pani ki tanki  

prashna: pani ki tanki kahan tatha kis disha men avasthit honi chahie? inke alg-alag dishaon men galat sthan par rahne se ghar ke logon ko kya pareshaniyan ho sakti hain? iske liye kya upay tatha upchar kiye ja sakte hain. uttara: pani ki tanki har ghar evan pratishthan ke lie atyant mahatvapurn hai. yah kahne ki avashyakta nahin hai ki is dhara par jivan jal par hi ashrit hai. vastu shastra ke lihaj se pani ke sabhi sroton ke lie halanki uttara-purva (ishanya) ki disha sarvatha anukul mani gai hai kintu ovrhed taink ke mamle men sthiti thodi bhinn hai. vastu shastra men dakshin-pashchim (rnaitya kon) ko ovrhed taink ke lie sarvashreshth mana gaya hai. vastu shastra men aisi manyata hai ki yadi jalasroton ka uchit niyaman evan pratishthapan kiya jay to vah har prakar se sukh, samriddhi, svasthya evan dhan ki apar varsha karne vali hoti hai. panchatatvon men bhi jal ko pradhanta di gai hai. usi ke anurup vastu men bhi sahi sthan evan disha men iska pratishthapan bahut mahatva rakhta hai anyatha grih svami evan parivar ke sadasyon ke sath anavarat samasyaen avashyanbhavi hain. apriharya karnon se log uchit sthan par inki vyavastha nahin kar pate hain jiske karan unhen samasyaon ka samna karna padta hai. yahan pani ki tanki se tatparya ovar hed taink se hai, atah ham yahan isi ki charcha karenge. ovrhed taink ke lie nimnankit dishaon ka chayan kiya ja sakta hai. 1, dakshin-pashchim (nairritya kon) : dakshin-pashchim men ovrhed pani ki tanki ka hona sarvottam hai. pani ki tanki ka is disha men hona atyant shubh mana jata hai. vastu shastra men hamesha rnaitya kon ko uncha evan bhari rakhne ki salah di jati hai. pani ki tanki rnaitya men avasthit hone se ek or to bhavan ka yah bhag apekshakrit pahle se uncha ho jata hai to dusri or tanki ka vajan padne se vah bhari ho jata hai. ek bat ka yahan aur dhyan rakhna avashyak hai ki rnaitya disha ke divar ki unchai hamesha tanki ki tulna men adhik ho. isse ek or to bhavan ko sthirta milti hai to dusri or isse ay ke naye srot viksit hote hain tatha sansadhnon ki vriddhi hoti hai. rnaitya ko bhavan ka nakaratmak kshetra bhi mana jata hai. taink men pani bhare rahne ke karan yah kshetra aur bhari ho jata hai jisse ghar men nakaratmak evan sakaratmak urja ka santulan sthapit hota hai jo labhaprad sabit hota hai. 2. uttara-pashchim (vayavya kon) : yadi apriharya karnon se rnaitya kon men pani ki tanki pratishthapit karna sanbhav nahin ho pae to vayavya kon men bhi pani ki tanki lagai ja sakti hai. yah bhi shubh faldayi hota hai. panchatatvon men jal evan vayu ko parasparik mitra ki sangya di gai hai. atah kisi bhi rup men yah ashubh faldayi nahin hai. kintu yah sunishchit karna avashyak hai ki tanki ke sath vayavya divar ki unchai se rnaitya divar ki unchai adhik ho. ismen kisi prakar ki gadbdi hone par grihasvami ko nuksan tatha ghar ki mahilaon evan bachchon ka svasthya prabhavit ho sakta hai. 3. pashchim: vaikalpik sthiti men pashchim disha men kuch savdhaniyon ke sath tanki sthapit karne ko svikriti pradan ki gai hai. iske lie dakshini divar ko thoda uncha karna avashyak hai. pashchim men choti tanki ek-2’’ unche slaib par rakhna avashyak hai. in savdhaniyon ko drishtigat rakhna avashyak hai. in savdhaniyon ko drishtigat rakhe bagair tanki rakhne se nimnankit pareshaniyan utpann ho sakti hai: a. grih svami evan ghar ke purushon ke upar jhuthe mukdme. b. anavashyak apman ka samna c. man-pratishtha men kami d. arthik hani e. durghatana in tin dishaon ko chodakar anya panch dishaon evan brahm sthan men pani ki tanki hona sarvatha varjit hai. inke in dishaon men galat sthan par rahne se ghar ke logon ko nimn pareshaniyan ho sakti hain: 4. purva: yadyapi ki purva disha ko jal se sanbandhit gatividhiyon ke lie uttam mana gaya hai, kintu tanki yahan pratishthapit kie jane se yah kshetra uncha evan bhari ho jaega jabki is kshetra ko apekshakrit nicha evan halka hona chahie. tanki ke is disha men avasthit hone par nimn samasyaen utpann ho sakti hai: û vyapar men nuksan û svasthya men atyadhik utar-chadhav û asamyik nidhan û rinagrastata û putra santan ki ghar men kami û mahilaon men banjhapan ityadi 5. uttara-purva: uttara-purva jaliya gatividhiyon ke lie vastushastra men sarvashreshth disha mani jati hai. kintu vastu shastra ke siddhant ke anusar is disha ki divar ko sadaiv sabhi dishaon ki divaron ki tulna men nicha hona chahie. sath hi is disha ka sabse halka hona hi vastu sammat hai. atah is disha men pani ki tanki ka pratishthapan bahuayami pareshaniyon ko utpann karne vala hota hai. isse nimnankit pareshaniyan utpann ho sakti hain: a- bachchon ko padhai men man nahin lagta. ve padhai men dhyan sankendrit nahin kar pate. b- sakaratmak urja ka ghar men pravah avruddh ho jata hai jisse svasthya sanbandhi pareshani utpann hoti hai. c- mahilaon ko garbhadharan karne men samasya utpann hoti hai, santan utpann hone men samasya hoti hai. û garbhakal ke dauran mahilaon ka svasthya achcha nahin rahta tatha kai bar prasav kal ke dauran unki mrityu ho jati hai. d- vyapar evan vyavsay men sankat evan nuksan. e- ghar ke logon ke apaharan ho jane ka khatra. 6. uttara: uttar ki disha jaliya gatividhiyon ke lie to upyukt hai kintu iska bhari evan uncha hona ati nuksandayak hai. isse grihasvami evan anya sadasyon ko nimnalikhit pareshaniyon ka samna karna pad sakta hai: a- urja ka pravah nirbadh gati se nahin ho pane ke karan svasthya sanbandhi pareshaniyon se ghar ke sadasyon ko do-char hona padta hai. b- grihasvami ko vyapar men nuksan c- ghar ke sadasyon ke durghatanagrast hone ki sanbhavna d- putra santti ka abhav evan nuksan e- garbhadharan men sankat 7. dakshin: dakshin disha men bhi tanki ki sthapna ko vaikalpik taur par adhimanyata di gai hai lekin tanki ka akar chota hona chahie tatha kisi bhi prakar se yahan pani ka risav nahin hona chahie. pani ka paip yahan se uttar evan uttara-purva ki disha ki or jana chahie. pani ki tanki ko hamesha slaib ke upar rakhen. iske pratishthapan men thodi bhi chuk hone par ghar ke vasiyon ko nimnalikhit samasyaon ka samna karna pad sakta hai: a- ghar men kanya santan ki bahutayat b- anavashyak vivad evan ladai-jhagde c- durghatana ki ashanka d- chori ka bhay e- atmahatya ki bhavna viksit hona 8. dakshin-purva: dakshin-purva disha men ovrhed pani ki tanki sarvatha varjit hai. yah atyant ashubh, nuksandayak evan pareshani ka karak hai. dakshin-purva disha agni ka kon hai tatha kisi bhi paristhiti men ag evan pani ka mel sanbhav nahin hai. ag evan pani ko hamesha ek-dusre se dur rahna chahie. agney kon men pani ki tanki hone se nimnalikhit pareshaniyon ka samna karna pad sakta hai: a- ag lagne se dhan-jan ki hani b- durghatana se ghar ke sadasya ki maut c- asamyik mrityu d- mahilaon ke garbhadharan men pareshani e- grihasvami par rin ka bojh f- akaran vivad evan mukdme g- akaran dhan hani 9. brahm sthan: brahm sthan men tanki ka hona atyant ashubh faldayi hota hai. brahm sthan brahma ka sthan mana jata hai. yadi brahma ke upar bojh padega to kaise ghar men sukh, shanti evan samriddhi rah sakti hai. yahan tanki hone par aisi paristhitiyan ban jaengi ki logon ka ghar men rahna dubhar ho jaega tatha unhen badhya hokar ghar chodna padega. brahm sthan men pani ki tanki avasthit hone par logon ko nimnalikhit pareshaniyon ka samna karna pad sakta hai: a- ghar ke logon ko svasthya sanbandhi pareshaniyan b- sadasyon ko hridyaghat evan pakshaghat ka khatra c- akaran vivad evan mukdme d- rin grastata e- ghar ke sadasyon ke bich apsi ladai-jhagde f- santan hinta g- akaran apman tatha man-pratishtha men kami pani ki tanki ke pratishthapan se judi kuch avashyak baten a- pani ki tanki ke lie sabse upyukt sthan dakshin-pashchim (rnaitya) disha hai. vikalp ke rup men pashchim athva uttara-pashchim disha men bhi kuch sharton ke sath pani ki tanki ka pratishthapan kiya ja sakta hai. b- rnaitya (dakshin-pashchim) disha men tanki sabse upri slaib se upar hona chahie. c- yadyapi ki uttara-purva kona jal tatva ko pradarshit karta hai kintu fir bhi yahan pani ki tanki upyukt nahin hai kyonki yah disha evan yah kshetra halka evan nicha hona chahie. d- dakshin-purva (agney kon) men ovrhed taink sarvatha varjit hai. yahan pani ki tanki rakhna bilkul mana hai. e- pashchim disha chunki varun dev ko samarpit hai aur ve varsha ke devta hain, atah yahan pani ki tanki rakhne men koi harj nahin kintu kuch savdhaniyan bartni avashyak hain. f- vayavya kon men tanki lagane men harj nahin hai kintu is disha men tanki hone se pani jaldi-jaldi samapt ho jata hai aur bar-bar tanki bharne ki avashyakta hoti hai. g- brahm sthan men pani ki tanki lagana bilkul mana hai. h- jahan tak ho sake plastik ki tanki n lagayen. yadi lagana badhyata ho to nile athva kale rang ki tanki lagayen kyonki gahra rang surya ki kirnon ka avshoshan karta hai. i- vibhinn karyon ke lie alag taink hon to achcha hai. pine evan khana banane ke lie ek tanki ho tatha taylet evan bathrum adi ke lie dusri tanki. yadi apriharya karnon se pani ki tanki galat sthan v disha men lag hi gai ho tatha use sthanantrit karna bilkul sanbhav n ho to vaisi paristhiti men nimnankit upay karke iske doshon ka shaman kiya ja sakta hai: a- tanki ke dhakkan ko lal rang se rang den. isse kafi had tak dosh ka parihar ho jata hai. b- bhumi ke andar kone par jahan tanki avasthit hai vahan 4 athva 9 maltiyar piramid sthapit karen. c- makan ke mukhya dvar par tatha tanki par svastik ka chihn banaen. d- ghar men samy-samay par sundar kand ka path karen. e- ghar ke uttari kshetra men mani plant lagaen. f- ghar ke ishan kon ko hamesha saf-suthra evan sundar rakhen. is kshetra men pani ke srot jaise- fish ekveriyam, fishpaet, faunten adi lagaen. g- ghar men dhatu ka kachua v murti ishanya kon men sthapit karne se vastu dosh men kami ati hai. h- ghar men udan bharte pakshi ki tasvir rakhna bhi labhaprad hota hai.