laftar king – raju shrivastv  

laftar king - raju shrivastav pan. sharad tripathi hamare jivan men kuch samay aisa bhi chahie jab ham sari chinta fikra chorakar kuch manoranjan kar saken to kuch samay ko hi sahi ek santvana to milti hai. jiska ek bahut achcha sadhan hai tivi. ajakal lagabhag har tivi chainal par manoranjan ka ek khas karyakram prasarit kiya jata hai aur vah maujud hai ‘laftar program’ jo hamen hansa gudguda kar hamara manoranjan to karta hi hai, dil ko sakun bhi deta hai. is karyakram ke falasvarup hamen tanavon se thori rahat milti hai. vaise to kai kalakar is karyakram men ate hain aur sabhi ka apna ek stail hota hai. par in sabhi men alag ek aisa kalakar hai jo bare hi sahaj dhang se hamare as-pas ki ghatnaon se hi hasya nikal kar hamare samne saralatam tarike se prastut karta hai aur vah hain shahar kanpur ke shri satya prakash shrivastav urf raju shrivastav. inka janm shri ramesh chandra shrivastav (balaikaka) ke ghar 25-12-1963 ko sayan 9ah30 baje kanpur men hua. unki mata ji shrimti sarasvati devi ek gharelu mahila hain. raju shrivastav ke tin bare bhai, ek bari bahan v do chote bhai hain. unki shiksha-diksha kanpur shahar men hi hayar sekendri tak hui hai. apne skuli dinon men raju ek samanya vidyarthi the aur tabhi se ve filmi kalakaron ke abhinay evan unki avaj ki nakal karne lage the. aie in sab baton ko ham jyotishiya adhar par parkhte hain aur dekhte hain ki raju ki janm patrika kya kahti hai. koi vyakti chahe kisi bhi shahar men kisi bhi parivesh men paida hua ho, uski janm patri aur ane vali mahadshaen ye bata deti hain ki vah kitna mahan hoga kyonki aise vyaktiyon ki janmapatri alag hi dikhai deti hai. surya aur chandra jyotish men do aise pramukh grah hain jinhen raja aur rani ka darja prapt hai. in do grahon ke lagnon arthat kark aur sinh men paida hua vyakti samaj men vishisht sthan rakhta hai. isi karan in donon lagnon ko rajsi kahte hain. prastut janmang sinh lagn ka hai. is sinh lagn men surya aur chandra donon grah kramshah pancham aur navam arthat kundli ke trikon sthan men baithe hue hain jo is jatak ki mahanta aur prasiddhi ko darshata hai. pancham bhav men lagnesh surya ke sath bhagyesh aur sukhesh mangal ki yuti tatha iske sath dhanesh aur labhesh budh ki yuti donon is fal ko, rajyog ko aur barha rahi hain. raju shrivastav apne chutile hasya andaj aur nakal utarne ke lie prasiddh hain. jyotish men is chij ka pratinidhitva karne vala grah budh hai. budh vani ka bhi karak hai aur vyakti ke dvitiya bhav ko nirdeshit karta hai. is kundli men dvitiya bhav ka svami budh hai aur vah lagnesh surya ke sath pancham bhav men sthit hai. budh dhanu rashi men 270-20’ ka hai arthat vah surya ke nakshatra men aur chandrama ke up nakshatra men hai. ab yadi maharshi jaimini ke siddhantanusar dekhen to kairiyar ke liye atm karak grah (sabse adhik anshane vala) vyakti ke jivan ko sabse jyada prabhavit karta hai. prastut kundli men budh atm karak grah hai. maharshi parashar ke anusar shadbal men jis grah ko sabse jyada bal prapt hota hai vah apne svabhavanurup admi ke jivan ko prabhavit karta hai. is kanudli men budh sabse bali (shadabal men bali) grah hai. in karnon se is vyakti ke jivan men jo kuch bhi hoga vah budh ke dvara adhik hoga. ek mahatvapurn grahon ki chal is kundli men aur bhi hai jise dhyan aur gahrai se samjhna parega. dvitiya bhav ka svami budh pancham bhav arthat apne se chaturth men sthit hai. budh lagnesh surya ke nakshatra men sthit hai aur jis rashi (dhanu) men sthit hai uska svami guru apne se chaithe arthat min rashi men ashtam bhav men budh ke nakshatra men sthit hai aur dvitiya bhav ka svami rahu se drisht hai jo ekadash bhav men baitha hua hai. is tarah budh lagnesh ke nakshatra men hokar tatha lagnesh ke sath yut hokar jis rashi men baitha hai us rashi ka svami svayan budh ke nakshatra men baitha hai. atah is vyakti ko saflta budh se sanbandhit karyon se prapt hogi. raju ne pahli bar san 1981 men munbai jakar sangharsh shuru kiya parantu athak parishram v daur bhag ke bad bhi unhen koi saflta nahin mili. tab ve nirash hokar apne grih nagar vapas a gae aur yahan ke sthaniya sanskritik karyakramon men apni kala ka pradarshan karne lage. dhire-dhire yahan unhen saflta milne lagi. tab san 1982 men ve fir munbai gae aur kam ki talash shuru kar di. vahan inki mulakat gayki v kavvali ke mashhur kalakar shankar shanbhu ji se hui jinhonne protsahan to diya hi sath hi raju ko kam dilvane men bhi kafi madad ki aur dhire-dhire raju ki gari chalne lagi. raju ne manoranjan jagat men apne kairiyar ki shuruat ‘mini amitabh’ ke rup men ki. inki har ada amitabh ji se mel khati thi jaise, chalna, bolna, dans adi halanki iske lie inhonne din rat athak parishram v abhyas kiya. nirantar abhyas v prayason se raju kai anya filmi kalakaron ki avaj bhi hubhu nikalne lage aur apni manjil ki or barhne lage. aie ise ab jyeatishiya adhar par dekhte hain ki kya aur kyon hua. san 1981 men shukra men guru ka antar chal raha tha jo panchmesh bhi hai aur labhesh budh ke nakshatra men baitha hai. usne inhane gyan ke kshetra ko age barhane ke lie munbai bheja lekin 20 navanbar 1981 se jaise hi shukra men shani ka antar chala, unhen apne karya ki gahrai janne ke lie kuch dinon ko vapas ghar ana para. punah mai 1982 se jaise hi shukra, shani v budh ka pratyantar samay chala, unke sthayi karya kshetra ki shuruat ho gai. shukra dashmesh, shani shashthesh aur budh labhesh hai. san 1985 ka samay raju ke lie vishisht tha. is samay unhonne pratham bar videsh yatra ki. san 1987 raju ke jivan ka nirnayak mor sabit hua, yahin se stej sho, filmen v anya kai progam raju ko milte gae aur raju shrivastav prasiddhi ki or barhne lage. inhin dinon unhonne tivi dharavahikon men bhi abhinay kiya sarvapratham choti bari baten, dekh bhai dekh aur shaktiman jaise dharavahikon men bhi abhinay kiya. san 86-87 se hi raju ne filmi safar ki shuruat ki. unki pahli film misal thi. iske bad kai anya filmon men abhinay kiya jinmen sach, mi. ajad, katil, bajigar, ishk men jina ishk men marna, majhdhar, mainne pyar kiya, amdni athnni kharcha rupaiya, main prem ki divani hun, banbe tu gova pramukh hain. san 1987 men hi raju ka pahla elabam tarjan in siti bhi rilij hua. aur fir pratyek chah mah men ji bhar ke hanso lot pot, hansna mana hai, hansi ke thahake aur hanso hansao ke 12 kaiset rilij hue. ab is kalkhand ko jyotishiya drishti se dekhte hain. 20 janvri 1985 se 20 navanbar 1987 tak shukra men budh ka antar chal raha tha. yah samay unke kairiyar ko barhane aur karyakshetra men nae-nae avasar dilvane men sahayak hua, kyonki shukra aur budh ka film jagat, manoranjan v vani ke kshetra se bhi gahra nata hota hai. dashmesh shukra ke sath shani ki bhi yuti chathe bhav men hai. yahi shani 85-87 tak gochar men vrishchik rashi men sthit tha. yah vrishchik rashi se sidhi saptam drishti vrish rashi arthat dasham bhav par deta raha isi ke falasvarup vah apne karya kshetra men durasth deshon ki yatra bhi karte rahe. 17-05-1993 ko raju shrivastav ka vivah hua. 20-07-1994 ko putri antra ka aur 16-03-1998 ko putra ayushman ka janm hua. aie ise jyotishiya drishti se dekhen. 8 navanbar 1992 se 14 sitanbar 1993 tak un par surya men budh ka antar prabhavi tha tatha saptamesh shani kunbh rashi men saptam bhav par hi gochar kar raha tha. surya lagnesh aur budh (parivar) dvitiyesh hai. is sthiti men saptamesh ke gochar ne unhen vivah ke bandhan men bandha. surya men shukra ka samay janvri 1994 se janvri 1995 tak ka raha. surya pancham men aur shukra surya ke nakshatra men sthit hai. shukra tisre bhav (pancham se labh) ka bhi svami hai atah is dauran unhen kanya ratn ki prapti hui. unki dvitiya santan ka janm chandrama men guru ki dasha men hua. guru ka antar putra santan ka dyotak hai. guru panchmesh hai tatha chandra mesh rashi men navam bhav (dvitiya santan/pancham se pancham se panchm). is samay unhen putra ki prapti hui. san 2005 men star van chainal par ek program aya ‘laftar chailainj’ jisne raju ko prasiddhi ke shikhar tak pahunchaya. pahle to raju ne ismen shamil hone se mana kar diya tha kyonki ve ismen shamil hone vale sabhi kalakaron se siniyar the par nirdeshak gautam ji ne jab samjhaya aur bataya ki pahle amitabh ji bhi ke.bi.si. se inkar kar rahe the aur bad men yah karyakram bahut prasiddh hua. to raju man gae aur ant men vijeta bane. is program ne unhen desh hi nahin, videshane men bhi bahut khyati dilai yah vah samay tha jisne duniya men raju ko khyati dilai, rashtriya v antrrashtriya star par pahchane gae. kahte hain, bhagya se bari chij koi nahin hoti. is kanudli men bhagyesh mangal hai jo karm ke svami arthat shukra ke nakshatra men sthit hai. mangal pancham bhav (yani navam se navm) men sthit hai. is bhagyesh mangal ki mahadsha 20-01-2005 se praranbh hui isi mangal ne unhen rashtriya star par pahchan dilai. 20-1-2005 se 18-06-2005 tak mangal men mangal ka antar raha. isi mangal ne unhen hathi bhi banaya par bhagyesh ne apna fal dikhaya aur unhen yahan tak pahunchaya. 18-06-2005 se 06-07-2006 tak mangal men rahu ka antar chala. rahu ekadash arthat labh bhav men sthit hai jisne inhen apar dhan dilaya. 16-07-2006 se 12-06-2007 tak mangal se guru ka samay chala. guru panchmesh bhi hai. is kal men unhen santan ki prapti honi thi. isi dauran unhen putri ki prapti hui aur virtapurn karya ke lie u. pra. sarkar se samman prapt hua. raju ke pasandida kalakaron men mukhyatah amitabh bachchan v dilip kumar mukhya hain. kitaben parhne v sanvednshil vishyon par adharit filmen dekhne ka shauk hai. ab tak raju karib 4000 se jyada laiv aur stej sho, kar chuke hain. ane vale kuch samay men ve mashhur abhineta amitabh bachchan v abhishek bachchan, sangitkar bappi lahri adi ke sath sang stej sho karenge. raju ki ane vali nai vi.si. di (agar, magar, lekin) hai jo bahut jald apne darshakon ko lot pot hone par majbur kar degi. ishvar par raju ki purn astha hai. vah jyotish vigyan ko pura samman dete hain. nitya ishvar ka dhyan karke hi ghar se niklte hain aur samy-samay par jyotishiya salah bhi lete rahte hain. unka manna hai ki karm 60 pratishat aur bhagya 40 pratishat hota hai. vartaman samay men 12-06-2007 se mangal men shani ka samay chal raha hai jo 21-07-2008 tak chalega. mangal bhagyesh aur shani shashthesh hai. yah sthiti kam men saflta to de rahi hai lekin is dauran unhen atyadhik dimagi uljhnon, kam ke atyadhik bojh v atprayashit samasyaon ka samna bhi karna par sakta hai. mangal chunki navmesh hai aur navam bhav pita ka bhav bhi hai. 21-07-2008 se 18-07-2009 ka samay mangal men budh ka samay rahega jo unhen fir se apne karya kshetra men atyadhik labh v nam dega. surya ka svabhav raja ka hai. uska rahu se drishti sanbandh hai. lagn surya ka hai. atah age 20-01-2012 se 18 varsh rahu dasha shuru hogi is dauran vah film lain men nirdeshan karenge ya apne kshetra ke raja kahe jaenge aur vah varshon yad kie jaenge. is samay tak vah hindustan ke pahle kamedi supar star honge. surya v rahu ke drishti sanbandh se yah tay hai ki is vyakti ka kahin n kahin se rajniti men pravesh bhi hoga unhen koi rajnitik pad prapt hoga ya vah chunav maidan men bhi utar sakte hain. jyotishiya yog- raju ji ki janm patrika men kuch jyotishiya yog aise bhi hain jo purnatah ghatit hue hanai. janie, unke bare men- mahadan yog danadhipen sadrishte lagne tannayukepi va. tassimankendratrikonasthe bhadadankro bhavet.. sarvarth chintamni, an.-7, bhav-9, shlo.-45 yadi patrika men lagnesh ya lagn par navmesh ki drishti ho tatha navmesh bhi kendra ya trikon men ho to jatak dani pravriÿia ka hota hai. raju ki kundli men yah yog purn rupen ghatit ho raha hai jiske falasvarup se vah aksar dan kiya karte hain. abhi kuch hi samay purn ek ubhrte hue kriket khilari ne atmahatya kar li thi. uske ghar jakar raju ne unki mata ji ko gupt rup se kafi dhan muhaiya karaya tha. bhratri vriddhi bhratpe karke vapi shubhyognirikshite. bhave v balsanpurne bhratrinsha vardhan bhavtet.. -sarvarth chitanmni, anvm-4, shlo-16 yadi kanudli men tritiya sthan tatha tritiya bhav ka karak shubh grahon se yut ya drisht ho evan purn bali ho. shubh grah chandrama navam men baithakar tritiya bhav ko purn drishti se dekh raha hai. raju ji bhi sat bhai-bahan hain. tivrabuddhi evan tvarit nirnay yog- buddhisthanadhipasyansh rashishe shubhvikshite. vairoshikanshke vapi tivra buddhi samadishet.. -sarvarth chitanmni, anvm-5, shlo-35 yadi janm patrika men panchmesh apne navmansh men ho aur vah shubh grah se drisht ho athva vaisheshikansh men ho to jatak tivra buddhi vala hota hai. raju ki kundli men panchmesh guru apne hi navmansh men budh ke sath sthit hai. is yog ke karan unki buddhi tivra hai, tvarit nirnay lene ki kshamata rakhte h ain aur hajir javab bhi hanai.