svapnon ka arth mahesh chandra bhatt bhartiya darshanashastra ke anusar bhut, vartaman aur bhavishya ka sukshm akar har samay vayumandal men vidyaman rahta hai. jab vyakti nidravastha men hota hai to sukshmakar hokar apne bhut aur bhavishya se sanpark sthapit karta hai. yahi sanpark svapn ka karan aur svapn ka madhyam banta hai. javyakti sakriya hai, vah svapn avashya dekhta hai. sabhi praniyon men manushya hi ek matra aisa prani hai jo svapn dekh sakta hai. arthat jo manushya svapn nahin dekhta, vah jivit nahin rah sakta. iska abhipray yah hai ki jo jivit aur sakriya hai, vah svapn avashya dekhta hai. keval janm se andhe vyakti svapn nahin dekh sakte lekin ve bhi svapn men dhvaniyan to sunte hi hain. arthat svapn to unko bhi ate hain. svapn sote hue hi nahin, jagte hue bhi dekhe ja sakte hain. is prakar svapn ko do bhagon men vibhajit kiya ja sakta hai. ri jagrit avastha ke svapn ri nidravastha ke svapn jagrit avastha ke svapn kaviyon, darshanikon, premi-premikaon, avivahit kishor, yuvk-yuvtiyon ko adhik ate hain. ye svapn kalatmak hote hain. bhartiya darshanashastra ke anusar bhut, vartaman aur bhavishya ka sukshm akar har samay vayumandal men vidyaman rahta hai.
jab vyakti nidravastha men hota hai to sukshmakar hokar apne bhut aur bhavishya se sanpark sthapit karta hai. yahi sanpark svapn ka karan aur svapn ka madhyam banta hai. jis vyakti vishesh ki sadhna itni prabal hoti hai ki vah jagritavastha men ya dhyanavastha men in bhut-bhavishya ke sukshm akaron se sanpark kar leta hai, vahi yogi aur bhavishyadrishta kahlata hai. avchetan man ki pahunch hamare sharir tak hi simit nahin, varan vah vishva ke kisi bhi bhag men jab chahe pahunch sakta hai. uske dvara tinon lokon ke kone-kone ka samachar prapt ho sakta hai. atah bhut, bhavishya aur vartaman tinon kalon ka gyan avchetan man se hi sanbhav hai. niche kuch mukhy-mukhay svapnon ke bhavon falon ka sankshipt varnan kiya ja raha hai. svapn falon ke sanbandh men nimn baton ko dhyan men rakhna avashyak hai. ratri men tin baje se suryoday ke purva ke svapn sat din men, madhya ratri ke svapn 1 mah men, madhya ratri se pahle ke svapn 1 varsh men apna fal pradan karte hain. din ke svapn mahatvahin hote hain. ek rat men ek se adhik svapn aen to antim svapn hi faldayak hoga. shubhubhubh svapn fal vichar ri svapn men jis purush ko apne sir par ghar jalta dikhai de, use rajya pad milta hai.
ri jo purush svapn men kanon men kundal, mathe par mukut aur gale men motiyon ka har dharan karta hai vah nishchit hi rajyapad ko prapt karta hai. ri jo purush svapn men apne shatruon ko parajit hote hue dekhta hai vah purush padonnati prapt karta hai. ri jo purush svapn men gay, bail, pakshi, hathi par charhakar apne apko samudra ko par karta hua dekhta hai vah raja hai. ri jo purush svapn men kamal ke patte par baithakar khir khata hai vah rajyapad ko prapt karta hai. ri yadi koi stri svapn men apni yoni ke kshetra ko viksit dekhti hai to use kisi purush ke dhan ki prapti hoti hai. ri jis purush ke svapn men sare bal jhar jate hain ya vah apne apko kesh vihin dekhta hai to use atulya dhan ki prapti hoti hai. ri jo purush svapn men kumhar ko ghara banate dekhta hai uske shok ka nash hota hai aur use bahut dhan ki prapti hoti hai. ri jo purush svapn men apne apko unchi divar par baitha dekhe to usko sukh-sanpatti prapt hoti hai. ri yadi koi purush svapn men apne ko apni ayu se bara dekhe to usko man-samman ki prapti hoti hai.
ashubh svapn fal vichar : ri yadi koi stri apne apko svapn men ganja dekhe to use garibi ka samna karna parega. ri yadi purush svapn men dekhe ki uske sath durghatana ghat gayi hai to use shighra hi bimari jakar leti hai. ri yadi koi svapn men yatra ke lie vahan dvara jane ki taiyari men hai to use yatra chor deni chahie, kyonki yatra men uski mrityu ho sakti hai. ri yadi koi svapn men apne apko shisha torte hue dekhta hai to uske parivar men shighra hi kisi sadasya ki mrityu ho jati hai. ri yadi koi purush svapn men chitiyon ko mare to vyapar ka nash hota hai. ri jo purush apni nav ko tufan men fanste dekhta hai to ane vala samay durbhagya ki suchna deta hai. ri yadi koi purush svapn men karvi dava leta hai to vah anek prakar ki kathinaiyon men par jata hai. ri svapn men rota bachcha dekhna bimari aur nirasha ki suchna deta hai.
pranay sanbandhi svapn fal vichar : ri yadi koi yuvti svapn men kisi ratn jari anguthi athva naikles ko dekhti hai to uska danpatya jivan sukhi vyatit hota hai. ri yadi yuvti svapn men kisi mitra ke diye hue kangan pahnti hai to uska shighra hi vivah ho jata hai. ri yadi purush svapn men koi sundar vastra dekhta hai to use madhur svabhav vali vidushi patni ki prapti hoti hai. ri yadi purush svapn men aurat ko ghunghat nikalte dekhta hai to uska danpatya jivan sukhamay vyatit hota hai. ri jab koi purush svapn men apni khoi hui vastu prapt karta hai to use agami jivan men sukh milta hai. ri yadi koi yuvti svapn men apne apko mele athva numaish men ghumti dekhe to use yogya pati ki prapti hoti hai. ri yadi koi purush svapn men indra dhanush dekhta hai to uska vastavik jivan sukhamay vyatit hota hai. ri yadi avivahit yuvti apne premi ko kisi anya yuvti se vivah karta dekhe to vivah shighra ho jata hai. ri yadi koi purush svapn men kisi sundar v svasthya navjat shishu ko dekhta hai to usko santan prapt hoti hai. ri yadi kisi stri ko koi purush svapn men anguthi bhent men de to uska pati use atyant prem karega.
mishrit svapn fal vichar : ri jo purush svapn men jivit giddh ko dekhta hai uske saubhagya men vriddhi hoti hai. yadi giddh akash men unchai par urta dikhai de to atyadhik saubhagyashali hota hai. ri yadi koi purush svapn men saf-suthri shmashan bhumi ko dekhe to uske vyapar men vriddhi hoti hai. ri yadi koi purush svapn men apne apko pustak parhte dekhta hai to uska samaj men man-samman barhta hai. ri svapn men mashin dvara ghas katna saubhagya vriddhi ka pratik hai. ri yadi koi purush svapn men kisi yuvti ko karnaful pahne dekhe to use koi shubh samachar milta hai. ri yadi koi purush svapn men khatmlon ko athva machcharon ko marta hai to uske karya safal ho jate hain. ri jo purush svapn men anaj ka dher dekhta hai use apne parishram se saflta prapt hoti hai. ri jo purush svapn men kofi athva chay pita hai, use jivan men harshollas aur samriddhi milti hai. ri yadi koi purush svapn men apne pairon-hathon men dard ka anubhav kare to use dhan ki prapti hoti hai. ri yadi koi purush svapn men apne pairon-hathon men dard ka anubhav kare to use dhan ki prapti hoti hai. ri yadi koi purush svapn men karigar banakar makan banata hai to usko jivan men apar saflta milti hai.
pg-34 svapnafal evan achuk upay ranju narang manav man ka svapnon ke sath gahra sanbandh hai nidra ki avastha men bhi mastishk sakriya rahta hai. avchetan man ki ichchaen, din pratidin ke tanav evan chintaen svapn ke rup men dikhai deti hain. manovaigyanik yah bhi mante hain ki kabhi-kabhi svapn bhavishya men hone vali ghatnaon ka bhi sanket dete hain. svapnon se bhavishya sanket ki pushti kai prachin granthon dvara hoti hai. nanihal men bharat ne ek svapn dekha tha jiska parinam samne aya. trijta ne bhi lanka ke vidhvans hone ka svapn dekha tha. svapnon ke shubh v ashubh falon ki avdharnaen prastut hain is alekh men ......... shubhubh svapn ri jo vyakti svapnavastha men ghora, hathi, safed bail, jute, rath men svayan ko savar dekhta hai-use gram, nagar, rajya athva desh se avashya hi samman ki prapti hoti hai. ri kisi bare jalashay, sarovar, nadi athva sagar men svayan ko tairta dekhne vala manushya sabhi prakar ke sankton se mukt ho jata hai. ri svapn men ullu dekhne se bhagvti lakshmi ki kripa prapti hoti hai. ri jo vyakti svapnavastha men til, chaval gehun, sarson, jau, ann ka dher, pushp, chata, dhvaj, dahi, pan, kamal, kalash, shankh aur sone ke gahne dekhta hai use sabhi prakar ka sukh milta hai.
ri svapn men devi lakshmi ki murti dekhne se dhan ki prapti hoti hai. ri goraiya, nilkanth, kabutar, saras, tota v titar dikhai dene se grihasth jivan khushhal hota hai. ri svapn men svayan ko kisi mahal ke unche burj par khare dekhna bhavi jivan men unnati ka sanket hai. ri yadi koi rogi svapn men davai ki botal tuti hui dekhta hai to vah shighra hi rog mukt ho jata hai. ri svapn men fal dekhna bahut shubh hota hai. ri yadi ap svayan ko kisi unchai par charhta dekhen to yah bhavishya men unnati ka sanket hai. ri yadi ap svapn men nae vastra pahne dikhte hain to apko koi manglik karya ka sandesh milne vala hai. ri yadi ap kisi vriddh vyakti athva sadhu ko dekhte hain to apko bara labh athva samman milne vala hai. ashubhubh svapn ri yadi svapn men kisi bachche ka janm hota dikhai de to savdhan hona chahie kyonki yah agami durghatana ka sanket hai. ri yadi svapn men kisi rote bachche ko dekhen to koi sankat ane vala hai. ri svapn men jis vyakti ko dakshin disha men khare pitar bulate hain usko apna antim samay aya hua jan lena chahie. ri svapn men koi khandahar, sunsan jagah dekhna, bhatak jana aur niklne ka koi marg n milna hani karak hota hai.
ri svapn men yadi koi kisi ke panvon ko kata hua dekhega to uske jivan men anek prakar ki arthik aur vyavsayik badhaen ane vali hain. ri svapn men yadi koi pani men dubta ja raha hai to yah ane vale sankton ka suchak hai. ri yadi koi vyakti svapn men svayan ko dori se bandha hua dekhta hai to use shighra hi kisi apradh men bandi banaya ja sakta hai. ri svapn men yadi aisa pratit ho ki koi vyakti svapn dekhne vale ki patni ka apaharan karke le ja raha hai to shighra hi uske dhan ki hani hoti hai. ri svapn men kisi barat men shamil hona ashubh hai. ri svapn men kisi ki hatya hote dekhne ka arth hai ki koi apak khilaf bagavat kar raha hai. ri svapn men yadi koi sona chandi adi dhatuon ki chori karta hai to yah ashubh hai. is ka prabhav vyavsay par par sakta hai. anisht fal nashak upay ri yadi man yah svikar kare ki dekhe gae svapn ka parinam anishtakari ho sakta hai to uske nivaran ka upay avashya kiya jana chahie. chitrakut vas ke samay shri ram ne bhi ek svapn dekha tha jiske anisht fal ke nivaran hetu unhonne bhagvan shankar ki puja ki thi. uchit upay karne se bure svapn se hone vala dushprabhav atyant kshin athva samapt ho jata hai.
ri yadi svapn adhik bhayanak aur ratri 12 se 2 baje dekha jae to turant shri shiv ka nam smaran karen. 'un namah shivay' ka jap karte hue so jaen. tatpashchat brahmamuhurt men uthakar snanadi karke shivmandir men jakar jal charhaen puja karen v pujari ko kuch dan karen. isse sankat nasht ho jata hai. ri yadi svapn 4 baje ke bad dekha gaya hai aur svapn bura hai, to pratah uthakar bina kisi se kuch bole tulsi ke paudhe se pura svapn kah dalen. koi dushparinam nahin hoga. snan ke bad 'un namah shivay' ka 108 bar jap karen. ri hanuman ji sab prakar ka anisht dur karne vale hain. bure svapn ka anisht dur karne ke lie sundrkand, bajrang ban, sanktmochan stotra athva hanuman chalisa ka path bhi sanykal ke samay kiya ja sakta hai. ri yadi svapn bahut bura hai aur apke ghar men tulsi ka paudha nahin hai, to subah uthakar safed kagaj par svapn ko likhen fir use jala den. rakh nali men pani dal kar baha den. fir snan karke ek mala shiv ke mantra 'un namah shivay' ka jap karen. dushprabhav nasht ho jaega.