shri yantra : svarup aur sadhna  

shri yantra: svarup aur sadhna pan. nirmal kumar jha shriyantra jaisa ki nam hai shri arthat lakshmi ji ka yantra hai jiski sadhna se sadhkon ko bhukti, mukti, aishvarya sabhi prakar ke vaibhvon tatha lakshmi ki kripa ki prapti hoti hai. iski sthapna, upasna se nirdhanon ke ghar men bhi lakshmi ka agaman hota hai. shri vidya ke yantra ko shri yantra kaha jata hai. ismen shri shabd ka prayog hua hai jo shri vidya ka suchak hai. yantra ka tatparya chakra se hai. yah chakra brahmand ka pratik hai. is yantra par brahmasvarupini adi prakriti svarupa shri vidya vachak tripur sundri ka grih yantra hai. shri yantra ka rup manohari aur chittakarshak hai. iske madhya men ‘bindu’ aur sabse bahar bhupur hai. bhupur ke charane or char dvar hote hain. iski rachna do-do trikonon ke paraspar milan se hoti hai. atah nau trikon hote hain. adhomukhi trikon ko shakti yantra aur udhrvamukhi trikon ko shiv yantra kahte hain. panch adhomukhi trikon, jo shakti yantra hain, is prakar hain- shakti trikon, ashtar, antardashar, bahirdashar aur chartudshat. udhrvamukhi trikon, jo shiv yantra hain, ve is prakar 4 trikon hain bindu, ashtadal, shodashadal aur bhupur (chatus). ye tejatrayatmak rup hain. bindu nad aur kala rup se bhi tripur hain. ichcha (vama), jyeshtha (gyan) aur kriya raudra rup se bhi trayatmak hain. shri chakra aur sharir chakron ka samanvay hai. brahmarandhra men sthit mahabindu sahasrar hai. is prakar shrichakra aur sharir ke kundlini chakra men samanta purnataya parilakshit hoti hai. yah chakra nikhil brahmand ka bhi suchak hai. shri yantra ka bij mantra hai ¬ shrin hrin klin hrin shri mahalakshmyai namah. is mantra ka ek lakh atharah hajar bar jap karne par shri yantra siddh ho jata hai. iske bad jab kabhi yantra ko upyog men laya jata hai to ukt mantra ka 1008 bar jap, 1008 bar havan aur 11 bar tarpan tatha marjan kiya jata hai. dhyan rakhne ki bat hai ki sari kriyaen ek baithak men honi chahie. taduprant brahman ko bhojan karana chahie. yah yantra sona ya chandi ki plet par banaya jata hai. ise gardan men laeket banakar tatha anguthi men likh kar pahna jata hai. dhyan rahe ki is yantra ki sabhi rekhaen ek saman hon. yah yantra ratri men kadapi n pahnen. puja tatha nitya upyog ke lie kunkum ya sindur se iski rachna karni chahie. yadi kisi ratn par is yantra ko banana ho to ratn ek se char tole ke bich hona chahie. puja ke samay bhumi par bhi sindur ya kunkum se shri yantra banaya ja sakta hai. yadi kisi karan shri yantra ghis jae ya gum ho jae ya chori ho jae to bij mantra ka das hajar bar jap karna chahie. yadi yantra ki rekhaen kal kram men dhumil ho jaen to is yantra ko jal men pravahit kar dena chahie. is yantra ki sthapna suryaeday ke purva puja sthal ya mandir men ki jati hai. yantra dhatu ya sfatik ka hona chahie aur vah udhrva ho. yantra par kesar tatha sugandhit lal pushp (kamal, gulab adi) arpit karne chahie aur purvaeÿar kon men ghi ka dipak jalana chahie. ise pahnne ya sthapit karne se pahle nimnokt mantra se pran pratishthit avashya kar lena chahie. mantra- ¬ shrin hrin shrin kamle kamlalye prasid prasid hrin shrin ¬ mahalakshmyai namah. iske bad shri sukt ka path nitya karna chahie. isse dhan, aishvarya, vaibhav, sukh-samriddhi, svasthya adi ki prapti hoti hai. rashi ke anusar shri yantra dharan karne ki vidhi mesh tatha vrishchik rashi men janm lene vale logon ko yah yantra gangajal, dudh tatha masur dal tinon ko mishran se upar varnit vidhi se abhimantrit kar dharan karna chahie. vrish tatha tula rashi vale log akshat (chavl) ko dudh men rakhakar yantra ko abhimantrit karen tatha apne isht devta ka dhyan karen. mithun tatha kanya rashi vale log dudh men shakkar tatha mung milakar is yantra ko abhimantrit karen. kark rashi vale jatak dudh, chini tatha chaval ko milakar ise abhimantrit karen. sinh rashi vale log dudh, chane ki dal tatha kamal ke ful milakar is yantra ko abhimantrit karen. dhanu tatha min rashi vale jatak dudh men pit pushp milakar is yantra ko abhimantrit karen. makar tatha kanubh rashi vale log dudh men urad tatha nil pushp aprajita dalakar ise abhimantrit karen. is yantra ki sadhna se bhautik avashyaktaen puri hoti hain. sath hi iske ghar men rahne se shatruon dvara kie gae abhicharik tantra-mantra nishfal ho jate hanai. aj is yantra ko sabhi dharm ke log apna rahe hain. is yantra ki niyamit puja se jatak ko rin se mukti milti hai tatha usi sabhi kamnaen puri hoti hain.