raja-rani ka kam hai adesh jari karna. acharya vday ka kam hai raja-rani ko paramarsh dena. senadhyaksh ka kam hai sainikon ko adesh dena. yuvraj ka kam hai amod-pramod, manovinod, hansi-majak, nritya-natika, khel-kud tatha len-den men samay vyatit karna. ab rah gaye keval aur keval shani maharaj. iska abhipray to yahi hua ki sarvagrah keval raj karte hain aur shanidev maharaj. vaise daivagya inhen sevak kahte hain aur darshanik das. vedsar gita ke tahat jyotishcharya inhen karmayogi kahte hain to alochak gulam. bhartiya jise sambandh kahte hain videshi use bandhan. unhin ke shabdon men- ‘‘manushya svatantra utpann hota hai aur vah sarvatra janjiron men jakra hota hai.’’ jyan jak ruso. chunki sampurn grah mantri parishad, samast nakshatra mandal tatha sakal jhilmil sitaron ki agya ka paripalan karte hue unki ichchanusar seva karna is sevak shanidev ka ek vishisht gun hai, islie shani maharaj se banne vale chatushgrah yog evan unke prabhav ke sandarbh men vishesh shastrarth nimnanusar prastut hai- ‘‘mukhrah subhgah pragyao mridusaukhyah sattvashauchasampannah.
dhiro mitrashayo ravibudhsitsaurisanyoge..’’ -saravli-17/19 surya budh shukra shani sath hon to jatak vakptu, saubhagyashali, vidvan, sukhon se prem karne vala, sattvayukt, tan-man ki shuddhata vala, dhairyashil aur mitron ke kam ane vala hota hai. ‘‘mandagyarunbhargavaiah suvdnah satyavratacharvan.’’ - jatkparijat-8/22 vadan, sharir saushthav, satyavrat tatha sadachari hota hai. ‘‘shukrasauribudharkanan yoge mitrayutah shuchiah. mukhrah subhgah pragyao jayte ch sukhi narah..’’ -mansagri-2/19 surya budh shukra shani ek sthan men ho to jatak bahut mitra vala, pavitra hriday, vakpatu, saubhagyashali, pandit, sundar tatha sukhi hota hai. ‘‘adityabudhbhrigvarkisanyoge subhgah shuchiah. bandhumanyo mahapragyah putradarsukhanvitah..’’ surya budh shukra shani ek ghar men hon to jatak sundar, shuddhata se yukt, bandhumanya, mahapandit, santati tatha dampati sukh-samriddhi se yukt hota hai. bhrigu sanhita falit prakash-3, kundali kramank 1506 ke anusar yadi janmakal men surya, budh, shukra aur shani ki yuti ho to jatak pavitra hridyvala, savakta, mitron vala, sundar, pandit, vidvan, bhaiyon dvara sammanit, santan tatha dampatya sukh ko prapt karne vala, pavitra vicharon vala, bhagyashali tatha sukhi hota hai. vedang jyotish andhanukaran tatha bheriya dhasan vishayak path nahin parhata.
svavivek se bhi kam lena sikhata hai. hamare devarshi, brahmarshi, maharshi, daivagya tatha samast jyotishacharya pragyashil, sangyani aur chaitanya kaviraj the. ve bhali-bhanti, samjh-bujhakar anekanek samanarthi athva paryayvachi shabdon ke lie chun-chunakar ek-ek shabd apni rachna men piro gae hain. faltah in uchch se uchchatam koti ke kaviyon ne jo falakathan kiya hai uska aksharashah athva shabdashah ya keval shabdarth n lekar bhavarth v tattvarth bhi lena chahie. vaise bhi aksharashah arth n lekar bhavarth lena sanskrit sahitya ki paripati rahi hai. kripya ‘faldipika bhavarthabodhini pri.kra-148’ aur ‘jatkparijat-pra.kra-536’ ka avlokan karen. nimnoktanusar is sambandh ko ‘subhag sambandha’ kaha gaya hai. shabdakosh subhga ko suhagin aur subhag ko suhaga kahta hai. ise ham sone par suhaga bhi kah sakte hain. subhag arthat bhagyavan, saubhagyashali, samriddhishali, suhavan, manbhavan, manbhavan, ruchikar, manoram, manohar, sundar, prasann mudra, madhur, isht, snehi, priya, priyatam adi-adi. shanidev ki sabse bari visheshta yah hai ki iske pas isko gherne vale sunhre rang ke athva rang-birange tin valay ya tin challe hain. in challon ke karan yah sundar aur akarshak pratit hota hai. iske atirikt atirikt iske pas 20 ya 20 se adhik chand hain. jab matra ‘chaidhvin ka chand ho athva keval chand si mehbuba ho......’ par vyakti fida ho jata hai.
tab fir us par sirf char chand hin hi bis chand lag jae n to use akhir kya kahen? yahi n ‘sone par suhaga upar se manikanchan yog’. is yog ko bhai-bandhu, bandhu-bandhav, sakha-sambandhi, mitra-sahyogi, santti-dampati adi-adi lagabhag tamam bhautik sukh-suvidha sampann pavitra hridy-premi hriday yog kaha gaya hai. saur parivar ka sarvadh iak chamkila grah shukracharya ki ruchi nimnokt ke atirikt anya lagabhag sabhi lalit kalaon tatha paryatan men rahti hai. faltah is yog men shukra jatak ko sinema, thiyetar, sangit (gayn-vadn-nrityan) tatha abhinay kshamata deta hai. is sambandh ko pragya, mahapragya, vidya-buddhi-vivekshil, chatur-sujan, mukhar, vakpatu, suvakta adi-adi kaha gaya hai. saur-parivar ka sarvadhik laghu aur chamkdar grah budh surya ke sarvadhik nikat rahta hai. surya ka atyant nikatavarti grah hone ke karan ise surya ka sahayak mana gaya hai. budh ki kala tatha vanijya ke kshetra men ruchi rahti hai. budh jatak ko prakriti premi, vitarak, gitkar, rachnakar, hasya abhineta, hansmukh, vinodi svabhav, idvaarthi shabdon ka prayog karne vala, sangti athva jaisa desh vaisa bhesh badlne men mahir banata hai. is yog ko svasth, svatva, satta, sattva, ‘saur parivar’ athva saur jagat kaha jata hai. grahraj surya saur jagat ka sarvapramukh grah hai. yah sabhi grahon ka kendradhipti hai. iske charon or anek grah tatha anekanek khagoliya pind sadaiv chakkar katte rahte hain. grahraj surya jatak ko sattva, sattasin, pranashakti sampann, arogyavan, netritvakshamata sampann, pratibha sampann nirmata-nirdeshak, aishvaryavan, adh iakar sampann, purusharthi, shuchi, shuchita, bhadrata, shreshthata, satvik, urjavan, sahsi, sadgun sampann, satyavan tatha yatharthavadi banata hai.
brihatparashar horashastra-rajyogadi faladhyay-11,24, laghuparashri-yogadhyay-1-9, faldipika-15/30, saravli-19/8 evan anya anekanek jyotish granthon men vibhinn prakar se grah-sambandh vishayak anek vivaran upalabdh hain, jinmen se nimn kuch pramukh hain-
1. ekasth sthiti sambandha: jatak devanand ki janm kundali men shani-shukra budh aur surya ek sath barhven bhavan men baithe hain. hindi filmi duniya ke chiryauvan abhineta devanand ne anek filmon ke nayak rahakar vishesh prasiddhi prapt ki. ek vishesh adakari ke karan 50 varshon tak filmi sitaron ki duniya men chaye rahe. taduprant nirmata-nirdeshak ke rup men bhi prasiddhi prapt ki.
2. ek hi grah ki rashi men sthiti sambandha: saundarya samragyai madhubala apne jamane ki prasiddh nayika thi. anek safal filmon men ‘mugal ajm’ ka nam vishesh ullekhniya hai. filmi abhineta tatha gayak kishor kumar inke pati the. 36 varsh ki ek choti si ayu men inki mrityu ho gai.
3. paraspar kendiya sthiti sambandha: sadabhar kalakar, vinodi svabhav, apne jamane ke mashhur hiro ne anek safal filmen di. unhonne anek filmon ka nirdeshan bhi kiya. prastut kundali ke tritiya bhav men shani-shukra-budh aur surya ek sath baithe hain. yah paraspar kendriya sthiti sambandh ke atirikt, paraspar trikoniya sthiti sambandh, paraspar kendresh-trikon osh ekasth sthiti sambandh paraspar trikonesh-kendresh ekasth sthiti sambandh bhi hai.
4. paraspar trikoniya sthiti sambandha: prastut kundali men shani-shukra-budh aur surya ka pratham aur navam bhav men paraspar trikoniya sambandh bana hua hai. tabbu ne bal kalakar ke rup men devanand ki filmon men kam karke apne kairiyar ka shubharambh kiya. ‘machis’ virasat v chandni bar jaise filmon men sashakt abhinay karne se tabbu ka nam ekaek shreshth abhinetriyon ki shreni men a gaya. ‘machis’ film ne inhen sarvashreshth abhinetri ka rashtriya puraskar kiya.
5. paraspar kendresh-trikonesh ya trikonesh- kendra ekasth sthiti sambandha: prastut kundali men shani-shukra-budh aur surya ki tritiya bhav men paraspar kendresh- trikonesh aur isse ulat trikonesh- kendresh ki ekasth sthiti sambandh hai. charitra abhineta premnath ka vyaktitva aur vani akarshak thi. inhonne 17 varshon tak nayak, taduprant charitra bhumika aur khalnayak ke rup men khyati arjit ki.
6. paraspar ek dusre ki rashi men sthiti sambandhah prastut kundali men shani mithun rashi men sthit hai aur budh-shukra-surya shani ki rashi makar v kumbh men sthit hain. maedling se apna kairiyar prarambh karne vali priti jinta baelivud ki shirsh abhinetriyon men s ek rahi hain. san 1994-95 men ‘litil garla’ ke nam se mashhur rahin. inki kai filmen jaise dil chahta hai, kya kahna, chori-chori chupke-chupke, koi mil gaya adi hit rahin.
7. anyonyashrit yog: prastut kundali men shani-shukra-budh aur surya ka anyonyashrit yog ya mithyog athva sahkari samiti yog bana hua hai. pahla dusre ki rashi mane, dusra tisra pahle ki rashi men sthit hain. shani sang shukra surya ki rashi sinh men dvitiya bhav men, surya budh ki rashi kanya men tritiya bhav men aur budh shukra ki rashi tula mane chaturth bhav men sthiti hai. svapn sundari hemamalini ne kai suprhit filmen di hain. sath hi ham do hamare do, ham donon ke do-do bhi.
8. alg-alag rahakar ek hi bhav par drishti sambandhah prastut kundali men shani-shukra-budh aur surya alg-alag bhavnon (shashth aur navm) men sthit rahakar ek hi bhavan (tritiya) ko kramshah dasham aur saptam purn drishti se dekh rahe hain. hindi sinema ke kshetra men apni svachch chavi tatha bhavpurn abhinay ke karan vishesh prasiddhi prapt kar chuki hain. inhen kai filmi puraskar mile. vivah uprant inhen nutan samarth ke nam se jana jata raha hai.
9. ekal drishti sambandha: prastut kundali men shani apni tritiya purn drishti se shukra-budh aur surya ko dekh raha hai. shukra-budh aur surya men se koi bhi shani ko nahin dekh rahe hain. is prakar se ektrfa athva ekal drishti sambandh bana hua hai. hindi sinema ke mahanayak dilip kumar ‘trejdi king’ ke nam se prasiddh rahe hain. inhonne anek rashtriya tatha antarrashtriya filmi puraskar jite hain.
10. paraspar drishti sambandha:
11. paraspar kendriya drishti sambandha:
12. paraspar kendresh-trikonesh ya trikonesh- kendresh drishti sambandha: prastut kundali men shani tatha shukra donon kendresh bhi hain aur trikonesh bhi hain. budh trikonesh hai. isi karan is kundali men paraspar drishti sambandh, paraspar kendriya drishti sambandh aur paraspar kendresh- trikonesh ya trikonesh-kendresh drishti sambandh bana hua hai. faltah kolambas ke prasiddh abhineta bakstar vaernar prachin kal ke hiro, unchakad, prabhavshali vyaktitva, nirmata, nirdeshak tatha ‘akadmi avarda’ se sammanit rahe hain.
13. ekal trikoniya drishti sambandha
14. paraspar trikoniya drishti sambandhah- chanuki shani-shukra-budh aur surya charon grahon men se kisi bhi ke pas trikoniya drishti kshamata nahin hai. isi karan in grahon ke madhya ekal trikoniya drishti sambandh tatha paraspar trikoniya drishti sambandh banna asambhav hai. ataev spasht hai ki ‘shani-shukra-budhaditya yog’ vyakti ko filmi duniya men saflta dilati hai. dusre shabdon men filmalay men saflta arjit karne hetu is ‘shani-shukra-budhaditya yog’ athva uproktanusar sambandhon par drishtipat karna nitant avashyak hai.