hastakshar dvara vyakti ki pahchan dae. dalip kumar duniya men do hi chijen kinhi do vyaktiyon ki ek jaisi nahin ho sakti. pahli, hath ki lakiren v dusri uski likhavat. vyakti ki likhavat uski apni asliyat hai. hastakshar vishleshan ke sutra yadi hastakshar spasht ho tatha unse hastakshar karne vale vyakti ka pura nam pata chalta ho to vyakti spashtavadi, khule man ka aur adhik vishvasniya hota hai. uske sabhi karyon men paradarshita hoti hai aur yadi hastakshar aspasht ho v unse nam parhne men kathinai ho aur unse hastakshar karne vale ke bare men pata nahin chalta to vyakti rahasyamyi prakriti ka hota hai jo apne vishay men adhik jankari nahin dena chahta tatha apni asli pahchan agyat rakhna chahta hai. yadi hastakshar bahut chote ho ya shabdon ko tor-marorakar kiye gaye hane, aur parhne men n aye to vyakti chalak hota hai tatha dusron ko nuksan pahuchanen men agrasar rahta hai. yadi hastakshar kalatmak dhang se kiye gaye hane to vyakti kalapriya, kavi, gayak, umangshil tatha ati utsahi hota hai. yadi hastakshar saral rekha men sidhe-sidhe ho to vyakti saf dil tatha saral svabhav ka hota hai tatha har hal men khush rahne vala hota hai. yadi hastakshar niche se upar ki or ja rahe hain to vyakti adhik mahatvakankshi, pratyek karya men ishvar men puri astha rakhne vala tatha ashavadi hota hai. iski viprit disha men jane se vyakti ke svabhav men nakaratmakata adhik hoti hai tatha vyakti avyavharik hota hai. yadi hastakshar spasht ho tatha antim akshar ke bad ek lanbi rekha ho to vyakti gyani, vidvan, samajsevi, paropkari, shikshak v lekhak hota hain aur hamesha dusron ki sahayta ke lie tatpar rahta hai. yadi hastakshar ke ant men ek bindu ho to vyakti apna shuru kiya hua karya pura jarur karta hai aur yadi hastakshar ke niche do laine hon to bhavukta aur jivan men asuraksha ki bhavna adhik hoti hai. vahin hastakshar ke antim akshar ke niche bindu hone se vyakti bahut vidvan v apne kshetra men prasiddh hota hai. hastakshar men lup hone par vyakti bhagyashali v dhani hota hai tatha hastakshar men aksharon ke bich duri hone se vyakti kharchila hota hai aur dhan sanchay nahin kar pata hai. hastakshar men aksharon ko ek sath jorakar likha gaya ho to vyakti kanjuns v dhani hota hai tatha ek samay men ek se adhik karya karta hai. yadi hastakshar ke niche puri lain ho to vyakti atmanirbhar hota hai tatha sabhi ka dhyan apni or akarshit karne ki koshish karta hai. hastakshar bahut bare hon to vyakti men atma-vishvas adhik hota hai tatha vah chahta hai ki anya sabhi uski or vishesh dhyan den. hastakshar ke aksharon men kant-chant hone se vyakti ke man men jyada uthl-puthal tatha mansik tanav rahta hai. hastakshar ka pahla akshar bara ho to vyakti vyavhar kushal, mridubhashi tatha samaj men man-samman prapt karta hai. yadi hastakshar ke antim akshar ke bad sirf lain ho to vyakti badle ki bhavna rakhta hai. yadi hastakshar shighrata se likhe gaye ho to vyakti chust, furtila v tivra buddhi vala hota hai. kalam par jor de kar hastakshar karne vala vyakti hathi, uttejak tatha bhavuk hota hai. hastakshar men nam tatha upnam pura likha ho to vyakti apne sath-sath parivar ka bhi dhyan adhik rakhta hai tatha bhagya ka dhani hota hai. yadi hastakshar men keval ek nam ho to vyakti parivar se adhik apna mahatva adhik manta hai.
Kya aapko lekh pasand aaya?
Subscribe