shukrast men akshay tritiya ko gunj sakti hain shahnaiyan pan. sunil joshi junnarakar, gvaliyar shukrast 5 mai ko ya 9 mai ko? shukra tare ka ast kab se ho raha hai? panchangakartaon ke bich ab yah vivad ka vishay ban gaya hai. kalantar panchang 1 mai ko, nirnay sagar 5 mai ko tatha dante panchang 9 mai ko, purva disha men shukrast bata rahe hain. nirnay sagriya chandmarÿand panchang ke anusar vaishakh amavasya, dinank 05-05-2008 kie subah surya ke spasht ansh 20ah55ah19 tatha mesh rashi men shukra ke spasht ansh 11ah30ah41 ankit hain. is prakar mesh rashi men surya-shukra donon ke bich 9 ansh 24 kala 38 vikla ka antar hai. khagolshastra ke siddhantanusar 9 ya 9 se kam anshantar ki duri par surya ke samip jakar shukra ast ho jata hai. kintu 5 mai ko shukrast hone men 24 kala aur 38 vikla ki duri shesh hai islie us din shukrast nahin hoga. 24ah38 kala/vikla ki anshatmak duri tay karke shukra 9 mai ki sham tak surya ke 9 ansh samip pahanuch jaega. aur tab vah ast hoga. atah dante panchang men likhit 9 mai ko shukrast (shukralop) sahi hai. islie 6 v 7 mai ko sarvarthasiddhi yog men vivah adi shubh karya kie ja sakte hain. dinank 9 mai ko purva disha men shukra ast hoga aur jun mah ke ant tak isi avastha men rahega. tatpashchat 10 julai 2008 ko shukra pashchim disha men udit hoga. asharh shukla navmi (11 julai 2008) se shahnaiyan punah gunj uthengi. shukrast kal men bhi sanbhav hai akshay tritiya ko vivah 7 mai ko vaishakh shukla dvitiya pratah 10 baje tak rahegi, tatpashchat tritiya praranbh hogi. vaishakh shukla tritiya, akshay tritiya ke nam se jani jati hai. rohini nakshatra yukt akshay tritiya mahafldayi hoti hai. yadi us din budhvar bhi ho to is tithi ke shubhatva men anantguna vriddhi ho jati hai. rohini nakshatra is din ratri 8 baje tak rahega. atah 7 mai ko akshay tritiya, rohini nakshatra aur budhvar ka sanyog hai. shastron ki aisi manyata hai ki aise shubh muhurÿa men kie gae shubh karyon ka fal anantguna shubh ho jata hai. s shukrast 9 mai ko hoga. islie 7 mai ko vivah adi shubh karya sarvarth siddhi yog men kie ja sakte hain. s yadi 5 mai ko shukrast man bhi len to bhi 7 mai ko akshay tritiya ke din vivah adi shubhkarya karne men koi dosh nahin hai kyonki akshay tritiya purn shubh hone ke karan svayan siddh muhurÿa hai. is din grah, nakshatra adi ke sabhi duryogon ka parihar svatah ho jata hai. mai-jun 2008 men keval shukra ast hai, guru nahin. islie vivah adi shubh karya akshay tritiya ko kie ja sakte hain. s dev rishi narad ke anusar yadi kanya yuvti/praurha ho gai ho to uske vivah ke liye guru-shukra ki anukulta ya guru ya shukra ke ast ke dosh ka vichar karne ki s pan. sunil joshi junnarakar, gvaliyar avashyakta nahin hai. s yadi var ki janm rashi se surya aur shukra tatha kanya ki janmarashi se guru aur chandra ka gochar shubh ho aur jab tribal shuddhi ho, to vivah karna shastrasammat hai. s revti se mrigshira nakshatra tak shukra andha rahta hai. aise samay men ek hi nagar ya gram ke bhitar vivah karne men shukrast ka dosh nahin lagta. s 7 mai 2008 ko shukra 13 digri se adhik ansh ka hai. atah usmen balya ya vriddhatva ka dosh nahin hai. isliye akshay tritiya ko vivah adi manglik karya karna shubh hai. s vivah lagn men laÿaadi 10 dosh pramukh rup se varjit hain. in doshon men guru ya shukra ke ast hone ka dosh shamil nahin hai. atah vivah muhurÿa men guru ya shukra ka ast hona koi mahadosh nahin hai. shukra tara kaise ast hota hai? saur mandal men surya ke bad pahli kaksha budh ki aur dusri shukra ki hai. surya jis rashi men rahta hai, budh aur shukra bhi usi rashi men ya fir uske age piche ki rashi men rahte hanai. surya ki parikrama karta hua (prithvi ke sapeksha) shukra jab surya ke piche chala jata hai tab surya ke ek or prithvi aur dusri or shukra sthit hota hai. aise men prithvi vasiyon ko shukra dikhai nahin deta hai. shukra ki is adrishyata ko hi shukrast ya shukralop kahte hain. ast ke samay shukra prithvi se 6 rashiyon ki duri par sthit rahta hai. khagolshastra ki bhasha men is khagoliya ghatna ko prithvi v shukra ka shatbhantar yog kahte hain. surya ke samip sabhi grah ek nishchit duri (ansh) par jakar ast ho jate hain. arthat surya ke prachand prakash ke age ve dikhai nahin dete hain. falit jyotish men ast grahon ka fal shunya hota hai. jab surya aur shukra ke bich 9 digri ka anshantar rahta hai, tab shukra ast ho jata hai. arthat surya ke samip pahunchne se purva 9 digri anshantar par hi shukra ast ho jata hai tatha surya se 9 digri dur chale jane tak ast rahta hai. tatparya yah hai ki shukrast ke samay surya aur shukra ke bich ki anshatmak duri ausat rup se 9 ya 9 digri se kam rahti hai. is khagoliya ghatna ko shukra ka ast kaha jata hai. jab shukra purva disha men ast hota hai to lagabhag 2 mah tak ast hi rahta hai. iske bad vah 9 mah tak pashchim men udit rahta hai. yah grah 10 julai 2008 ko kark rashi men, pashchim disha men udit hoga. tab shubh karya kie ja sakenge. vivah ke din vivah shuddhi chakra men var ki (janma) chandra rashi se 4, 8, 12 sthan men shukra ka rahna ashubh hota hai. uske ashubh sthan men rahte vivah karne se pati ka paurush kshin ho jata hai.
Kya aapko lekh pasand aaya?
Subscribe