yah bhi svarup hai shakun aur apshkun ka rajeshvar maharaj arddharatri ke bad ullu ghar ki chat par bole to chori hone ka sanket hota hai. kisi stri ke piche se ullu ka svar sunai pare to vah pret-badha se grast hoti hai. rat men chamgadar sir se takrae to vyapar men hani hoti hai. ghar men chamgadar ka basera pretvas ka pratik hai, ise pretvahan bhi kahte hain. yatra hetu prasthan karte samay sukhe per par giddh baitha dikhai pare to yatra nirast kar deni chahie. ghar ki chat ki divar par chil akar baithe to us ghar men vipatti ane ka sanket manna chahie. kaue ka piche se bolna shubh hota hai v karya siddhi hoti hai. chonch men tinka lie hue kaue ke darshan hone se dhan ke atirikt anya vastuon ki bhi prapti hoti hai. ratri men yadi ullu bhare svar (hon hon) men bole to shubh hota hai tatha dhan ane ki sanbhavna rahti hai. ghar se niklte samay yadi murga dai or se bole to manobhilasha purn hoti hai. pratah murge ka bolna bhavishya men shubhta ka pratik hota hai. yadi kabutar purva disha men pratham prahar men bole to dhan-prapti hoti hai, yadi dakshin men isi kal men bole to asha se adhik dhan ki prapti hoti hai. ghar se niklte samay bani or se gay ka ranbhana shubh hota hai. ghar se niklte samay yadi gay khuro se bhumi khurche to rog hone ka sanket hota hai. yatra par jate samay bai or se bandar ka dikhai dena shubh hota hai. rajeshvar maharaj ghar se niklte samay billi mukh men mans ka tukda liye dikhai de to shubh hota hai. yatra par jate samay hathi ka dikhna, sund upar karke dai or karna shubh hota hai, karya siddh hota hai. yatra par jate samay varah (suar) darshan shubh hota hai. yadi shvan (kutta) bhumi par sir ko ragre to vahan gupt dhan hota hai. yadi shvan kisi ki charpai ya palang ke niche bhaunke to us vyakti ko rog hota hai. yadi vayavya kon ki or munh karke shvan rudan kare to andhi, tufan jaise prakritik prakop ki ashanka rahti hai.
Kya aapko lekh pasand aaya?
Subscribe