shakun evan svapn shastra ki vaigyanikta kalpana tivari manav aur prakriti ka sanbandh shakti aur gun sutron se jura rahta hai. brahmandiya urja prakriti ke vibhinn madhyamon se ek chainal ke dvara prithvi mandal tak pahunchakar manushya tatha anya prani matra ko prapt hokar unke artaman ko prabhavit karti hui shakun aur svapn ke rup men vyakt hoti hai. is sanpurn prakriya ko vaigyanikon ne apne sukshm adhyayan aur prayogon dvara siddh kiya hai. nimitt shastra evan shakun shastra jyotish ki ek pramukh shakha hai. shakun ka arth hai kuch abhas hona tatha nimitt ka arth hai, prashnakarta jab koi prashn karta hai us samay koi ghatna ghatit hona. jyotishi in shakunon evan ghatnaon ke madhyam se prashnakarta ke prashn ka uttar jan sakta hai. ek am vyakti bhi jisko jyotish ki jankari nahin hai, shakun evan nimitt shastra ke madhyam se apne prashn ka uttar jan sakta hai. vah prashn karte samay apne aspas ke vatavaran men vidyaman sanketon ke madhyam se us prashn ke parinam ke bare men jankari prapt kar sakta hai. shakun shastra ki vaigyanikta vaigyanikon ka dava hai ki ki bhachakra ke sabhi grahon se kuch urja pravahit hoti rahti hai. jab yah urja ekatrit hoti hai to ise plenetri urja flaks kaha jata hai. jarman daektar arnast hartamain ne dvitiya vishvayuddh ke bad yah pratipadit kiya tha ki grahon se niklne vali rashmiyan prithvi ke charon or ek jal-sa bana leti hain. unke pashchat bil bekar evan bath hegan ne bhi yah pratipadit kiya ki hamari prithvi sahit samast brahmamand ek grid plet se ghira hua hai. aur yah grid plet hi samast brahmand men urja pravahit karti hai. yahi grid plet sanpurn brahmand ke urja pravah ka bahut mahatvapurn srot hai jo sanpurn brahmand ko ek kram men jorta hai. is grid plet ki rekhayen uttar se dakshin evan purva se pashchim ki or urja pravahit karti hain. vaigyanik dava karte hain ki uttar se dakshin ki or jane vali rekhaen 6 fit 8 inch chairi evan purva se pashchim ki or jane vali rekhayen 8 fut 4 inch chairi hain. lagabhag sabhi lainen 9 inch chairi hai. harman batate hain ki jahan par inmen koi bhi do lainen ek dusre ko katti hai us sthan ko harman naet ka nam diya gaya hai. us jagah par bahut lanba samay bitana bahut hanikarak hota hai. daektar arnast hartamain ji ne in hartaman lainon ki khoj 1951 men ki thi. is grid ki rekhaon ki duri vaigyanik yah bhi dava karte hain ki ye urja rekhaen pakshiyon evan janvron ko dikhai deti hain aur pakshi inhi rekhaon ka prayog karke ek sthan se dusre sthan par jate hain. grahon se niklne vali urja pahle grid plet ke pas pahunchti hai. jab sakaratmak urja pravahit hoti hai to vah urja pravah saras evan sugam hota hai. parantu nakaratmak urja ka pravah alag rup men pravahit hota hai. jaise ki jab bhukanp ane vala hota hai to ek tivra spaik grid plet par ubhar jata hai. vaigyanik maidis sainar ke anusar grid plet se pravahit hone vali grahon ki enarji ko prithvi ke dakt grahan karte hain. ap in dakton ki ek aise paip ke rup men kalpana kar sakte hain jo ki grid plet se urja lekar prithvi par pravahit karta hai. prithvi ki satah par aise anek dakt hain jo grahon ki urja ko prithvi par nirantar pravahit karte rahte hain. yahi urja manvon, janvron, pakshiyon evan samudro v paharon, dvara grahan ki jati hai. yah urja manushyon ke vicharon evan kriyaon ko purn rup se prabhavit karti hai. is prakar bhachakra men hone vali ghatnaon men paraspar sanbandh hota hai. hamare mastishk men achanak kisi vichar ka ana bhi isi urja ka prabhav hai. yadi koi vyakti yah janna chahta hai ki uski naukri lagegi ya nahin to us samay kis prakar ki urja pravahit ho rahi hai yah vichar usi ka parinam hai aur us vakt pravahit hone vali sakaratmak evan nakaratmak urja iske upar ki or shakunon evan nimitton ke madhyam se sanket karti hai. yadi urja ka pravah sakaratmak hai to shubh sanket aenge nahi to ashubh sanket dikhai denge. is prakar nimitt evan shakun shastra apne ap men purn uttar nahin hai varan yah shubh evan ashubh parinam ki or sanket deta hai. dusre shabdon men yah hamare karm fal ke anusar grahon se ane vala sanket hota hai. is drishti se prithvi ko ek urja-bajat ke rup men dekha ja sakta hai jismen anya grahon se ane vali urja tatha prithvi se niklne vali urja ka hisab-kitab hota hai.
Kya aapko lekh pasand aaya?
Subscribe