27 julai ki rat 12 baje ke aspas kanpur svarup nagar thane men piyush shivdasani ka fon ata hai ki uski patni jyoti ko achanak agva kar liya gaya hai aur uske sath bahut marpit ki gai hai. pulis apni karyavahi turant shuru kar deti hai kyonki piyush ke pita om prakash svati biskut kanpni ke malik hain
aur lagabhag ek derh ghante men hi pulis ko jyoti ka shav panki thane ke piche vali gali men kar ke andar mil jata hai. piyush ke anusar rat ko jab vah jyoti ke sath restaran se khana khakar nikla to char baik par savar ath yuvkon ne unhen gher liya aur use kar se bahar fenk kar patni ko agva kar liya. pulis ne uski bat manakar taftish shuru kar di lekin jyoti ke pita shankar nagdev ne piyush par sandeh jataya aur jyoti ki man kanchan ne bhi apne damad par beti ki hatya ka arop lagaya aur usne bataya ki piyush ke kisi aur mahila se sanbandh hain
aur jyoti ne kai bar is bare men unse jikra kiya tha. jyoti ke anusar piyush use apna mobail fon kabhi bhi chune nahin deta tha aur do ghante bathrum band kar kisi se bat karta tha. pulis ne jab is paksh ke bare men khojbin ki to unhen piyush par pura shak ho gaya kyonki varanda restaran ki sisitivi futej men vah shart pahne tha jabki svarup nagar thane ki futej men vah ti shart men dikha. ghatna vale din sham ko bhi sat baje piyush ke mobail ki lokeshan panki men mili jahan jyoti ka shav baramad hua tha. in sabhi karnon ki vajah se piyush ko puchtach ke lie pulis kastadi men le liya gaya aur pulis uske fon rikard chek karne lagi.
usi se pata chala ki piyush ne manisha makhija ko saikron fon kiye hain aur usse uske avaidh sanbandh hain. manisha kanpur ke ek bare pan masala banane vali kanpni ke malik ki beti hai aur jab usko bhi rimand par liya gaya to usne bataya ki jyoti ne piyush ko usse chin liya tha aur vah kisi bhi kimat par piyush ko chorna nahin chahti thi. ab ghar vale uski shadi kahin aur kar rahe the to unhonne jyoti ko marva diya taki vah apas men vivah kar saken. piyush ne jyoti ko marne ki koshish tin bar ki.
do prayason men vah asafal raha lekin tisre prayas men apne aefis ke larke renu aur sonu ko sakht hidayat dekar jyoti ko marne ka plan banaya tha aur jab renu aur sonu jyoti ko chure ghop rahe the tab vah uski chikhen sun raha tha. yah uski amanviyata ki had thi. piyush aur manisha abhi filhal pulis rimand men jel men band hanai aur manisha ke anusar vah marte dam tak piyush ka sath degi aur use apne kiye par bhi koi pachtava nahin hai. jyotishiya vishleshan hamen is kes men keval manisha ki janmapatri hi upalabdh ho pai islie ham keval usi ki patri ke upar ghatnaon ka akalan karenge. chaturth bhav se jatak ki mata v mata-pita dvara pradatt sanskaron, shiksha adi ka vichar kiya jata hai
jisse jatak ke achar-vichar, vyavhar tatha charitra ka nirman hota hai. chaturth bhav se hi is bat ka akalan kiya jata hai ki jatak ka man kaisa hoga tatha vah sanvednaon v bhavnaon ke star par kitna paripakva hoga. yadi chaturth bhav v anya kendron par keval pap grahon ka prabhav parta ho tatha man v atma ke karak grah nich rashisth hon to aise jatak se in sadgunon ki apeksha nahin ki ja sakti tatha aisa jatak karuna, sahanubhuti, daya v manvta jaise gunon ke mamle men purnataya naganya hi hoga.
manisha ki kundli men sarvadhik papi grah rahu chaturth bhav men kal sarp yog ka nirman kar raha hai jiske karan uski kundli nichta, dhutrtata, tamsikta, krurta aur mayavi bhavnaon se ot-prot hai kyonki atma karak bhagyesh surya aur man karak chandrama bhi nich rashiyon men sthit hain sath hi kundli ke kendra sthanon men koi bhi shubh grah n hone se manisha men saumyata, shalinta, vivek aur sanskaron ki kami hai, uske man men dusron ke prati koi sahanubhuti nahin hai aur vah itni kathor hriday hai
kiarth ke lie usne jyoti ki hatya men piyush ka pura sath diya. is kundli men saptamesh budh barhven bhav men nich chandrama tatha shani ke sath sthit hone v rahu se drisht hone se ise dusron ke sath ayyashi ka jaise rog lag gaya tha. iske atirikt dusri or panchmesh mangal, shani ki rashi men uchch ka hokar marak bhav men sthit hai tatha us par markesh shani ki drishti hai jiske karan inhen apne prem men asflta mili. piyush se uska vivah chahte hue bhi nahin ho saka aur usne badla lene ke lie yah khuni sajish rachi. kanudli men dasha aur antardasha ka vichar karen to vartaman men iski surya ki mahadsha men chandra ki antardasha chal rahi hai.
nich rashisth surya ki pancham bhav par purn drishti hai tatha chandrama ashtamesh hokar dvadash bhav men nich rashisth hai jiske karan manisha ne apne iman dharm ko chor kar apni jid ki purti ke lie is hatya kand men hissa liya aur isilie use jel bhi jana para. manisha ke labh aur dhan sthan men uchch grah tatha svagrihi shukra sthit hain jisse iske jivan men dhan ki kami nahin hai. dhan to prachur matra men hai lekin kami hai
to naitik shiksha ki aur sanskaron ki. ajakal janm rashi par shani ki sarhesati chal rahi hai aur age bhi shani ki sarhesati tak ise jivan men sukh shanti nahin mil sakegi aur kort ke mamle bhi chalte rahenge. piyush aur manisha ki kahani parh kar man men yahi vichar ata hai ki in donon bachchon ki parvrish men kahin n kahin kuch kami hai. kundli men baithe grah nishchit rup se vyakti ki soch aur karm ko prabhavit karte hain parantu hamara aspas ka mahaul, samaj aur sanskriti bhi is par gahan asar dalti hai.
donon ke mata-pita ne achchi mehanat kar bari-bari faiktri banai lekin chunki inhen sabkuch virasat men mila aur achche sanskar milne men kahin kami rah gai tabhi inke vicharon men vikrit mansikta samavisht ho gai aur inhonne achche-bure parinam ki chinta kiye bina apne kartavya par apni vasna ko havi hone diya aur is khuni vardat ko anjam diya.
mata-pita ka bhi katrtavya hota hai ki bachche ko uchit shiksha dane aur achche bure ki parakh bataen. jivan men paisa aur khudagarji hi sab kuch nahin hota. hamara apne parivar, apne samaj v apne desh ke lie bhi kuch katrtavya hota hai. yadi ham sab yah samajh jaen to shayad hamare samaj ka barhta kraim ret kuch kam ho jae.