yantra raj shri yantra  

yantra raj shri yantra pan. vijay kumar sharma bharat ekmatra aisa desh hai, jahan manav man ke sabhi pakshon par gahra adhyayan aur shodh kiya gaya hai. vishesh rup se achetan man ki chetan shakti ko sabse pahle bharat men hi pahchana gaya. is kram men bhinna-bhinn karyon ki siddhi ke lie vibhinn yantron ki sadhna ki sashakt vidhiyan avishkrit ki gai hain. aj vaigyanik, samajshastri, manovaigyanik sabhi achetan man ki chipi gurh shaktiyon ka mahatva khule dil se svikar karte hain. shastron ke anusar mantra shakti dhvani vigyan par aur tantra adharit kriya kalapon ya karm par hai. yantron ka adhar akriti vigyan hai. hamari ankhen jo kuch bhi dekhti hain, uska sidha prabhav hamare tan, man aur vatavaran par parta hai. bharat men anek prakar ke yantra prachlit hain. inmen shri yantra sarvopri evan sarvadhik mahatvapurn hai. is yantra ke vishay men pashchim ke suprasiddh rekhagnitagya sar eleksi kulchev ne adbhut evan rochak tathya prastut kie hain jo iski mahatta ko aur adhik pusht aur pramanit karte hain. is yantra ki sanrchna bari hi vichitra hai. ise apalak dekhte rahne se yah chalta hua sa pratit hota hai. ismen chitrit vibhinn akritiyan bhi chalti hui pratit hoti hain. shri yantra ke labh: shri yantra ko dhandata aur sarvasiddhidata kaha gaya hai. shri yantra ki rachna tanbe, chandi ya sone ke patra par ya sfatik par ki ja sakti hai. shastron ke anusar sfatik ya svarnapatra par shubh muhurt men ankit shri yantra sarvotkrisht hota hai. yah ek atyant chamatkari yantra hai. kintu iske chamatkari falon ka labh lene ke lie jaruri hai ki iski rachna shubh samay par ho, ismen rekhankan shuddh ho aur iski sadhna vidhi vidhan ke sath nishthapurvak ki jae. shri yantra ki pran pratishtha karke uski puja pratidin karni chahie. isse ghar men sukh, shanti bani rahti hai, daridrata dur rahti hai aur dukhon, kashton ka ant ho jata hai. shri yantra ki puja karte samay nimnalikhit mantra ka jap karna chahie. ¬ shri hrin shri kamle kamlalye prasid. prasid shrin hrin shri ¬ mahalakshmyai namah . is mantra ka keval 5 mala jap karne se lakshmi ki prapti hoti hai. lakshmi prapti ka dusra mantra nimn prakar hai. aj ke is yug men jiske pas paisa hota hai. uske sabhi dost aur nate rishtedar hote hain. bina paise admi ki kahin bhi kadra nahin hoti hai. kyonki ‘‘ban jate hain rishtedar, sare jab paisa pas hota hai. tut jata hai garibon men har rishta, jo khas hota hai.’’ islie lakshmi ki kripa pane ke lie v apni har jarurat ko pura karne ke lie rupya ati avashyak hai. lakshmi kabhi bhi ek sthan par nahin tikti yah aj kisi ko lakhpti banane men saksham hai to dusri or usko khakpti bhi bana sakti hai. ¬ hrin shrin ashtakarni namoastute ¬ ¬ ¬ svaha. ya ¬ lakshmi van, shri kamla dharan svaha. yah ghantakarn lakshmi prapti mantra hai. is mantra ka niyamit rup se 11 mala jap karne se lakshmi ki vishesh kripa prapt hoti hai. ismen shri yantra ki puja lal ful, laddu, nariyal adi se karni chahie. vyavsayiyon, dukandaron adi ko shri yantra ki vidhivat pran pratishtha kar use apni dukan men vidhipurvak sthapit karna chahie, vyapar men unnati hogi. kai vyavsayiyon ko din-rat mehanat karte rahne par bhi kai bar ghata ho jata hai. aise men unhen shri yantra ki sthapna purva athva uttar disha men karni chahie, labh hoga. vidhivat pran pratishtha kar sthapit kie gae shri yantra ke matra darshan kar lene se hi sabhi kasht klesh dur ho jate hain. kisi bhi kam par jate samay, koi naya vyapar aranbh karte samay, ya kisi bhi parti ya partanar se sajhedari hetu len-den karte samay shri yantra ko pranam karna chahie. jo manushya lakshmi ki kamna karta ho ya ghar men sanpannata dekhna chahta ho athva daridrata adi ko khatm karna chahta ho use dainik kriya-kalapane se nivritt hokar pavitra man se shriyantra ke sammukh agni men gay ke dudh ka havan aur lakshmi ke mantra ka jap karna chahie. agar vah pratidin roj ek mala ka havan kare to use lakshmi ki prapti hogi. lakshmi ji dhan, riddhi-siddhi tatha aishvaryadayini hain. unki kripa ki prapti ke lie shri yantra ki vidhivat pran pratishtha kar uski niyamit puja archana karni chahie. s shukla paksh ke kisi bhi din shubh muhurt men shri yantra ke sammukh baithakar kamalagatte ki mala se ¬ shri hrin shrin kamle kamlalye prasid prasid shri hrin shrin ¬ mahalakshmyai namah ka ek mala jap kar goghrit ghi ki 51 ahutiyan havan men dalni chahie. isse ghar men dhan ka agaman bana rahta hai. parivar par agar kisi tantrik dvara koi prayog kiya gaya ho ya koi vastu dosh athva pitri dosh ho, to shri yantra ki vidhivat pran pratishtha karne se dur ho jata hai. shri yantra ki puja niyamit rup se karni chahie aur puja karte samay yantra ke upar itra adi ka chirkav karna chahie tatha dhup, dip, naivadya arpit karne chahie. itra ki shishi se thora itra apne kapron par lagakar kahin bahar jana chahie. isse rojgar men vriddhi hoti hai. shri yantra ko siddh karne ki vidhi: shri yantra ek atyant chamatkari yantra hai. yantra ka shodhan itna saral nahin hai. yantra anginat hain, lekin yantraraj keval shri yantra hai. shri yantra keval dhan prapti men hi nahin balki anek rogon ke shaman men bhi sahayak hota hai. shri yantra banvane ke lie sarvapratham ‘shri’ yantra ke lie 2 g 2 ka samatal patra agar chandi ya sone ka hai to sunar se banva len aur agar tanbe ka hai to kisi taner se katva len. ab is plet ko tanbe ya chandi athva sone ki ho is plet par ‘shri yantra ki di akriti ke anusar utkirn karke ‘shri’ yantra taiyar hone par svayan ya fir kisi suyogya brahman se iska shodhan karva lena athva kar lena chahie. shodhan ke bad kram se sankalp, rishyadinyas, karanyas, hridyadinyas, padanyas, dhyan aur havan karna chahie. bij mantra: ¬ shri hri shri kamle kamlalye prasid prasid shri hrin shri ¬ mahalakshmyai namah . sanput: ¬ durgesmrita haris bhitimshesh jantoah. svasthaiah smrita matimtiv shubhan dadasi.. daridrya duahkh bhay harini katvadanya. sarvopkar karnay sadardra chita.. is bij mantra ka 21000 se lekar sava lakh bar jap kiya ja sakta hai. jap ke pashchat dashansh havan, dashansh tarpan aur dashansh marjan avashya karna chahie. shri yantra ka is tarah vidhi vidhan se shodhan kar uske mantra ka jap, tap, havan, tarpan, marjan adi karne se yah siddh ho jata hai aur jatak ko kisi chij ka koi abhav nahin rahta. us par mahalakshmi ki chatrachaya sadaiv bani rahti hai aur vah sabhi prakar ke dukh, shok, kalah, klesh, pitri dosh, nagdosh, vastu dosh adi se mukt ho jata hai. shri yantra ki rachna bhojapatra par bhi ki ja sakti hai. prachin rajaon, maharajaon ke ghar men rishi-muni bhojapatra par hi yantra banate the aur vah atyadhik prabhavshali hua karte the. bhojapatra par bane shri yantra ko lakshmi prapti ke lie ramban mana gaya hai. shri yantra mahalakshmi ka sarvapriya yantra hai. dhan ki vriddhi men yah mahinon ka kam ghanton men kar deta hai. yah yantra rank ko raja bana sakta hai. shri yantra vahan, dukan, makan, vyavsayik sthal ya ghar men sthapit kiya ja sakta hai. yah jatak ke purva janm ke papon ko bhi nasht kar deta hai.