prem sambandh aj ke adhunik yug ka aham hissa ban chuka hai. aj ke yug ki takniki upalabdhata, vicharon ka khulapan, adhunik laifastail, pashchatya sanskriti ka bolbala, yuvaon v yuvtiyon ke vidyalon, kolejon v karya sthalon par nazdiki sambandh adi sabhi prem sanbandhon ko barhava dete hain. yadi sahi maynon men yah prem sambandh ho to yah ek atyant shubh v amulya rishta hai parantu yadi yah keval mauj masti v vilasita ka sadhan ho to yah apko gart men dhakel sakti hai.
yadi prem prasang sachcha v gahra ho to premi yugal shadi ke bandhan men bandhne men samay nahin lagata par yadi yah keval mauj-masti ka tarika ho to kai yuvaon ko prem sambandh ke tut jane ki vyatha ko bhi jhelna parta hai. ho sakta hai, ap apne prem sambandh men ganbhir n ho par apke premi apne prem sambandh ko lekar atyant ganbhir ho ya thik iska ulat bhi ho sakta hai. aisi sthiti men kya hoga ? prem sanbandhon ka bich men tut jana ya brekap ho jana kai bar yuvaon ko dipreshan ki sthiti men bhi bhej deti hai. vyakti jivan ke prati udasin ho jata hai or kai bar atm hatya jaise kukarm bhi kar baithta hai. kai yuva sharab, drags or anya nashon ka shikar bhi hote dekhe gae hain.
kya jyotish shastra prem sanbandhon ke mamlon men kuch madad kar sakta hai? kya jyotish yuvaon ko brekap hone ke bad prapt dushparinamon se bacha sakta hai? kya jyotish apko pahle se hi apke premi ke dhokhe ke bare men agah kar sakta hai?
in sabhi ka javab nishchit taur par han, hai !
prem sambandh or jyotish
jyotish shastra apke prem sanbandhon ki ganna sugmta se kar sakta hai. kundli ka panchvan ghar prem sanbandhon ka ghar hai. is bhav ki gahrai se janch apke prem sanbandhon se judi sabhi jankari deti hai. is par kaise grahon ka prabhav hai ? panchven bhav ke svami ki kya sthiti hai ? kaun se grahon ke sath panchve bhav ka svami sambandh bana raha hai ? kaun se bhav ke svami panchven bhav ya uske svami se sambandhit hain adi.
brekap ke lie, grah bhi jimmedar hote hain. kisi bhi prem sambandh ka tutna, grahon ki dasha par nirbhar karta hai. grahon ke gochar v dasha prabhav ke karan hi prem sambandh aksar tutte aur jurte rahte hain. yah bilkul bhi zaruri nahin ki apka prem sambandh ho hi, kai bar ap kisi ke prati akarshit mahsus karte hain par asal men prem sambandh men nahin hote. kundli ka gyarhvan bhav is sthiti ko darshata hai.
prem sanbandhon par grahon ka dushprabhav
surya ko krur grah mana gaya hai aur yadi yah panchve ya satven bhav par apni upasthiti ya drishti se prabhav dale to vyakti ke prem sambandh ya to bante hi nahin aur yadi ban jaen to thahrte nahin. surya ke prabhav men vyakti prem vivah men kabhi bhi apne partanar ko mahatva nahin deta. aur ve donon kabhi bhi ekamat nahin ho pate aur sambandh viched ki or agrasar ho jate hain.
pranay sanbandh ya vaivahik jivan men bhi rahu aur ketu bhari uthl-puthal macha sakte hain. ye donon achanak hi apna prabhav dikhate hai. ye donon hi papi grah hain or yadi kundli men ashubh sthiti men ho to rishton men bhram paida kar dete hain. kyoki ye donon chaya grah hai to keval bhram hi de dete hai jo achche bhale rishte men galtfhmiyan paida kar deta hai. aisi baton par laraiyan ho jati hai jinka koi matalab hi nahin hota. inko bhi anayas hi vichched ka karan mana gaya hai. kundli men chandra v shukra ki yuti ya paraspar drishti sambandh bhi prem sanbandhon men dhokha deta hai.
prem sanbandhon men badha pahunchane vale grahon ka samay se pata lagana chahiye aur upay karne chahiyen. shani grah ko bhi shant rakhna bahut avashyak hai. shani apni ashubhta se prem sanbandhon men vyavdhan utpann karte hain. panchven bhav par shani ke prabhav se vad-vivad aur sambandh vichched jaisi sthitiyan ban sakti hain.
jyotish ke anusar brekap ke yog
jyotish shastra, kundli men nihit prem sanbandhon ke yogon ka atyant gahnta se adhyayan karta hai. jaisa ki bataya gaya hai ki kundli ka panchvan bhav prem sanbandhon ko darshata hai. yadi kisi jatak ki kundli men panchvan bhav, ashubh ya papi grahon se pidit hai to use prem sanbandhon men mushkil ati hai. prem sambandh achanak se kashtadayi ho jate hai. mansik shanti bhang ho jati hai or mastishk kisi karya men nahin lagta hai. ashubh grahon ka prabhav man men anek bhram v galtfhmiyan paida kar deta hai. kabhi kabhi bhram itna fail jata hai ki lav rileshan tutne ki naubat a jati hai.
jyotish men mukhyatah brekap ke lie surya, mangal aur shani grah ko doshi bataya gaya hai. ye sabhi ashubh grah hai aur prem sanbandhon ke hit men nahin hote. yadi inme se koi bhi grah bali hokr, panchven bhav par apna prabhav dalta hai to prem vichched hone ka yog banta hai. panchven ke sath sath santvan ghar bhi anya logon se hamare sanbandhon ko darshata hai. yadi santvan ghar bhi pirit ho to vyakti ke bahri duniya se sambandh achche nahin rahte.
mangal grah yadi pap prabhav men ho ya nirbal ho to yah prem sanbandhon men shubh parinam nahin lata. mangal ek krodhi pravritti ka grah hai aur kharab mangal krodh, ahankar v kashayon ki vriddhi karta hai. aise vyakti kisi ki nahin sunte aur keval apni manmani karte hain. inhen apne premi ke bhavon v khushi ka khyal nahin rahta. ye bas apne tak hi simit hote hain aur apne bare men hi sochte hain. isi karan aise logon ka pyar ka rishta brekap ki taraf barh jata hai.
shani bhi avsad utpann karta hai aur iski drishti bhi vyakti ko udasin v chirchire svabhav ka banata hai. aisa vyakti ekant pasand karta hai aur apne partanar se vimukh ho jata hai. har choti bat aise vyakti men nakaratmak vichar paida kar deti hai aur vah apne partanar se adhikatar rutha hi rahta hai. isse prem sanbandhon men jhagde hone lagte hain aur bat jyada bigrne par brekap ho jata hai.
prem vichched yog ke banne par upay
kundli men ashubh grahon ke prabhav se yadi apke prem sambandh n tik pa rahe ho to ap nimn upay kar sakte hain-
- sabse pramukh grah hai, mangal. mangal ka ashubh ho jana prem sanbandhon ke tutne ka sabse bara karan hai. mangal krodh v nakaratmakata ke karan premi yugal men vad-vivad karvata hai. ve ek dusre ki bat samajh pane men asamarth hote hain. mangal ko shant karne ke lie, lal masur v lal kapde ka dan karna chahie. hanuman ji ki puja v hanuman chalisa ka path karna chahie.
- surya bhi prem sanbandhon men katuta lata hai. apne ahankar ki vajah se partanar apke sath samanjasya nahin baitha pata aur kabhi bhi samne vale ke samne nahin jhukta. surya ke dushprabhav men hone se apke ghar ke bare bhi, apke prem sambandh ke lie razi nahin hote. isse prem vichched ho jata hai. yah ek prem vichched yog ka nirman karta hai. ravivar ke din suryoday ke samay surya dev ko jal arpit karna chahie. surya ghar ke buzurgon aur pita ka karak hai. unka ashirvad prapt karen aur surya ko shubh prabhav dene ke lie manaen.
- shanivar ke din shani dev ki puja karen aur shani se judi chizen jaise kale til, kali urad dal, sarso ka tel, kale vastra, chamra, jute, chata adi ka dan karen.
- yah bahut zaruri hai ki in grahon ko shant rakha jae. bhagvan shiv aur bhagvan ganesh ji ki puja kar sakte hai.
yadi ap uchit samay par upay karte hain to ap apne prem sanbandhon ko sugmta se bacha sakte hain. in upayon se apsi matbhed samapt ho jate hai aur ek mazbut rishte ki ninv rakhi jati hai jo age jakar vivah bandhan men parivartit ho jati hai.