shri shri yantram  

shri shri yantram- parichay evan mahatva basant kumar soni lakshmi pujan ke sath yantra shiromni shriyantra, jise shrichakra bhi kahte hain, ki puja bhi ki jati hai. dhan trayodshi aur dipavli ko yantraraj shriyantra ki puja ka ati vishisht mahatva hai. shri yantra ya shri chakra sare jagat ko bhartiya adhyatm ki ek anupam aur sarvashreshth den hai. iski upasna se jivan ke har star par labh ka arjan kiya ja sakta hai. iske nav avaran pujan ke mantron se yah tathya ujagar ho jata hai. is chakra ke nav avaran nimnalikhit hain- s trailokya mohan chakra- tinon lokon ko mohit karne ki kamna ki purti ke lie. sarvashapurak chakra- iske pujan se sabhi ashaon ki kamna ki purti hetu. sarva sankshobhan chakra- akhil vishva ko sankshobhit karne ke lakshya ki prapti hetu. sarva saubhagyadayak chakra- saubhagya ki prapti hetu. sarvarth siddhiprad chakra- sabhi prakar ki arthabhilashaon ki purti ke lie. sarvarakshakar chakra- sabhi prakar ki badhaon se raksha hetu. sarvarogahar chakra- sabhi vyadhiyon se bachav hetu. sarvasiddhiprad chakra- sabhi siddhiyon ki prapti hetu. sarva anandamay chakra- parmanand ya moksh ki prapti hetu. i yantra ke ye navachakra srishti, sthiti aur sanhar chakra ke dyotak hain. ashtadal, shodashadal aur bhupur in tin chakron ko srishti chakra kahte hain. antardashar, bahirdashar aur chaturdashar sthiti chakra kahlate hain. bindu, trikon aur ashtakon ko sanhar chakra kahte hain. shri shri lalita mahatripur sundri shri lakshmi ji ke yantraraj shriyantra ke pindatmak aur brahmandatmak hone ki bat ko jo sadhak janta hai vah yogindra brahma, vishnu, mahesh ke saman hota hai. shriyantra brahmand sadrishya ek adbhut yantra hai jo manav sharir sthit samast shakti chakron ka bhi yantra hai. shriyantra sarvashaktiman hota hai. iski rachna daiviya hai. akhil brahmand ki rachna ka yantra hone se ismen sanpurn shaktiyan aur siddhiyan virajman rahti hain. sva sharir ko evan akhil brahmand ko shriyantra svarup janna bare bhari tap ka fal hai. in tinon ki ekta ki bhavna se shivatva ki prapti hoti hai. shriyantra ki pindatmakata- shri vidya ke upasak shriyantra ya shrichakra ki bhavna apne sharir men karte hain. is tarah vidyopaskon ka sharir apne ap ap men shrichakra heata hai. ataev shri yantropasak ka brahmarandhra bindu chakra, mastishk trikon, lalat ashtakon, bhrumadhya antardashar, gala bahirdashar hriday chaturdashar, kukshi vriÿa, nabhi ashtadal kamal, kati bahyavriÿa ashtadal kamal, svadhishthan shodashadal kamal, muladhar shodashadal kamal ka bahya trivriÿa, janu pratham rekha bhupur, jangha dvitiya rekha bhupur aur pair tritiya rekha bhupur hain. shri yantra ki brahmandatmakata- shriyantra ka dhyan karne vala sadhak yogindra kahlata hai. aradhak akhil brahmand ko shri yantramay mante hain arthat shriyantra brahmandamay hai. yantra ka binduchakra satyalok, trikon tapolok, ashtakon janlok, antardashar maharlok, bahirdashar svarlok, chaturdashar bhuvarlok, pratham vritt bhulok, ashtadal kamal atal, ashtadal kamal ka bahya vriÿa vital, shodashadal kamal sutal, vriÿatray ya trivriÿa talatal, pratham rekha bhupur mahatal, dvitiya rekha bhupur rasatal aur tritiya rekha bhupur patal hai. brahmadi dev, indradi lokpal, surya, chandra adi navagrah, ashvini adi sattais nakshatra, mesh adi dvadash rashiyan, vasuki adi sarp, yaksh, varun, vaintey, mandar adi vitap, amrlok ki ranbhadi apsaraen, kapil adi siddhasamuh, vashishth adi munishvarya, kuber pramukh yaksh, rakshas, gandharva, kinnar, vishvavsu adi gavaiya, airavat adi asht diggaj, uchchaiahshrava adi ghore, sarva-ayudh, himgiri adi shreshth parvat, saton samudra, param pavni sabhi nadiyan, nagar evan rashtra ye sab ke sab shriyantrotpann hain. shivji kahte hain he shive! sansar chakra svarup shrichakra men sthit bijakshar rup shaktiyon se diptiman evan mulvidya ke 9 bijmantron se utpann, shobhayman avaran shaktiyon se charon or ghiri hui, vedon ke mul karan rup anekar ki nidhi rup, shri yantra ke madhya trikon ke bindu chakra svarup svarn sinhasan men shobhayukt hokar virajman tum parabrahmatmika ho. tatparya yah hai ki bindu chakra svarup sinhasan men shri lalita mahatripursundri sushobhit hokar virajman hain. panchdshi mul vidyaksharon se shriyantra ki utpaÿia hui hai. panchdshi mantra sthit ‘‘sa’’ sakar se chandra, nakshatra, grahmandal evan rashiyan avirbhut hui hain. jin lakar adi bijaksharon se shri yantra ke nau chakron ki utpaÿia hui hai, unhin se yah sansar chakra bana hai. puja hetu shriyantra, pujayantra fal aur pran pratishtha adi shri yantra ki pran pratishtha tin rupon men ki jati hai- achar, char aur dharniya. achar rup men pran pratishthit shriyantra ek hi sthan par sada sthapit rahta hai, use uthaya nahin jata. sadhak ko nitya vahin par uski puja karni hoti hai. jis ghar men uski sthapna hoti hai, usmen ek bhi din ke liye tala nahin lag sakta. char rup men pran pratishthit shriyantra ko pavitrata ke sath uthaya aur ek sthan se dusre sthan le jaya ja sakta hai. aur usi sthan par iski puja ki ja sakti hai. vaise ghar par sadhak ko samanya rup men nitya shriyantra ki puja to karni hi hoti hai. dharan kie jane vale shriyantra ka pujan ke samay ko chorakar sarvada dharan karna hota hai. puja kal men use utara jata hai aur puja ke pashchat fir dharan kar liya jata hai. shri chakropasna ke lie svarn, rajat athva tamra ke shriyantra ka nirman kiya ja sakta hai. puratan kal men keval raje-maharaje, mantri adi rajpurush svarn nirmit yantron ka prayog karte the. shri yantra upasna ka prachalan din pratidin barhta hi ja raha hai aur aj dhani hon ya garib athva madhyam varg ke log sabhi lakshmi prapti ke lie, sukh samriddhi men vriddhi ke lie kisi n kisi rup men shriyantra ki puja karte hain. parantu svarn dhatu ke manhge hone ke karan har koi svarn nirmit shriyantra ka upyog nahin kar pata. ataev shastrokt niyamon ka nirvahan karte hue vartaman sadi men vidvanon, shodhakartaon panditon ne apne gyan aur anubhav ke adhar par svarn palish yukt yantron ko labhaprad mana hai. shastranusar yantra ki puja ka fal tanbe men shatgun, chandi men koti gun, svarn aur sfatik ke yantron men anant gun hota hai. shri yantra men devi devtaon ki shaktiyan hone ke karan iski puja karne se in sabhi ki ek sath kripa sadhak ko prapt ho jati hai, uske purvajanm krit papon ka kshay ho jata hai aur dhan samriddhi ka sanvardhan hone lagta hai. shri yantradhishthatri man bhagvti rajrajeshvari lalita mahatripursanudri uski sukh samriddhi, dhan, aishvarya, man-samman, saubhagya adi ki kamnaen puri kar deti hain. jahan par vidhi vidhan ke sath astha aur nishthapurvak shriyantra ka pujan kiya jata hai vahan sakshat mahalakshmi vas karti hain. yantra aur mantra ke mel se puja karne se fal shighra milta hai.