1 |
surya, mangal, budh, guru, shukra |
| 12. |
1908, disanbar 28 |
itli |
shukla - 6 |
surya, mangal, budh, shukra |
| 13. |
1920, disanbar 16 |
chin |
shukla - 6 |
surya, mangal, budh, shukra |
| 14. |
1923, sitanbar 1 |
japan |
krishn - 6 |
surya, mangal, budh, shukra, shani |
| 15. |
1927, mai 22 |
chin |
krishn - 6 |
surya, mangal, budh, shukra |
| 16. |
1976, julai 27 |
chin |
amavasya |
surya, chandra, mangal, budh, shukra, shani |
| 17. |
2004, disanbar 26 |
indoneshiya |
purnima |
surya, mangal, budh, shukra |
26 disanbar, 2004 ko ae bhukanp evan sunami lahron ke samay bhi purnima ka din tha aur surya, mangal, budh tatha shukra charon grah lagabhag 350 ke andar vidyaman the aur sare hi grah surya se chandrama ki rekha ke andar sthit the, arthat chandrama mithun men, surya dhanu men evan shesh sabhi grah shani, guru, shukra, mangal aur budh mithun se dhanu rashiyon ke andar the. kul milakar jyotish avashya hi bhukanp ka purvanuman dene men saksham hai, lekin shodh isko aur upyogi bana sakte hain. kaha jata hai ki purva kal men shri krishn ki dvarika puri bhi shayad isi prakar ki sunami lahron ki bhent charh gai thi, lekin us samay jyotish vigyan bahut viksit tha. unhonne pahle se hi jan liya tha ki aisi sthiti ane vali hai aur yojnanusar pura dvip pahle se hi khali karke mukhya bhu-kshetra par sthanapann ho gae the aur kisi bhi vyakti ka nuksan nahin hua tha. itna hi nahin, unhonne unche sthan par khare hokar dvarika ke dubne ka purn drishya bhi dekha jiski charcha bhagavat puran men ki gai hai.