karj men dabe hain ya nahin tik pa raha hai paisa, in j‍yotishiya upayon se dur hogi har tarah ki tangi  

sadiyon se manush‍y ki har samas‍ya aur ulajhan ka samadhan j‍yotish se hota aya hai. shayad hi jivan ki aisi koi pareshani hogi jiska samadhan j‍yotish vidya men na ho. j‍yotish ki madad se har pareshani ka ghar baithe hi hal ho sakta hai. vahin agar ap arthik pareshaniyon se jujh rahe hain ya paison ki tangi ho rahi hai ya karj men dabe hue hain, to ye sabhi samas‍yaen j‍yotish ki madad se dur ho sakti hain.

kundli men grahon ki sthiti ki vajah se v‍yak‍ti ko jivan men paison ki tangi ho sakti hai ya v‍yapar ya naukri karne par paisa tikta nahin hai ya karj badhta ja raha hai. agar ap arthik tangi lane vale grahon ke bare men gahrai se janna chahte hain to future point se online astrology course kar sakte hain. har v‍yak‍ti ke jivan men arthik sthiti par grahon ki sthiti ka prabhav rahta hai. janie ki kundli men kin grahon ka asar arthik sthiti par hota hai.

arthik kshetra par grahon ka prabhav

v‍yak‍ti ki arthik sthiti aur sanpan‍nata se j‍yotish bahut j‍yada juda hua hota hai. kundli men dhan ke lie jim‍medar kuch karkon ke bare men yahan bata rahe hain :

• kundli ka dusra bhav ay, dhan ke pravah aur sva-arjit vittiya samriddhi ko darshata hai.
• chautha ghar proparti, jamin, paitrik sanpatti aur vahan ka karak hai.
• pancham bhav achanak labh, lotri, khel aur satte adi ko darshata hai.
• jan‍makundli ke sap‍tam bhav se v‍yaparik yatra ka pata chalne men madad milegi.
• ash‍tam bhav se s‍tok, dhan aur sasural paksh se milne vale labh evan sanpatti ki jankari milti hai.
• navam bhav ki majbuti se pata chalta hai ki v‍yak‍ti ko kitni asani se vittiya labh milenge.
• g‍yarhven bhav ke adh‍yayan se pata chalta hai ki dhan labh kam hoga ya j‍yada aur arthik shanti kitni rahegi.

kundli ka dhan bhav

jan‍makundli ke dasure bhav ko sanpatti aur arthik santulan ke lie jim‍medar mana jata hai aur ise dhan bhav ke nam se jana jata hai. is ghar men baithe grah, uski majbuti se arthik sthiti ka pata lagaya jata hai. dusre bhav ke alava 11van, chatha aur 10van bhav bhi dekha jata hai. in bhavon ka v‍yak‍ti ki arthik sthiti aur sanpan‍n hone par bahut asar padta hai.

v‍yak‍ti ki kundli men chandrama aur brihas‍pati samriddhi ka pramukh karak hote hain. shukra grah lag‍jari aur aisho-aram deta hai. shukra ke ashirvad ke bina jivan men koi lag‍jari aur anand nahin mil pata hai.

arthik labh ke lie budh grah ko bhi bahut aham mana jata hai. budh ki sahi sthiti hone se v‍yapar men arthik saflta aur labh milta hai. yadi kundli men budh uch‍ch ka ho to arthik sthirta bani rahti hai. v‍yak‍ti ke jivan men kitni sanpan‍nata rahegi, yah grahon ki sthiti aur majbuti par nirbhar karta hai.

arthik pareshaniyan lane vale grah

mangal : karj aur dhan sanbandhi pareshaniyan lane men mangal ko pramukh grah mana gaya hai. iska chathe, athven, aur dasven bhav se sanbandh hone par v‍yak‍ti adhik at‍mavish‍vas rakhta hai aur murkh ban jata hai. v‍yak‍ti dhan ke mamle men galat nirnay leta hai jisse uski arthik sthiti ko nuksan pahunchta hai. chathe bhav men mangal ke hone se karj men badhottari hoti hai.

rahu : chaya grah rahu rahas‍yamayi grah mana jata hai. yadi rahu shubh grah men baitha ho to isse v‍yak‍ti ko har tarah se dhan labh hota hai aur vah karj men nahin dabta hai. halanki, rahu ke ashubh ghar men hone par kuch samay ke lie karj aur v‍yak‍ti arthik rup se kamjor ho sakta hai.

shani : yah grah kundli men jahan bhi baithta hai, lanbe samay tak rahta hai aur pareshaniyan paida karta hai. shani ka prabhav v‍yak‍ti ki arthik sthiti, sehat, kariyar, v‍yapar, shiksha, vivah aur kanuni maslon par rahta hai.

arthik pareshaniyan dur karne ke upay

yadi apke jivan men paison ki tangi ho rahi hai ya mehanat karne ke bad bhi dhan nahin a raha hai ya paisa ata to hai lekin tikta nahin hai, to kuch j‍yotishiya upay apki madad kar sakte hain.

karj men dabe hue hain to har manglvar ko hanuman mandir jaen aur hanuman chalisa ka path karen. isse ap kisi bhi tarah ki arthik pareshani se lad paenge aur apke jivan men sukh-shanti ka agaman hoga. manglvar ko mansahar ka sevan na karen.

lon aur karj se muk‍ti pane ka ek aur upay hai roj subah surya dev ki upasna karna. roj subah surya namas‍kar karte hue jal chadhaen aur un nam: shivay ka 100 bar jap karen. surya saflta aur shanti ko darshata hai islie is grah ki puja karne se arthik sthirta men sudhar lane men madad milti hai.

bhagvan kuber ko prasan‍n karne se jivan men kabhi-bhi dhan ki kami nahin hoti hai. kuber devta ki puja karen aur unka ashirvad len. tijori ya lokar ko ghar ki dakshin-pashchim disha men rakhen. uttar disha ko kuber devta ka marg mana jata hai aur is disha men tijori ka darvaja khulne ka matalab hai ki apko kabhi dhan ki kami nahin hogi.

apne aspas ki jagh‍ evan ghar ko saf-suthra rakhen. bekar ki chijon ko ghar men jagah na dene se karj se muk‍ti pane men madad milti hai.

manglvar ke din hi apne lon ki pahli kish‍t ka bhugtan karen.

ghar se niklte samay kapur aur desi ghi ko milakar mathe par lagaen.

dhan labh ya dhan ke agaman ke lie lokar ke samne hi shisha lagaen.

ghar ke pujan s‍thal men man laksh‍mi ki tas‍vir lagaen aur din men do bar unki puja karen. jivan men dhan sukh ke lie unki aradhna karen.

ghar ki striyon ko man laksh‍mi ka rup mana jata hai islie unka adar karen aur un‍hen sam‍man den.

apne ghar men tulsi ka paudha jarur rakhen aur roj uske age ghi ka diya jalaen.

pratyek shukravar ko bhagvan vishnu ko shankh se jal arpit karen. isse lakshmi ji atyadhik prasann hoti hain.

devi lakshmi ko prasann karne ke lie pratidin snan ke bad mathe par kesar ka tilak lagaen.

ghar ki stri ko pratidin subah mukhya dvar par pani se bhara ghada fenkna chahie. yah dhan ko apke ghar men pravesh karne men madad karta hai.

arthik samasyaon ko dur karne ke lie pratyek budhvar ko gay ko hari ghas khilaen.

tin avivahit ladkiyon ko khir khilaen aur unhen ek mahine ke lie har shukravar ko kuch paison ke sath pile rang kapde bhent karen. isse devi lakshmi prasann hoti hain aur apke ghar men vas karti hain.