shri yantra evan panch tantra vidhan ashok sharma shriyantra ki sthapna aur pujan ka vidhan ati prachin hai. iski rachna adi shankracharya dvara adi dev mahadev ki sahayta se ki gai thi. iski puja aradhana se sadhak ko dhan, aishvarya, arogya, vanshvriddhi aur sukh samriddhi ki prapti hoti hai. vibhinn tantrik vastuon ke sath shri yantra ki vidhivat sthapna se sadhna men hone vali trutiyon ke dushprabhav svatah hi nasht ho jate hain tatha manovanchit kamnaon ki shighratishighra purti hoti hai. shri yantra ke sath anya tantrik prabhav vali vastuen, pratimaen adi sthapit ki jati hain. tirumala parvat par sthit tirupti balaji ki pratima shri yantra ko adhar banakar sthapit ki gai tatha shankh, chakra, gada, padm, mudra adi bhi utkirn kie gae. faltah tirupti balaji ka mandir aj bhi vishva ka sarvadhik ay vala dharmik sthal hai. shri yantra ki ghar men sthapna karni ho to sath men in char tantrik prabhav vali vastuon ki sthapna bhi karni chahie- shvetark ganpti, parad shivling, dakshinavarti shankh aur ekakshi shrifal ukt charon vastuon ki puja ka vidhan is prakar hai. shvetark ganpti: samast prakar ke vighnon ke nash ke lie ganpti ka smaran evan pujan sabse pahle kiya jata hai. shvetark ganpti ki vidhivat sthapna aur pujan se samast karya sadhanaen, utsav adi shighra nirvighn sanpann hote hain. mantra:
.. vakratunday hum.. parad shivling: tantra marg men ya anya kisi bhi paddhati se ki jane vali shakti ki puja upasna men shiv ki puja avashya ki jati hai. shiv shakti ka sanyukt pujan hi faldayi hota hai. kisi ek ki puja karte rahne se manovanchit fal prapt nahin hote. shri yantra ki adhishthatri devi mahavidya shri tripur sundri tatha adhishthata devta shiv tripurari hain. atah parad shivling men tripurari ka pujan karen evan nimn mantra ka yathashakti jap karen- rasendrah pardah suto, harjah sutko rasah. sutrajo mukundashch, shiv viryashch chaplah.. maharso rasrajah shanbhu vijashch shanbhujah. rasendra rajo namna'sau mishrakah shiv sanbhvah.. dakshinavarti shankh: samudra manthan men chaidah ratnon ki prapti hui thi. inmen ek dakshinavarti shankh bhi hai. chunki mahalakshmi ka praktay bhi samudra manthan ke samay samudra se hi hua tha islie dakshinavarti shankh ko mahalakshmi ka sahodar mana jata hai. atah lakshmi ki prapti ke lie ki jane vali sadhnaon men dakshinavarti shankh ki sthapna aur puja avashya karni chahie. mantra:
.. ¬ hrin dakshinavarti shankhay mam sarva klesh haray sankat mochnay hin namah.. athva
.. ¬ lakshmi sahodrabhyan namah .. shankh dvara shvetark ganpti evan shriyantra ke abhishek ka bhi vidhan hai. ekakshi shrifl: pauranik granthon ke anusar ann ki utpatti annapurna se, shak ki utpatti devi shakanbhri se aur vrikshon tatha falon ki utpatti mahadev, rishiyon aur nakshatron se hui. nariyal, jise shrifal bhi kaha jata hai, ki srishti rishi vishvamitra ne ki. nariyal men sadharntah tin bindu aur tin jata (rekhaen) hoti hain kintu dularbh vanaspati tantra siddhantanusar jis nariyal ke sirf do bindu hon, use ekakshi nariyal kaha jata hai. tin binduon vala nariyal do ankh aur ek munh ka jabki do binduon vala ek ankh evan ek mukh ka mana jata hai. chintamniah prastastulya bhavah sammanyatan dhanyatmah svachite. yashchaik netro dvijti supakvah s nalikerah kritno'sti gehe.. chintamni ke saman faldayi prabhavshali dhanyatam eknetra aur do jataon se yukt supakva nariyal param bhagyashali ko hi prapt hota hai. mantra: 1. ¬ shrin hrin hrin klin ain ekakshi shripafal bhagvte traulokya nathay sarvakam pafal praday pafat svaha.. athva ¬ bhrun kron ekakshinarikelay hin namah shriyantra shri yantra ki sthapna aur puja vidhivat ki jae aur dakshinavarti shankh se iska abhishek kiya jae to koi bhi manokamna adhuri nahin rah sakti. shriyantra ki adhishthatri devi tripur sundri ka vidhivat shriyantra par avahan pujan karke mantra jap karna chahie. shri yantra ki puja ke pashchat tripursundri ke mantra, shatnam, sahasranam ya shrisukt, kankdhara stotra, lakshmisukt adi ka jap, path adi karne chahie.
Kya aapko lekh pasand aaya?
Subscribe