vikat svapnon ka sahaj dispojl  

vikat svapnon ka sahaj dispojal pan. mahesh vyas nidra men kai bar bhayanak chijen dikhai deti hai jinko dekhakar ham uth khare hote hain jaise koi pareshan bachcha, bhatkti atma, kankal, astra-shastra, jangli janavar adi. aise svapno ke nidan ke lie kuch achuk aur prabhavshali upay karke ap nishchay hi kafi had tak fark mahsus karegen. svapnon men nadi, jharna, pani dikhai de to yah ‘pitri’ dosh hota hai kyonki aksar pitron ke sthan nadiyon v talabon ke samip hi bane hote hain. is dosh nivaran ke lie amavasya ke din safed chaval, shakkar v ghi ka mishran pipal ke ped par suryast ke bad charhaen. yad rahe chaval charhakar lautte samay piche murakar n dekhen aur ghar men pravesh karne se purva hath-munh dhokar pravesh karen. pitron ke nimitt dan kare. pitron ke nimitt jalashyon ka nirman karaen. svapnon mane atma, kankal, haddiyon ke dikhne par, sarvapratham ham jis ghar men rahte hain vahan durgapath ka ayojan rakhen aur brahmanon dvara kam se kam 51 ya 101 path jarur karaain. anya ashubh svapnon ke lie nimn men se koi bhi upay karen. usse aise dusvapnon ka dushprabhav nahin parega. pratidin sundarakand ya hanuman chalisa ka path karen athva hanuman mandir men jakar pratidin sindur tilak karen ya batuk bhairav ya hanuman ko chola charhaen. sote vakt takiye ke niche koi lohe ki chij rakhakar soen ya shayan kaksh men sote vakt dahine hath ki or pani se bhara tanbe ka chota patra rakhe. vishnusahasranam ka niyamit path karen aur pratidin bhagvan shankar ko kachcha dudh arpit kare tatha baron ki seva karen. shami banaspati ko apne pas men rakhakar sone se bhi bure sapnon ka nidan hota hai. gajendra moksh ka path karna bhi uttam hai. rasoi men agney kon ki or tel ka dipak rakhe. is dipak men sindur dal den. dipak ki lau samapt hone par sindur ka halka tilak karen. shivpanchakshar stotra ka path karen. shri hanuman ji ki tasvir apne sirhane rakhen.