shri yantra ki mahima evan sadhna pan. manohar sharma ‘pulastya s lok v parlok ke karyon ke lie sansadhan jutane men man lakshmi ki kripa ki nitant avashyakta hoti hai. sabhi prakar ke vyavhar lakshmi se hi prerit hote hain. shri sukt evan lakshmi sukt ke path se rin, rog, daridrya, shok, bhay, akal mrityu, pap adi se raksha hoti hai. isse yah siddh hota hai ki lakshmi prapti jivan ka ek avashyak lakshya hai. lakshmi ki ath siddhiyan ath dishaon men hoti hain. sansar hari se prem karta hai aur lakshmi ji haripriya hain. lakshmi kabhi sthir nahin rahtin. kabir ne kaha bhi hai, kamla thiru n rahim kahi, yah janat sab koy. purush puratan ki vadhu, kyon n chanchla hoy.. lakshmi bani rahe iske lie ham shriyantra ki sadhna v puja karte hain. tantra ke prasiddh granth yamal men likha hai, ”chakran tripur sundaryan brahmandakari bhishvari.“ arthat ishvari tripur sundri ka adhar brahmandakar hi utpatti ka vikas chakra hua, jiska hamare rishiyon ne samaj ke hit ke lie sarlikaran kiya. sabhi daiviya evan asuri shaktiyan mantron ke adhin kar din. shri sukt man lakshmi ki prasannata ki stuti hai. lakshmi ka ek nam shri bhi hai. shri atyant prachin hai. vaidik kal men shobha, sundrta, sajavat ke arth men shri shabd ka prayog hota tha. shri ek bahut hi mahatvapurn shabd hai. purush ke nam ke purva shri shabd islie lagaya jata hai ki vah shri se, lakshmi se sanpann ho anyatha vah shri vihin hoga, lakshmi vihin hoga. yahi vaidik ‘shri’ devta tha. us kal men murti nahin hoti thi. vah keval bhavatmak devta tha. dhire-dhire ise murti ka rup diya jane laga. man se ham bina dar ke kuch bhi mang sakte hain. man ke hriday men santan ke prati vatsalya hota hai, karuna hoti hai. vah bhul kshama karne vali hoti hai. atah rishiyon ne us ‘shri’ devta ki, man ke rup men aradhna ki. shri devta ko man ka rup kaise mila ? ‘shatpth’ men is sanbandh men ek rupak hai. prajapti tap kar rahe the. unki tapasya se prasann hokar unke hriday se shri devta nari rup lekar unke samne prakat hue. arthat vaidik kal se prajapti ke kal tak ate-ate shri devta ne devi ka rup dharan kar liya. shri devta se shri devi ka rup dharan karne vale is devta ka aj ham lakshmi rup men puja, sadhna v aradhna karte hain. vaidik rishiyon ne bhutdhatri, sarvasha, adi janni, mahalakshmi, karunamyi, atyantika prem vali, duahkh daridrya v dainya ka nash karne vali, jivan banane vali, jivan khilane vali, jivan ko akar dene vali adi shakti ko lakshmi athva shri kahakar unki apar mahima gai hai. lakshmi ko keval man kahakar pukarne se ham unke balak nahin ban jaenge. balak banne ke adarsh shri sukt men chitrit hain. ”gatistvan gatistvan tvamaika bhavani, vivade vishade pravase pramade. jale cha nale parvate shatrumadhye, aranye sharanye sada man prapahi. gatistvan“ arthat vivad men, vishad men, pramad men, jal men, agni men, parvat par, shatru ke bich men, van men, sharan men ane par he man! sada meri raksha karna, tu hi meri ekmatra gati hai. hamare as pas lakshmi sadaiv hi vidyaman hain kintu ham apni bhul, tamjham, asanymit jivanacharya, ragadvesh, pralobhan adi durgunon ke karan unhen prapt karne ke bavjud kho dete hain. tantra-mantra, sanskar, sanskriti adi bharat ki amulya dharohar hain. mantra se yadi vishadhar bhujang ko vash men kiya ja sakta hai to devta, gandharva, yaksh aur apra shaktiyon ko kyon nahin prapt kiya ja sakta hai. iska mukhya karan yahi hai ki ham us vastu ke dharatal v raste se anbhigya hain. prachin kal men bhi shri ki anbhigyata sanbandhi ek drishtant ata hai. maharshi durvasa ki ek choti si bhul ne shri ko shapit karne ki dhrishtata kar dali thi jisse lakshmi arthat shri kuch samay ke lie kho gai thin. durvasa pranit saral shri mantra yantra sadhna sarvapratham airavat hathi-hathini ka jora chitra pratik rup men sthapit karen. fir lakshmi ke priya pushp shantakruj ki malaen unke sund men pahnaen. shantakruj pushp n milne par lakshmi ko priya kisi bhi prakar ke pushpon ka prayog kar sakte hanai. fir mahalakshmi ka shri yantra banakar usmen 27 nakshatron, 12 rashiyon, surya, chandra, nrisinh, vir, kshetrapal, manibhadra, ‘‘karala dranshtra hun hun pal’’ ka avahan karen. fir 105 bar ‘‘hun hun’’ mantra se chatujpi yogini ka avahan karen. iske bad ‘‘¬ ene hrin krin shrin hasauah’’ chatushaji yoginibhyo namah mantra ka jap karke raste ko dekhen evan yantra ke tin dvaron ki argala kholen jo nimnanusar hain. s klin ¬ h s k l hrin svaha, s ain ¬ h s k l klin svaha s ¬ l v k l hrin svaha. fir goghrit men pratyek mantra ki 108 ahutiyan kamalagatte se den. fir shri chakra men pravesh nimnalikhit mantra ke jap se karen. hrin k e i brin h s k l hrin s k l hrin mahalakshmi ka shri yantra nirman char kanth panch shiv yuvti ke mel se nau rekhaen banti hain, jise mul prakriti kahte hain. in rekhaon ko ek dusre se milane par 43 kon bante hain. char shri kanth, madhya men chaturbhuj vale char kon, chairas yantra vala shakti mantra, parvati, maheshvari, rudrani, sati, uma. uske upar pratham valay kundlakar banakar us par 9 dal nirmit karen. usmen bhagvan shankar ki nau shaktiyan arthat shailputri, brahmacharini, chandraghanta, kushmanda, skandmata, katyayni, kalratri mahagauri aur siddhidatri yah mul nau prakritiyan rakhen. punah dvitiya valay kundlakar banakar us par ashtadal vala kon banaen. anang kusuma, anang mekhla, anang mandna, anang manakush, anang rekha, anang vegni, anang krasha, anang bhatini, adi ki sthapna kar tisra valay kundlakar banakar 16 (shodshdl) banaen. usmen shri lakshmi, kamla, paùa, paùini, kamlalya, rama, vrishakyi, dhanya, prithvi, yagya, indira, usha, maya, gira, radha adi 16 deviyon ki sthapna karen. ab rekhakrit char bhringur nirmit karen. is prakar 43 kon vale mahalakshmi ke asan vale shri yantra ka nirman hota hai. bindu shivrup hai. devi ka pratham asan 1, 4, 5, 9, 16, 43 dal ka kon ban jata hai. tinon ‘ka’ aur do ‘ha’ ye kay shaiv bhag hain. shesh akshar i, i, l, s, l shakti ke bhag hain. yoni ‘hrin’ shuru aur ant ka ‘hrin’ shakti vachak hain. antim ‘hrin’ shaiv kam bhag hain. shaiv kam ke char chakra dakshinavarti, shakti ke panch chakra vamavarti, kul nau chakra vamavarti - is prakar shaiv shakti sahit mahalakshmi shri yantra ka nirman karen. ab rakt chandan ke angushth bhag matra do hathi, jo pushya nakshatra men nirmit hon mahalakshmi rupi shri yantra ke pas rakhakar pran pratishtha karen. pran pratishtha ka mantra nimnanusar hai. ‘‘¬ asya lakshmi chakrasya shri bhagvan mahadev, rishi durvasa chandah, adyashaktitrimurti madhye, lakshmi devta, hrin bijan, shrin shakti, klin kilkah shri kamkla pran pratishtha jape viniyogah.’’ is prakar lakshmi shri yantra ki pran pratishtha karen. hastichakra dvara shri yantra ko pranam kar, hathi-hathini ki puja kar aur lakshmi chakra men sthit shri lalita devi ke prasannarth ‘‘bijakshar mantrasya vashinadibhyo vagdevabhya chaturvidh purusharth siddhi hetu shri lalita pritye jape pathe viniyogah’’ mantra se viniyog karen. fir karanyas karen- ‘‘hrin ek viray namah angushthabhyan namah, ‘ka’ tarjanibhyan namah, e i l madhyamabhyan namah, h s k anamikabhyan namah s k l kanishthikabhyan namah, s k l hrin karatalakar prishthabhyan namah.’’ is prakar anganyas kar ratri men bijaksharon ka 11 mala jap dipavli ki nisha ya navratri men athva anya kisi bhi shubh muhurt men mantra jap men ek-ek akshar par viram dekar abadh gati se purn karne se shri lakshmi purn prasann hoti hain. sadharan grihasth itna to kisi shri sukt man lakshmi ki prasannata ki stuti hai. lakshmi ka ek nam shri bhi hai. shri atyant prachin hai. vaidik kal men shobha, sundrta, sajavat ke arth men shri shabd ka prayog hota tha. shri ek bahut hi mahatvapurn shabd hai. purush ke nam ke purva shri shabd islie lagaya jata hai ki vah shri se, lakshmi se sanpann ho anyatha vah shri vihin hoga, lakshmi vihin hoga. bhi shubh muhurt men kar sakte hain kintu jin sadhkon ko apne rom rom men shri ko sthapit karna ho, unhen chahie ki ve dipavli ki nisha ya navratri ki nisha men lagatar 41 dinon tak sadhna avashya hi sanpann karen. aise sadhkon ko chahie ki 41 dinon tak pratidin 21 mala jap karne ke pashchat bijmantra ki bilva patron se 16 ahutiyon se havan karen. is prakar karne se shri prasann hongi. man se ham bina dar ke kuch bhi mang sakte hain. man ke hriday men santan ke prati vatsalya hota hai, karuna hoti hai. vah bhul kshama karne vali hoti hai. atah rishiyon ne us ‘shri’ devta ki, man ke rup men aradhna ki. shri devta ko man ka rup kaise mila ? ‘shatpth’ men is sanbandh men ek rupak hai. prajapti tap kar rahe the. unki tapasya se prasann hokar unke hriday se shri devta nari rup lekar unke samne prakat hue.