shri yantra siddhi ke saral upay  

shri yantra siddhi ke saral upay prem prakash vidrohi shriraja kahte hain. iski sadhna upasna se lakshmi ki prapti, shatruon ka shaman aur manokamnaon ki purti hoti hai. is ki devi tripursundri hai. shri yantra rachna: ismen kai vritt hote hain. iske kendra men bindu hota hai. iske charon or nau trikon hote hain. inmen 5 ki nonken upar v char ki nonken niche ki or hoti hanai. ismen ek asht dal v dusra shodash das vala kamal hota hai. anand lahri men shri shankracharya is sanbandh men kahte hain ‘‘chaturbhiah shrikantheah shiv yuvtibhiah panchbhirpi mul prakritibhiah trayashch tvarishadvasudal kalabjatribalay trirekhabhiah sarghah tav bhavan konah parintaah. yah anek tarah ke hote hain. is yantra men panch shakti trikon udhrvamukhi v char shiv trikon adhomukhi hote hain. yah yantra sarva siddhidayak hai aur isi se ise yantra raj kahte hain. yah bhojapatra, triloh, tamrapatra, rajat v svarn patra par banaya ja sakta hai. yah sfatik ka bhi hota hai. sfatik ya svarn ke shastrokt muhurt men bane udhrvamukhi yantra ki puja kar kamalagatte ki mala se jap karne se lakshmi ki kripa prapt hoti hai. adhomukhi shriyantra ke mantra ki rudraksh mala se jap karne se shatru v rogon ka shaman hota hai. shri yantra siddhi: shubh muhurt men shuddh evan ekant sthan par chaiki par shastrokt vidhi se shri ganesh, guru, isht dev v yantra ki sthapna kar viniyog, rishyadinyas, karanyas, hridydinyas aur dhyan karen. fir shodshopchar vidhi se pujan kar ¬ shri si( tripur sundariyay namah. mantra ka sava lakh jap karen. fir dashansh kram se hom, tarpan aur marjan karen tatha guru kanya v brahman ko bhojan karakar yantra ko puja sthal ya tijori men rakhen. fir nitya niyampurvak yantra ko dhup batti dikhakar manokamna nivedit karte hue ek mala jap karen, labh hoga. yah yantra vibhinn vidhiyon v mantron se siddh kiya jata hai. yantra ko siddh v dharan karne ki vistrit vidhi mantra maharnav, mantra mahoddhi, shakt pramod, shardtilak adi vibhinn granthon men ullikhit hai. bhoj patra par ashtagandh se yantra ankit karen athva kisi vishvasniya sthan par bane dhatu ya sfatik ke yantra ka prayog karen. yantra bhairav siddhi ke saral siddhantah gauri yamal men kurm prishth, padm prishth, bhuprishth aur meru prishth yantron ka bhi ullekh hai. yantra chal ya achal ho sakta hai. chal yantra dharan bhi kiya jata hai. dhatu yantron ki shuddh vishesh tol ka dhyan rakhna chahie jaise anguthiyon men vishesh nag ki vishesh tol ka dhyan rakha jata hai. yantra lekhan men man ki shuddhi v astha parmavashyak hai. sath hi sadhna kal men halka, supachya bhojan aur satvik jivanacharya ka palan karna chahie. sadhna jal purn kalash sthapit kar karni chahie aur dhup dip jalte rakhne chahie. shri yantra sadhna ki tantrik vidhi aur mantra bhi hanai. kintu tantra kriya ka anushthan yogya aur vidvan pandit ka paramarsh lekar aur unke samaksh hi karna chahie. yantra sadhna ke samay shubh netra ya bhuja ka farkna ya shubh vadya yantron ka ghosh hona ya shubh svapn ka ana sadhna ki saflta ka suchak hota hai. sadhna ke pashchat bhi mantra ka ek mala jap nitya karne se yantra v mantra jagrat rahakar uttam fal dete hain. yantra ko devta ka sharir v mantra ko devta ka man kahte hain. kularnav tantra ke anusar- yambhutadi sarvebhyo'pi kuleshvari. trayte satta×chaiv tasmad yantramitiritam..’’ yantra sab prakar ke bhayon se mukt karta hai. atah sanpurn shri yantra ko siddh kar labh uthana chahie. yantra ki sadhna upasna se daihik, daivik v bhautik sabhi sukhon ki prapti hoti hai. yantron men bani rekhaen, tribhuj, bindu, ayat adi matra jyamitiya rekha chitra nahin balki grah, nakshatra aur devtaon ke pratik hote hain. atah yantra ki puja se vanchit fal ki prapti hoti hai. yantra sadhna ka ek prabhavshali mantra yah bhi hai. gan ganptye namah