bij mantron se anek rogon ka nidan safal hai. avashyakta keval apne anukul prabhavshali mantra chunne aur uska shuddh uchcharan se mann-gunan karne ki hai. pauranik, ved, shabar adi mantron men bij mantra sarvadhik prabhavshali siddh hote hain uthte-baithte, sote-jagte us mantra ka satat shuddh uchcharan karte rahen. apko chamatkarik rup se apne andar antar dikhai dene lagega. yah bat sadaiv dhyan rakhen ki bij mantron men uski shakti ka sar uske arth men nahin balki uske vishuddh uchcharan ko ek nishchit lay aur tal se karne men hai. bij mantra men sarvadhik mahatva uske bindu men hai aur yah gyan keval vaidik vyakaran ke saghan gyan dvara hi sanbhav hai.
ap svayan dekhen ki ek bindu ke tin alg-2 uchcharan hain. ganga shabd ‘na’ pradhan hai. ganda shabd ‘na’ pradhan hai. ganbhir shabd ‘ma’ pradhan hai. arthat inmen kramshah n, n aur m, ka uchcharan ho raha hai. kaumudi siddhant ke anusar vaidik vyakaran ko tin sutron dvara spasht kiya gaya hai-
1 - monusvarah
2 - yaronunasikenunasiko tatha
3- anusvarasya yayi par savarne.
bij mantra ke shuddh uchcharan men sasvar path bhed ke udatt tatha anudatt antar ko spasht kie bina shuddh jap asambhav hai aur is ashuddhi ke karan hi mantra ka suprabhav nahin mil pata. islie sarvapratham kisi bauddhik vyakti se apne anukul mantra ko samy-parakh kar uska vishuddh uchcharan avashya jan len. apne anurup chuna gaya bij mantra jap apni suvidha aur samyanusar chalte-firte uthte-baithte arthat kisi bhi avastha men kiya ja sakta hai. iska uddeshya keval shuddh uchcharan ek nishchit tal aur lay se nariyon men spadan karke sfot utpann karna hai.
kan - pet sambandhi koi bhi vikar aur vishesh rup se anton ki sujan men labhkari. gun - malashay aur mutra sambandhi rogon men upyogi. shan - vani dosh, svapn dosh, mahilaon men garbhashay sambandhi vikar auer harniya adi rogon men upyogi . ghan - kam vasna ko niyantrit karne vala aur marn-mohn-uchchatan adi ke dushprabhav ke karan janit rog-vikar ko shant karne men sahayak. dhan - mansik shanti dene men sahayak. aprakritik vipdaon jaise maran, stambhan adi prayogon se utpann hue vikaron men upyogi. pan - fefron ke rog jaise ti.bi., asthama, shvas rog adi ke lie gunkari. ban - shugar, vaman, kaf, vikar, jodon ke dard adi men sahayak.
yan - bachchon ke chanchal man ke ekagra karne men atyat sahayak. ran - udar vikar, sharir men pitt janit rog, jvar adi men upyogi. lan - mahilaon ke aniyamit masik dharm, unke anek gupt rog tatha vishesh rup se alasya ko dur karne men upyogi. man - mahilaon men stan sambandhi vikaron men sahayak. dhan - tanav se mukti ke lie mansik santras dur karne men upyogi . ain- vat nashak, rakt chap, rakt men kolestrael, murcha adi asadhya rogon men sahayak. dvan - kan ke samast rogon men sahayak. hrin - kaf vikar janit rogon men sahayak. ain - pitt janit rogon men upyogi. van - vat janit rogon men upyogi. shun - anton ke vikar tatha pet sanbandhi anek rogon men sahayak . hun - yah bij ek prabal entiboytik siddh hota hai. gal blaidar, apach, likoriya adi rogon men upyogi. an - pathri, bachchon ke kamjor masane, pet ki jalan, mansik shanti adi men sahayak is bij ka satat jap karne se sharir men shakti ka sanchar utpann hota hai.