yantra ek labh anek  

yantra ek labh anek pramila gupta bhinn devi devta ishvar ke hi pratirup hain. yahi karan hai ki tinon lokon ka ishvar ek hi hai. kisi bhi devta ki sadhna ki jae kamna ek rahti hai - ishvar ka ashirvad prapt karna. pratyek prani ki koi n koi isht devi ya devta hota hai- kisi ka shiv, kisi ka vishnu, kisi ka bhairav, kisi ka nrisinh, kisi ki lakshmi, kisi ki devi adi. sabhi devi devtaon ki apni-apni alaukik shaktiyan hain. jab koi sadhak uchit marg se aur shubh muhurÿa men adhyatmik labh ki kamna rakhte hue isht sadhna karta hai to vah alaukik shaktiyon se paripurn ho jata hai. tantra, mantra aur yantra abhisht siddhiyon ki prapti men utprerak ka karya karte hain. devi bhagavat men archa pratima ke abhav men yantra ko hi isht dev ka svarup batlaya gaya hai. isi prakar nardiya puran men bhi aisa hi ullekh hai- jal, agni, hriday, chakra aur vishnu ke kshetra men utpann vastuen aur yantra sab bhagvan vishnu ki pratima ke saman pujniya hain. yantra aur mantra ki alaukik shaktiyan sadhak ki kamna ki purti karne men samarth hain. yantra aur mantra aisi akshay nidhiyan hain, jinse ham sab kuch pa sakte hain. jin jatkon ki kanudli men chandra aur mangal ki yuti ho ya donon samasaptak hon, ya paraspar kendra men hon, unhen bisa yantra men munga aur moti sanyukt rup se jarva kar dharan karna chahie. bisa yantra men koi bhi ratn pratikul prabhav nahin dalta. jinke hath men paisa nahin tikta ho aur jinke dhan sthan men rahu baitha ho unhen ratn jarit lakshmi bisa yantra dharan karna chahie. kanudli men kemadrum yog, shatak yog, dhanhin yog, daridra yog adi durbal yog par ratn jarit lakshmi bisa yantra dharan karna chahie, iska prabhav amrit tulya hota hai. jin logon ki kanudli men chadra aur guru ki yuti ho ya chandra aur guru ek dusre se samasaptak hon, unhen ratn jarit gajkesri bisa yantra dharan karna chahie, yah asim vaibhav, shri, sukh aur samriddhi deta hai. aise log, jinhen parishram karne par bhi abhisht fal ki prapti nahin hoti, jinki padonnati tarakki nahin hoti aur jinke rajnitik ya samajik prabhutva ke vikas men badhaen ati hon, karya kushlta, parakram evan mahatvakakshaon ki purti men archnen ati hon unhen moti aur pukhraj jarit gajkesri bisa yantra dharan karna chahie, isse abhisht fal ki prapti hoti hai. aise dampati, jinke gandosh ya nari dosh banta ho, sansarik jivan men madhurya ki kami ho, pati-patni ke bich apas men samanjasya n ho, unhen moti aur pukhraj yukt bisa yantra dharan karna chahie. kaha bhi gaya hai ki- ‘‘jiske pas ho bisa, uska kya kare jagdisha’’ bisa yantra kai prakar ke hote hain. sansar men aise anek log hain jo vyapar ya naukri ke lie athak prayas karte hain kintu saflta nahin milti. unki kundli unhen asim sanpatti ka svami banati hai kintu pratyaksh men ve daridrata men hi jivan yapan kar rahe hote hain. aise jatkon ko saubhagyadayak bisa yantra dharan karna chahie, sanpatti sukh ki prapti hogi. yah yantra bhojapatra par banakar dahine hath men dharan karna chahie. lakshmi ki kripa prapti hetu lakshmi bisa yantra ke sammukh ¬ shrin hrin klin lakshmi devyai namah aur ¬ shrin hrin shraun kamle kamlalye prasid-prasid shrin hrin shrin mahalakshmyai namah. ka path karna chahie. sthayi naukri, ajivika adi ki prapti ke lie bisa yantra ko bhojapatra par ashtagandh ki syahi se manglvar ya brihaspativar se likhna praranbh karen aur pratidin 201 yantra likhane. is tarah 5,000 yantra pure jane par unhen nadi men pravahit kar den. sarvakarya siddhi hetu solah koshthak vala yantra ka vidhi vidhan se nirman karen. aise 3,500 yantra likhne chahie. isse sadhak ko manovanchit falon ki prapti hoti hai. svastik bisa yantra ko bhojapatra ya safed kagaj par lal rang ki syahi se likhakar pujan sthal par rakhen aur vidhi-vidhan se ¬ hrin shrin klin klun arddh namah mantra ka ek mala jap nitya karen, sabhi manokamnaen puri hongi. shri mahalakshmi ji ki kripa hetu shri bisa yantra ko tamrapatra men utrkin karva kar arddh ratri ke samay kesar yukt chandan se us par ¬ ke upar shri likhakar pile fulon se pujan karen aur shrisukt ki nimn richa ke ant men shri tam a vah jatvedo lakshmimnpgminim. yasyan hiranyan prabhutan gavon dasyo'shvan vindeyan purushanaham.. sanput lagakar sat mala jap karke shri sukt ka sanpurn path karen.