svapn yatra jyotishiya drishtikon  

svapn yatra - jyotishiya drishtikon rekha kalpadev svapn men manushya ki ruchi hamesha se hi hai. hamare ved-puran men bhi svapn ke bare men jikra kiya gaya hai. ‘agni puran’ men svapn vichar aur shakun-apshkun par bhi vichar kiya gaya hai. hamare rishi-muniyon ke anusar sapnon ka ana ishvariya shakti ka vardan hai aur nidra ki chaturth avastha ya ratri ke antim prahar men ae svapn vyakti ko bhavishya men ghatit hone vali ghatnaon ka purvabhas karate hain. svapn ka sansar bara hi adbhut hai aur chamatkari bhi hai kyonki is nidra yagya men insan un unchaiyon ko chu leta hai, jiski kalpana tak jagrit avastha men koi vyakti nahin kar pata. hamare mastishk ko din bhar jo siganal milte hain aur bhavnayen jagrit hoti hai jinhen ham chah karke bhi nahin prakat kar pate ve hamare avchetan man men darj hote jate hain. rat ko jab sharir aram kar raha hota hai tab ye svapn rup men prakat hote hain. chetna ki drishti se atma ki char avasthaen hoti hain- jagrit - jagne ki sthiti, jismen sab indriyan purnatah apne vishyon men raman karti rahti hain. svapn - vah sthiti, jismen indriyan apne vishyon men raman karti rahti hain. sushupti - vah sthiti, jismen man bhi so jata hai, svapn nahin ata, kintu jagne par yah smriti bani rahti hai ki nind achchi tarah ai. turiya - vah sthiti, jismen sopadhik athva koshaveshtit jivan ki sanpurn smritiyan samapt ho jati hain. suryoday se kuch pahle arthat brahm muhurt men dekhe gaye sapne ka fal das dinon men samne a jata hai. rat ke pahle pahar men dekhe gaye sapne ka fal ek sal bad, dusre pahar men dekhe sapne ka fal chah mahine men samne ata hai. svapn ke sandarbh men svapn jyotish ke anusar svapn char prakar ke hote hain- pahla daivik, dusra shubh, tisra ashubh, chaitha mishrit. daivik v shubh svapn karya siddhi ki suchna dete hain. ashubh svapn karya asiddhi ki suchna dete hain tatha mishrit svapn mishrit faldayak hote hain. aisa mana jata hai ki yadi koi bura svapn dikhai de, to nind khulte hi apne aradhya ko dhyan karke pani pi lena chahie. iske pashchat fir sona nahin chahie. aisi manyata bhi hai ki din men dikhai dene vale svapn nishfal hote hain. svapnon ka jyotishiya fal - shubh/ashubh: jyotishshastra v anek puranon evan sahinta granthon men svapnon ke shubhashubh fal ka vistrit varnan diya gaya hai. anekon bar svapn ke madhyam se hamen bhavishya men hone vali shubh ya ashubh ghatna ka sanket milta hai. shubh-faldayak svapna: jyotishiya drishtikon se nimn svapnon ka shubh fal prapt hota hai - svapn men dev darshan, pitri darshan, bhai-bahan aur kutunbiyon ka dikhai dena manorath purn hone ke sanket karta hai. yadi ap svapn men svayan ko mal men lipta hua pate hain ya sanp ne apko kat liya hai, to iska matalab hai ki apko dhan ki prapti hogi. sapne mane apke sir par sanp kat le, to ap raja tak ban sakte hain. svapn men mrityu, shmashan men antyeshti, shav adi dikhai dete hain to shubh-labh, unnati aur manorthon ki prapti hoti hai. svapn men mrityu dekhna, lash dekhna, pakhana dekhna adi shubh evan hathi ya ghore dvara picha karna koi bara samman ya padonnati dilata hai. svapn men sundar stri ya apsara dekhna premi ya premika se milap karata hai. svapn men dant tutna ya nakhun katna karj se mukti, tren dikhai dena yatra karak, bag-bagicha ya hara-bhara maidan dekhna, chinta se mukti dilata hai. svapn men apne ko urta dekhna- yah atmavishvas ya svatantrata evan moksh ka darshan hai. adhunik vichardhara ise asadharan kshamata ke pratik ke rup men dekhti hai. yadi svapn men ghore dekhen- ghore ka dikhna svasth hone ka suchak hai. yah paroksh darshan ki kshamata sujhata hai. kuch log iska sanbandh prajanan se jorte hain. yadi svapn men kabutar dikhai de to yah shubh samachar ka suchak hai. jyotishiya drishtikon se nimn svapnon ka ashubh fal prapt hota hai: yadi ap svapn men tuta hua hathiyar dekhte hain to iska fal ashubh hai arthat jivnsathi ke milne men vilanb hoga. agar yahi svapn yuva larki dekhti hai to bhi yahi fal prapti hogi. yadi svapn men kisi vyakti ko gadhe ki chikh sunai de to yah dukh ki or sanket karti hai. vyakti ko kisi prakar ka koi kasht ya vipÿia ane ki sanbhavna hoti hai. yadi svapn men kisi vyakti ko sanp dikhai dete hain to nishchit hi uski kundli men kalasarp yog hoga. sote hue sarp ko apni taraf ate dekh ghabra jana, pani par tairta hua sanp dekhna, sanp ko urta hua dekhna, sanp ke jore kea hath pairon men lipta hua dekhna adi kundli men kalasarp yog ka pratik hota hai. yadi svapn men koi vyakti khud ko chaval khate dekhe to us vyakti ko alg-alag kai safltaen aur asfltaen prapt hoti hain. sapne men chaval dikhai dene par vyakti ko kari mehanat ke bad bhi bahut kam dhan prapt hota hai. yadi koi vyakti sapne men khoti chandi prapt karta hai to iska matalab yahi hai ki nikat bhavishya men apke dhan ki hani ho sakti hai. ghar ki sukh-samriddhi buri tarah prabhavit hogi. yadi vah vyakti vyapar karta hai to use hani uthani par sakti hai. yadi svapn men vyakti khud ko chandi ko galate hue dekhta hai to use apne hi logon se nuksan ho sakta hai. mitron se bair hone ki sanbhavna banegi, chintaen aur dukh men barhoÿari hogi. yadi svapn men chandi ki khan dikhai de, to use badnami jhelni par sakti hai. isi vajah se aisa sapna dikhai dene par savdhan rahne ki avashyakta hai. yadi svapn men vyakti khud ko roti banata dekhe, to yah rog ka suchak hai. vartaman men ap kisi khubsurat yuva stri se pyar kar rahe hain aur rat ko svapn men apne dekha ki bhalu apke samne khara hai to mamla garabar hai, iska fal apke lie shubh nahin hai, kyonki svapn men bhalu dekhna is bat ka suchak hai ki apki premika par koi dusra purush bhi dore dal raha hai aur vah uski or khniachti chali ja rahi hai jo nishchay hi apke lie shubh nahin hai. svapn men devtaon, pishachon aur rakshason ke vikral darshan, narak ke drishya v barf girte dekhna ashubh mana gaya hai. agar apko lagatar bure sapne ate hon, to uske ashubh fal se bachne ke lie ye upay apke lie labhdayak ho sakte hain- bure svapn ko dekhakar yadi vyakti uthakar punah so jae athva ratri men hi kisi ko bata de to bure svapn ka fal nasht ho jata hai. subah uthakar bhagvan shankar ko namaskar kar svapn fal nasht karne lie prarthana kar tulsi ke paudhe ko jal dekar uske samne svapn kah den. isse bhi bure sapnon ka fal nasht ho jata hai. apne guru ka smaran karne se bhi bure svapnon ka falon ka nash ho jata hai. dharm shastron ke anusar rat men sote samay apne aradhya ka smaran karne se bhi bure sapne nahin ate. chikitsa-vigyan aur jiv- vigyan ke anusar duahsvapn ya mrit praniyon ko sapne men dekhna koi nai bat nahin hai. ayurved men iski vistar se charcha hai. vat asanutalan karne vali shaili ko apnana iska ilaj mana gaya hai. yogshastra ke anusar pranayam, sammohan, kaunsling, dhyan, yog, jalneti aur niyamit rup se kasarat vagairah se duahsvapn ke shikar logon ko kafi madad milti hai.