bahut pahle se hamare shastra men shakunon ke bare men ghatnaon ke anusar varnan hai. sansar men sabhi jatiyon, dharmon aur sanpradayon men svapnon ke bare men manyata hai. jaise kaua pakshi ka bolna yah sanket deta hai ki aj koi mehman ane vala hai. billi ka rasta katna, chink ka a jana, chipkli ka gir parna. ramayan men shubh/ashubh shakunon ke anek udaharan hain.
jab ham shakun par vichar karte hain to kai prakar ke vichar mastishk men ate hain, pakshiyon ke bare men, pashuon ke bare men, sharir ke angon ke farkne ke bare men, chink ke bare men aur anyanya jantuon ke bare men.
prachin kal men hamare paramparagat rishi vanon men rahte the. ve apni jivan shaili ke sath-sath banon men rahne vale sabhi prakar ke jivon ka, unke acharan ka gahan adhyayan karte the. ve hi anubhav kalantar men pramanik shakun lakshan ho gae. jaise ki tulsidas ji dvara rachit ramchritmanas ki kuch chaipaiyon men ram vivah se sanbandhit udaharan diya. yah shakun prasang shri ramji ki van yatra ke pashchat dasharath ji ke dehant ke bad bharat ji ko vashishth ji maharaj ne jab bulvaya, tabka shakun lakshan hai. tab bharat ji ko jo svapn hua uska varnan in chaipaiyon men hai.
dekhhi rat bhayanak sapna. jag karhi kar koti kalpana..
vipra jevai dehi din dana. shiv abhishek karhi vidhi nana.
asgun hoi nagar pethai, rathi kubhati kukhet katara.
khar siyar bolhi pratikula, suni suni hoi bharat man suna..
pakshi sanbandhi shakun
aise pakshiyon men ullu, baj, koyal, murga, kauva, kabutar adi shamil hain. ullu ki avaj adhikatar ratri ke samay men sunai deti hai. yadi uski avaj ratri ke pratham prahar men dusre prahar men tatha chaithe prahar men sunai de to abhilasha ka pura hona, arth labh hona, vyapar men labh hona, rajdrbar men labh hona adi shubh shakun hai. parantu ek hi disha men bar-bar avaj hona, uska dikhna, jyada kalyankari nahin hai. aisa hone par vyakti ko savdhan ho jana chahie kyonki vah manushya ko nishchit rup se svasthya ki hani karta hai.
baj pakshi din ke pratham prahar men purva disha men dikhai de ya avaj sunai de to yah shubh lakshan hai. aisa lagatar hone par achcha ann utpadan (kheti) hoga. parantu anya samay men uski avaj sunai de to rajya se pareshani hone ki sthiti ati hai.
din ke pratham prahar men koyal ki avaj sunai de to hani hoti hai. aisa sunne men aya hai ki adhikatar koyal ka jyada bolna lagabhag haniprad hi hota hai. islie is sandarbh men jab bhi aisi avaj sune to vahan se hat jana chahie.
din ke pratham prahar ya dusre prahar men murge ki avaj sunai de to kisi purane vyakti se milan hota hai tatha sukh suvidhaon men barhottari hoti hai. tisre aur chaithe pahar men sunai de to chot lagne tatha jalne ka yog rahta hai.
pratham pahar men kaue ki avaj sunai de to mehman ka ana hota hai. dusre pahar men vyapar men labh hota hai. parantu tisre aur chaithe pahar men kharab sandesh prapt hoga. pratham prahar men dakshin disha men kaue ki avaj sunai dena arth labh karata hai. madhyanh men sunai de to pad ki prapti hoti hai. kisi nagar ya gram men kauon ka jhund ikttha ho to vivad ka karan banta hai. ghar par bahut sare kauon ka baithna mrityu tulya kasht deta hai. chalte hue sir par kauon ka sparsh karna bhi svasthya aur ayu ke lie achcha nahin hota.
divas ke pratham pahar men kabutar ki gutar gun sunai de to arthalabh hota hai. tisre pahar men sunai de to vivah ya prem-sanbandh ki sthiti ati hai. parantu chaithe bhag men sune to karya men hani hone ka yog rahta hai. kabutar ka sir ke upar se urna jivan ke kashton ko kam karta hai. kabutar ka kisi sthan par rahna us sthan ke rahne valon ko nuksan pahunchata hai. is prakar ke pakshiyon se sanbandhit apshkunon se bachne ke lie garibon ko anna-dan, vastra-dan aur til v teliya padarthon ka dan karna chahiye.
pashu sanbandhi shakun
yatra ke samay men billi agar rasta kat de to ashubh mana jata hai aur billi dvara sharir ke kisi hisse ko chatne se parivar par athva sharir par bari vipatti ati hai, parantu yatra ke samay bain or vapsi par dai or billi dikhai de to shubh mana jata hai.
agar suar dikhai de to achcha hota hai. parantu vahi agar kichar men sana ho to jyada achcha nahin hota.
bandar yadi bain or dikhai de to shubh mana jata hai.
agar yatra par jate samay gadha piche se bole to shubh mana jata hai. parantu samne se ane par ashubh mana jata hai.
bail athva bhains ka dain or dikhna ashubh mana jata hai.
marg ki dahini or kutta dikhai de to shubh mana jata hai. kutta apne ap ko khujlata ya jhirkta hua dikhai de to achcha nahin mana jata hai.
agar yatra men hiran dikhai de to shubh mana jata hai. parantu kale hiran ka dikhna achcha nahin hota.
siyar ka dikhna bhi jyada achcha nahin hota. yah asflta ka suchak hota hai.
sharir ke angon ka farkna
manushya men purush ka dahina ang farkna kalyankari hota hai. banin taraf ke ang ka farkna stri ke lie mangldayak hota hai. parantu mastishk, muladhar, hriday ka farkna stri, purush donon ke lie shreshth hota hai. sir, garadan aur dahine kan ke farkne par saubhagya, videsh yatra athva videsh se labh hota hai. dahini ankh farkne par mitron se athva priya logon se bhent hoti hai. isi tarah gal farkne par svasthya labh hota hai. nak ke farkne se dhan labh hota hai par bain taraf farkna chinta utpann karta hai. donon nathunon ke farkne par man-samman prapt hota hai. baju, kohni aur kandha farkne par ichcha purti hoti hai. hath ki hatheli men farfdahat hone par karyon men saflta milti hai. pith, pasli, kamar farkne par santan sanbandhi labh hota hai. pair, takhna v ghutne ka farkna jatak ko kathinaiyan deta hai. pair ki ungliyan farkne par pratishtha milti hai aur achchi yatra hoti hai.
chink: chink ko bara prachin shakun mana jata hai. hamare shastron men prachin kal men aisi manyata rahi hai ki chink ke madhyam se sharir se kharab atmaen bahar niklti hai.
khud ke chink ane par kisi bhi karya ke aranbh men shubh mana jata hai. par koi aur chinke to samay v disha ka vichar karna chahie. videshon men bhi chink ke bare men anek manyataen hain.
briten men koshta jati ke log chink ke shakun par vichar karte hain. gulu jati ke log chink ane par achcha mante hain. jamaika ke log chink ane par aisa mante hain ki koi unki burai kar raha hai. estantika ke vasi chink ane par aisa mante hain ki kanya santan ki utpatti hogi. aur do logane ko chink ane par putra santan ki utpatti hogi. jarmani men yatra ke shuru men chink ane par shubh shakun mante hain. muslimon ki chink ke bare anya ray hai. unke anusar chink ane se ratri men kuch shaitani atmaen ghar men a jati hain aur chink ane par nak ko band karti hain. yunani log chink ko daivi ki krira mante hain. yatra ke samay chink ane par, sardi ke samay chink hone se, vastavikta se chink sunai dene par, dusron dvara chink ane par alg-alag fal hote hain. bhartiya sanskriti men chink ka alg-alag sthiti men alg-alag fal hai. kuch kharidte samay, dharmik anushthan ke samne, vyapar shuru karte samay, makan pravesh ke samay, dava khane ke samay aur yatra ke aranbh ke samay samne se ai chink ashubh mani jati hai. parantu satya hai ki bhojan karte samay aur ek se adhik aur bain or se ai chink v piche se hui chink, shubh mani jati hai.
jantuon sanbandhi shakun
chipkli - do prakar ki hoti hain, ek jangli aur ek gharelu. jise ham jangli kahte hain, us nasla ka nam girgit hota hai. ravivar ya manglvar ko lal rang ki chipkli tatha shanivar ko kale rang ki chipkli se kam hani hoti hai. kabhi-kabhi jo gharon men chipkli hoti hai uske sharir par girne se shakun/apshkun mana jata hai. stri ke sharir ke bayen bhag par, purush ke sharir ke dahini taraf girna thik hota hai. parantu chipkli ka niche se upar ki or charhna shubh mana jata hai. upar se niche ki or girna achcha nahin hota. chipkli ka sparsh hone par snan karke mandir jana chahie aur bhagvan se prarthana karni chahie.
sharir ke bhinna-bhinn angon par chipkli ke girne se labh/ hani -
- sir par girne se svasthya hani.
- kanpti par girne se parivar men vivad, bhaiyon ko kasht.
- gal par girne se shubh samachar
- ankh par girne se musibat ka samna
- nak par girne se svasthya hani
- gardan par girne se shatruon par vijay
- hatheli par girne se saubhagya suchak
- ghutne par girne se sanpÿia ki prapti
- sir se upar ke hisse par girgit ke girne se rog mukti
- kandhe par girne se arth labh aur hota hai.
- hath par girne se durghatana se bachta hai
- pair par girgit ke girne se karya kshetra men saflta milti hai.
- chintiyon ka jhund dikhai dena varsha ka pratik hai.
- kachue ka kisi bhi rup men dikhai dena shubh shakun hai.
- machli ka dikhai dena bhi sada kalyankari mana gaya hai.
vyavhar sanbandhi shakun- jate samay bhojan ka anurodh karna, jate samay bhikhari ka samne ana, kisi ka sir khujlana , kaue ka bolna, dhul-mitti se bhari tej hava chalna, achche shakun nahin mane jate. jinki shakun shastra men vishesh ruchi hai ve brihat sahinta aur keral ke mahan granth prashn marg ko parh sakte hanai.