svapn aur shubhashubh fal vichar gopal raju svapn damit ichchaon ki parinti hai, yah satya hai. parantu mithya yah bhi nahin hai ki unmen bhavishya suchak anek pratyaksh aur paroksh sanket chipe hue hain. yadi unhen bhalibhanti samjha aur jana ja sake to kitne hi prakar se labhanvit hua ja sakta hai aur anyon kea bhi labh paheuchaya ja sakta hai. ae din anubhav men ane vale svapn darshan aur unke shubhashubh fal vichar iske sakshi hain. ratri ki nirvta ho ya din ki shanti, is sthiti men chetna jab nidrakal men shithil parti hai aur uttejna rahit hoti hai to prakriti ke garbh men pal rahe ghatnakramon ko pakrne ki kshamata arjit kar leti hai. isi ko samy-samay par sanketon ke madhyam se prakat bhi kar deti hai. islie sapne sada nirarthak tatha nirudeshya nahin hote. kitni hi bar unmen sarthak sanket bhi chipe hote hain, is tathya ko aj vishva star par svikar kar liya gaya hai.
svapn shastra men sapnon ko kul sat prakar ki shreniyon men rakha gaya hai arthat 1. drisht 2. shrut 3. arthabhut 4. prarthit 5. kalpit 6. bhavit 7. doshaj. inmen se pratham panch prakar ke sapnon ka koi bhi shubhashubh fal nahin hota. parantu shesh do bhavit aur doshaj shreni ke svapn apna kuch n kuch prabhav avashya dikhate hain.
bhavit svapn vah hain jo shuddh aur satvik vyaktiyon ko devlok se svatah pratyaksh rup se shubh fal ka sanket dete hain. jo vishay kabhi bhi dhyan men n aya ho, usse sanbandhit svapn bhavit mane gaye hain. inka shubhashubh fal der-saver milta avashya hai. jo is bat par nirbhar karta hai ki us kal men vyakti vishesh ke grahon ki dasha-antardasha adi ki balabal ke anurup kya sthiti hai.
sattar pratishat se adhik svapn doshaj shreni men ate hain. ye adhikanshtah falit nahin hote. anidra, asvasth sharir, din ke samay dikhai dene vale svapn bhi isi shreni men ate hain jo nidra se jagne ke bad samanyatah yad bhi nahin rahte.
svapn vichar granthon men likha hai ki aruchikar, daravne athva anya kisi bhi prakar ke dusvapn nidra se uthne ke bad kisi ko bhi nahin batane chahie. yadi aise svapn aen to ganga jal sevan karke punah so jana chahie. agle din pratah sarvapratham gay, mor, devalay, saubhagyashali nahai-dhoi shranrigaryukt stri athva satvik aur puja-pathi brahman adi ke darshanon se aise sapnon ka dushprabhav svatah hi samapt ho jata hai.
ashubh svapn ke dushprabhav se yadi akaran bhay utpann ho raha hai to pratah naha-dhokar til se agni men hom karna labhdayak siddh hota hai. supatra ko shraddhabhav se aur yathasamathrya dan dene se bhi ashubhta ki sanbhavna kam hone lagti hai. saubhagya se yadi chitt ko sukhad lagne vale arthat kisi prakar ke achche sapne dikhai den to unko sada gupt rakhna chahie kyonki ismen hi shubhta ka bhed chipa hai. sanbhav ho to nidra tyag kar aise sapnon ko siddh karne ke lie niyamanusar aur shastrokt kram-upakram kar lena chahie.
jo sadhak svapna-darshan se bhavishyafal ki siddhi ke ichchuk hain ve ek saral se manibhadra prayog dvara ismen siddh hast ho sakte hain. yadi apne svayan ke grah-nakshatranusar ishtasiddhi ka prabal yog hai aur dusre sanyam aur astha ka purn bhandar sadhak men nihit hai to shubhashubh ka purvabhas svapn men avashya hone lagega.
sanymit aur satvik jivan shaili se 21 dinon tak nitya ratri men sone se purva til ke tel ka ek dipak jalaen. usmen ek pili bari kauri sthapit kar den. svapneshvari devi ka dhyan karke 21 mantra bar jap karen. iske bad manibhadra mantra ki 21 mala jap karen. antim din kaner ke lal pushpon ke sath dipak men se kauri nikal kar kisi tanben ke chote se patra men band karke rakh len. bad men jab bhi sapne men kuch janne ki ichcha ho to sone se purva hath-pair achchi tarah dhokar yah patra sir ke samip rakh len aur devi ka dhyan tatha manibhadra mantra ka jap kar apne isht karya ko sapne men murt hone ki kamna man hi man dohrate hue so jaen.
svapneshvari mantra-
un shrin svapneshvari karya me vad svaha.
jap mantra-
un namo manibhadray netkay sarvakarya siddhaye mam svapn darshanani kuru kuru svaha.