janen kab shuru ho raha hai pitri paksh, shraddh men is tarah karen tarpan aur in chijon se rahen dur  

anant chartudshi ke bad pitri paksh ki shuruat hoti hai. pitri paksh ko shraddh ke nam se bhi jana jata hai aur shraddh 16 dinon ke hote hain. is sal pitri paksh 10 sitanbar se shuru hokar 25 sitanbar tak chalenge. hindu dharm men is samay ka bahut j‍yada mahat‍v hai k‍yonki in dinon men log apne pitron ko yad karte hain aur unka tarpan karte hain.

pitri paksh men hindu dharm ke log kai tarah ki ritiyan karte hain. hindu dharm ke shas‍tron ke anusar apne purvajon ko shraddh ke dinon men yad kiya jata hai aur kamna ki jati hai ki unki at‍ma ko shanti mile aur parivar par unka ashirvad sadaiv bana rahe. in dinon men purvajon ke lie kiya gaya dan,  puja aur ritiyon ka bahut mahat‍v hai. apne mrit purvajon ka ashirvad lene ke lie yah bahut saral tarika mana jata hai.

pitri paksh pujan vidhi

apne mrit purvajon ko sam‍man dene ke lie yah parva manaya jata hai. is din pure man se purvajon ko yad kiya jata hai. shraddh paksh ki pujan vidhi is prakar hai :

• chandra kailendar ke anusar jis purvaj ki mrit‍yu jis tithi ko hui thi, unka shraddh ya tarpan pitri paksh ki usi tithi ko kiya jata hai.
• puja karne vale vyakti ko darbha ghas se bani anguthi dharan karni hoti hai.
• tithi vale din s‍nan karne ke bad pujan s‍thal men baithen. aspas ka mahaul shant hona chahie.
• iske bad apne pitron ka s‍maran karen.

• ab donon hathon men jal ya gangajal lekar use bhog ke charon or ghumaen aur fir ek pani ke lote men dal den.. ise pind dan kahte hain.

• is din sat‍vik bhojan ka pitron ko bhog lagaya jata hai. pind dan men lagae gae bhog ko gay, kutte, kauae ya chintiyon ko khila den.
• havan kund ki agni men bhojan ko arpit kar ke bhi purvajon ko yad kar sakte hain.
• ab brahman ko bhoj karaen aur dakshina den.
• donon hathon ko jodakar pitar ki muk‍ti ki kamna karen aur unka ashirvad len.
• pitri paksh men dan-pun‍y ka bahut mahat‍v hai.

pitri paksh ka mahat‍va

bharat men har sal pitri paksh manae jate hain. yah hindu panchang ke anusar chaturmas men ata hai. kivdanti hai ki shraddh ke dinon men mrit at‍maen muk‍ti ke lie ghumti hain. apne pitron ki at‍ma ki shanti ke lie shraddh ya tarpan karne ka rivaj hai. yah bhi kaha jata hai ki shraddh ke dinon men yamraj at‍maon ko apne parivar ko dekhne ke lie bhejte hain. parivar ke logon dvara mrit v‍yak‍ti ka tarpan karne se unki at‍ma ko shanti milti hai aur ve apne s‍than par vapis laut jate hain. apne purvajon ko sam‍man dene aur un‍hen yad karne ka yah ek tarika hai. yah shok avdhi ashvini mahine men krishn paksh ya purnima tithi ya purnima ke din shuru hoti hai.

pitri paksh 2022 ki tithi

10 sitanbar yani ravivar ko bhadrapad shuk‍t purnima ko purnima shraddh hai.

10 sitanbar shanivar ko ashvin, krish‍n pratipda tithi ko pratipda shraddh hai.

11 sitanbar ravivar ko dva‍itiya shraddh hai.

12 sitanbar, somvar ko tritiya shraddh hai.

13 sitanbar, manglvar ko chaturthi shraddh hai.

14 sitanbar budhvar ko panchmi shraddh hai.

14 sitanbar budhvar ko mahabhrni hai.

15 sitanbar guruvar ko shash‍thi shraddh hai.

16 sitanbar, shukravar ko sap‍tami shraddh hai.

18 sitanbar, ravivar ko ash‍tami shraddh hai.

19 sitanbar, somvar ko navmi shraddh hai.

20 sitanbar, manglvar ko dashmi shraddh hai.

21 sitanbar, budhvar ko ekadshi shraddh hai.

22 sitanbar, guruvar ko dvadshi shraddh hai.

23 sitanbar, shukravar ko trayodshi shraddh hai.

23 sitanbar, shukravar ko magh shraddh hai.

24 sitanbar, shanivar ko chartudshi shraddh hai.

25 sitanbar, ravivar ko sarva pitri amavas‍ya hai.

pitri paksh ke niyam

ghar ya parivar ke purush hi purvajon ka tarpan ya shraddh karm karte hain. amtaur par parivar ka bada beta yah karya karta hai. pitri paksh ke din nahane ke bad v‍yak‍ti dhoti pahnta hai aur kush ghas se bani anguthi pahnta hai. hindu shas‍tron ke anusar kush ghas karuna ka pratik hai aur purvajon ka ahvan karne ke sadhan ke rup men prayog ki jati hai.

pinddan yani til, chaval aur jau ke ate se bane gole chadhane ki paranpra hai. pitri paksh ke anushthan pujari ya pandit ke batae anusar ya unki maujudgi men hi kie jate hain. iske bad, 'darbha ghas' namak ek anya pavitra ghas ka upyog karke bhagvan vishnu ka ashirvad liya jata hai. mana jata hai ki darbha ghas ka upyog kisi ke jivan men badhaon ko dur karta hai.

pitri paksh ki tithi par pitron ko bhog lagane ke lie vishesh rup se bhojan taiyar kiya jata hai. is bhojan ka ek hissa kauve ko arpit karne ki pratha hai, kyonki kauve ko bhagvan yam ka dut mana jata hai. yadi kaua bhojan karta hai to yah ek shubh sanket mana jata hai. iske bad, brahman pujari ko bhojan karaya jata hai aur anush‍than karne ke lie un‍hen dakshina di jati hai. in sabhi anushthanon ko pura karne ke bad parivar ke sadasya ek sath baithakar bhojan karte hain.

pitri paksh ke dauran, pavitra hindu shastron jaise agni puran, garud puran aur ganga avtaram aur nachiketa ki vibhinn kahaniyon ko padhne ki atyadhik anushansa ki jati hai.

pitri paksh men in karyon ko karne se bachen

• pitri paksh ka samay kisi bhi nai shuruat ya nae karya ke lie anupyukt mana jata hai. islie is avdhi ke dauran koi nai gatividhi ya udyam shuru karna pratibandhit hai.
• is samay log nae kapde kharidne ya pahnne se bhi parhej karte hain. pitri paksh ke dauran bal dhona aur katna ya hajamat banana bhi nishiddh hai, khasakar shraddh ke antim din yani mahalay amavasya par.
• iske alava pitri paksh men pyaj, lahsun ya mansahari bhojan karne ki bhi sakht manahi hai.
• khagoliya ganna ke anusar, vivah, bachche ke namakaran samaroh ya nae ghar men pravesh jaise shubh karyakram bhi in dinon men nahin karne chahie.
• pitri paksh ke 16 dinon men nakhun katne se bhi bachna chahie.