shri sita navmi vrat pan. braj kishor sharma brajvasi param pavitra vaishakh mas men shukla paksh ki navmi tithi, pushya nakshatra, manglvar ko madhyahn kal men shubh manglik bela men santan prapti ki kamna se yagya ki bhumi taiyar karne ke lie raja janak hal se bhumi jot rahe the, usi samay prithvi se videhvansh vaijyanti janki ji ka dravya prakatya hua. bhumi par hal ke chalne se jo rekha banti hai use ‘sita’ kahte hain. atah pradurbhuta bhagvti janki sita ke nam se vikhyat huin. atah yog men kiya gaya vrat atyant punya pradan karne vala hota hai. vrat ke vishesh niyam- kisi bhi vrat ki purnata us vrat men kie gae achar-vichar aur sanyam arthat niyam se hoti hai. atah vratakarta ko chahie ki vah ashtami ko hi pratah kal shauchadi se nivriÿa ho nadi ya sarovar ya inke abhav men ghar athva kuen par snan kar sandhya-vandnadi karke devta v pitron ka vidhivat tarpan kar din men ek hi bar svalp havishyann ka bhojan kar brahmacharyadi niyamon ka palan karta hua bhagvti sita ke charnon men man-buddhi ko laga unke mangalamay nam ”shri sitayai namah“ ya ”shrisita-ramay namah“ ka uchcharan karta rahe. ratri men prithvi par shayan kare. navmi tithi ko brahmamuhurÿa men jagakar shri janki ji ka smaran kare. nitya karm se nivriÿa ho bhumi par tornadi se alankrit solah, ath ya char stanbhon ka sanudar mandap banae. mandap ke madhya men sundar chaikor vedika par parikron sahit bhagvti sita evan bhagvan shriram ki sthapna karni chahie. pujan hetu ganesh navagrahadi evan raja janak, mata sunyna, kul purohit shatanandji, hal aur mata prithvi ki bhi pratimaen sthapit karni chahie. pujan hetu pratimaen svarn, rajat, tanbe, pital, kashth ya mitti se bani ho sakti hanai. jo bhakt mansik puja karte hain, unki pujan samagri evan aradhya sabhi bhavamay hi hote hain. asan shuddhi, pranayam, achmnadi avashya karen. vidvan, brahman ke sanidhya men ya svayan hi shri sita navmi vrat ka vidhivat sankalp lekar sapatnik evan kutunbi janon ke sath svastivachan sahit niyampurvak ganesh, gauri, varunadi devtaon ka pujan kar sthapit sabhi devtaon ka tatha kishori ji ka ‘shri sitayai namah’ mantra se samathryanusar panchopchar ya shodshopchar pujan karen. ashtadal kamal men shri jankiji ki asht divya sakhiyon ka pujan bhi avashya karen. pujnoprant, ananya bhav se shri videhrajanandiniji ka param pavan, mangalamay, kalyankari janmotsav git, vadyadi sahit purjn-parijnon ke sath manaen. sarvapratham yah manglgit samvet svarse gaen- mangal mithiladham mangal mangal ho. praktin siya sukumari aju sakhi mangal ho.. mangal bajat nishan gan sukh mangal ho. vipra sumantra ucharhin dev sukh mangal ho.. mangal puri sohat dvar prati mangal ho. mangal janak lali pyari siyakar mangal ho.. mangal sakal samaj, lakhi nrip mangal ho. jay jay karat mahan, praja mud mangal ho.. itar argja chandan barasat, pur nabh mangal ho. det yachkhin dan, chah vidhi mangal ho.. as ‘brijeshvardas’ sada tav mangal ho. chir jive lali hamar nishdin mangal ho.. mangalyagitoprant devi ji ke pavitra mahatmya ki katha sunni chahie. shri videhvansh vaijyanti janki ji ki mahima ko mandit karne vali ek pavan katha yahan prastut hai- shri sita navmi ki katha marvar kshetra men ek vedvadi shreshth dharmadhurin brahman nivas karte the. unka nam devdÿa tha. un brahman ki bari sundar rupagarvita patni thi, uska nam shobhna tha. brahman devta jivika ke lie apne gram se anya kisi gram men bhikshatan ke lie gae hue the. idhar brahmani kusangat men fansakar vyabhichar men pravriÿa ho gai. ab to pure ganv men uske is nindit karm ki charchaen hone lagin. parantu us dushta ne ganv hi jalva diya. dushkarmon men rat rahne vali vah durbuddhi mari to uska agla janm chandal ke ghar men hua. pati ka tyag karne se vah chandalini bani, gram jalane se use bhishan kushth ho gaya tatha vyabhichar-karm ke karan vah andhi bhi ho gai. apne karm ka fal use bhogna hi tha. is prakar vah apne karm ke yog se dino din darun duahkh prapt karti hui desh-deshantar men bhatkne lagi. ek bar daivyog se vah bhatkti hui kaushlpuri pahunch gai. sanyogavash us din vaishakh mas ke shukla paksh ki navmi tithi thi, jo samast papon ka nash karne men samarth hai. janki navmi ke pavan utsav par bhukh-pyas se vyakul vah dukhiyari is prakar prarthana karne lagi- he sajjanon! mujh par kripa kar kuch bhojya samagri pradan karo. main bhukh se mar rahi hun- aisa kahti hui vah stri shri kanak bhavan ke samne bane ek hajar pushp mandit stanbhon se gujrti hui usmen pravisht hui. usne punah pukar lagai- bhaiya! koi to meri madad karo- kuch bhojan de do. itne men ek bhakt ne usse kaha- devi! aj to janki navmi hai, bhojan men ann dene vale ko pap lagta hai, isilie aj to ann nahin milega. kal parna ke samay ana, thakur ji ka prasad bharpet milega. parantu vah nahin mani. adhik kahne par bhakt ne use tulsi evan jal pradan kiya. vah papini bhukh se mar gai. kintu isi bahane anjane men usse shri janki navmi ka vrat pura ho gaya. ab to param kripalini dayasvarupini ne samast papon se use mukt kar diya. vrat ke prabhav se vah papini nirmal hokar svarg men anandpurvak anant varshon tak rahi. tatpashchat vah kamrup desh ke maharaj jaysinh ki maharani kam kala ke nam se vikhyat hui. jatismara us mahan sadhvi ne apne rajya men anek devalay banvae, jinmen shri janki-raghunath ki pratishtha karvai. shri janki navmi par shri janki ji ki puja, vrat, utsav kirtan karne se un param kripamyi, dayamyi shri sita ji ki kripa se hamen sabhi prakar ke sukh-saubhagya to prapt hote hi hanai, jivan ke charon purusharth dharma-artha-kam-moksh bhi purnata ko prapt ho jate hain. atah sabhi ko chahie ki niyam purvak drirh sankalp hokar is vratotsav ka labh len. is sundar samay men janki stotra, samastotram, ramchandrashtakam, ramapremashtakam evan ramchrit manas aaid ka path bhi avashya karen. puja ke samay evan sanpurn divas shri janki ji ke balasvarup ka is prakar dhyan karen- vande videh tanya padpundarikan, kaishorsaurabh samahrit yogi chiÿam. hantun tritapmnishan muni hans sevyan, sanman salipripti parag pu´jam.. he kishori ji! ap samast sansar ke praniyon ko apne nitya kaishor saurabh dvara yon hi tapatray se mukt karne vali hain, yogijnon ke chiÿa ko sahsa aphrit karne vali hain, ap parmhans padaprapt muniyon se sansevya hain, main bhakt janmanas bhramravli dvara pit parag vale shri videh vansh vaijyanti janki ji ke pad padmon ki vandna karta hun. navmi tithi ko brahmamuhurÿa men jagakar shri janki ji ka smaran kare. nitya karm se nivriÿa ho bhumi par tornadi se alankrit solah, ath ya char stanbhon ka sanudar mandap banae. mandap ke madhya men sundar chaikor vedika par parikron sahit bhagvti sita evan bhagvan shriram ki sthapna karni chahie.
Kya aapko lekh pasand aaya?
Subscribe