vividh svapnon ke nihitarth jay indar malik svapn ke bare men anek mat paye gaye hain. hamare prachin granthon men is vishay par bahut charcha ki gai hai. svapn ki prayah tin avasthayen hoti hain. jagrit avastha svapn avastha sushupti avastha rat ko pahle pahar men ane vale svapn prayah bure hote hain. adhi rat ke bad vale sapne karib-karib shubh mane jate hain. svapn kai prakar ke hote hain. jaise achche fal vale ashubh samay ka purvabhas karane vale aur kuch nishfal hote hain. manushya jagrit avastha men jin-jin vishyon ka chintan karta hai athva jin-jin vastuon ko dekhta hai athva kisi ghatna-vishesh ke bare men sunta hai, unhin se sanbandhit bhinna-bhinn sanyogjnit anek prakar ke svapn dekhta hai. svapn lok kuch aisa hi hai jahan hamen apne ichcha ke viruddh bhi jana parta hai. hamari kuch ichchayen jo samaj ke bhay se jagrit avastha men puri nahin hoti ve svapn dvara puri hokar man ko tript karti hain. shubh svapn fal tatha uska vichar urna, divar par charhna, per se kudna adi ka arth sankton ko asani se par karna hai. svapn men dusre ka chashma lagane ka arth hai dusre ki ray se prabhavit hona. jalti ag dekhe to samasya par vijay mile. jalta dipak dekhna asha puri karta hai. daurta hathi dekhna sukh-samriddhi ka suchak hai. apne ghar men ag lagi dekhna karya purti ka hona. unt dekhe to vivek se kam lene par labh milta hai. dant ukhrna prem kam hona. svayan dant ukhare to naya prem ho. jalte chulhe par roti banana shubh hota hai. svapn men bas ya trak chalana dekhe to samjhen, bahut bara avasar milne vala hai. gay, madhumakkhi ya mor dekhne ka arth bhautik samriddhi milne vali hai. badal dekhna tarakki ho. am khana, dhan mile. ghanghor ghata dekhna- raja se labh. ghore par charhna- vyapar men labh katghre men sher dekhna - shatru se bachna. tanbu dekhna - naya kam banega. dhol bajana - saflta milne tatha lanbi yatra ka pratik hai. machli pakre ya kisi ko machli pakrte dekhe to vyaparik saflta milti hai. divar men kil thokna - kisi vriddh se labh milta hai. safed ful dekhna - dukhon se chutkara mile. sugandh lagana- man-samman prapti suchak hai. chandi dekhna - dhan evan ahankar men vriddhi ho. havai jahaj dekhna- yatra ho. samudra dekhna - dhan yash ki prapti ho. puja karna: achanak dhan mile. ek anguthi pahnna - dhan labh tatha prasannata barhe. moti dekhna: larki paida ho. arthi dekhna- rog se mukti v ay men vriddhi. svapn men yadi koi marg roke, age barhne n de to ap mitron ki bat man kar chalen. kisi khoi hui vastu ko svapn men pana: ane vale jivan men sukh milta hai. sar ke bal kate dekhna - rin mukt ho. munshi svapn men karyalyon ke rajistaron ya bahi khate men galtiyan pata hai to vah apne malik ke achche kam ka yash pata hai. yadi svapn men ghar men kisi ki mrityu par sabhi vilapakar rahen ho to lakshmi aur sukh milta hai. yadi sapne men vyakti bulbul dekhe to vidvan se labh milta hai. ashubh svapn fal khule kesh vali vidhva ko lal ya shvet vastra pahne hanste huye apni or ate dekhna mrityu ya mrityu tulya kasht. sir ya chati par tar ya kale falon ka girna bhi mrityu tulya kasht ka pratik hai. apne sharir men tel lagana, nritya gityukt vivahotsav ko dekhna karya ki viflta ka suchak hai. yadi svapn men apne ap shish torte huye dekhe to parivar men kisi ki mrityu hone ke sanket hain. yadi svapn men koi chitiyon ko mare to vyapar men hani. svapn men rota hua bachcha dekhe to bimari aur nirasha ka suchak hai. yadi svapn men ap barf girti hui dekhe athva svayan ko barf men dekhe to samjhen, shatruon dvara bara shadyantra racha ja raha hai. yadi svapn mane pani men dub rahe ho ya dubne se bachne ka prayas kar rahe ho to samjhen, kisi sankat men fansne vale hain. jalti hui ag dekhe to shatruon se hani hone vali hai. yadi upar se gir rahe ho to avnti ka sanket hai. yadi ap ke hath men talvar ya astra ho to kisi se bhavishya men jhagra hone vala hai. yadi apne hath men sona dekhe to jo kam ap kar rahe hain use chor den. yah asafal hone ke sanket hain. sapne men khargosh dekhna durbhagyapurn hai. yadi sapne men machli pakrte hain ya kisi anya ko machli pakrte dekhte hain to apko asflta ke sath nirasha milne ka sanket hain. yadi sapne men surma laga rahe hain to rog se kasht milne ka sanket hai. basuri baja rahe hain to pareshani ane vali hai. roti khana- bimari ka sanket hain. yadi svapn men andhi ati dekhe to yatra men kasht aye.
Kya aapko lekh pasand aaya?
Subscribe