shri hanuman sadhna evan mantron ke sandarbh men mantra maharnav, mantra mahoddhi, hanumdopasna, shri vidyarnav adi granthon men kai prayog varnit hain. kali yug men hanuman sadhna samast badhaon, kashton aur adchnon ko turant mitane men purnatah sahayak hai. hanuman shaktishali, parakrami, sankton ka nash karne vale aur duahkhon ko dur karne vale mahavir hain. inke nam ka smaran hi apne ap men sahayta aur shakti pradan karne vala hai. shastra bhagvan shri hanmunji se sanbandhit anek sadhnaen varnit ki gayi hain, jo alg-alag paristhitiyon ko dhyan men rakh kar rachi gayi hain. yah unki viratta aur unke vardayak svarup ka hi udaharan hai. shatru bhay ho, ya akasmik rajya badha, athva bhut-pret adi ka prakop, pratyek sthiti ke lie alg-alag dhang se mantron aur hom ki vyavastha banayi gayi hai. inhin saikdon prayogon men se ayu, dhan-vriddhi evan samast prakar ke upadravon ko dur karne ke sanbandh men ek achuk mantra ‘‘ashtadshakshar mantra’’ ka ullekh milta hai, jiska upyog kar koi bhi vyakti shighra labh prapt kar sakta hai. is ashtadshakshar mantra ke sandarbh men mantra mahoddhi men kaha gaya hai. yah kapi sh sada ge h pujyejjapatatparah. ayurlakshmyau pravadrdhete tasya nashyantyupadrava.. (trayodshah tarang: 97) arthat, jo vyakti apne ghar men sadaiv hanuman ji ka pujan karta hai aur is mantra ka jap karta hai, uski ayu tatha lakshmi (sanpatti) nitya badhti rahti hai tatha uske samast upradav apne ap nasht ho jate hain. vastav men hanuman ji samast abhisht falon ko pradan karne vale shreshth devta hain:- ‘‘hanuman devta proktah sarvabhishtafalapradah’’ (shri vidyarnak 28.11) ashtadshakshar mantra: ‘namo bhagvte a ûjaneyay mahablay svaha’’. is mantra ke ishvar rishi hain, anushtup chand hain, hanuman devta hain, hun bij hai tatha agnipriya (svaha) shakti hai. mantra sankhya: das hajar purashcharana: ukt jap ka tilon se dashansh hom karna chahiye. sadhna vidhi: sarvapratham pran pratishthit (chaitanya) hanuman yantra ko prapt kar, kisi manglvar (vishesh kar shukla paksha) ki ratri se is sadhna ko das din ke lie praranbh karen. ismen pratidin ek nishchit samay par hi pujan evan das mala jap karen. is sadhna men snan kar, lal vastra dharan kar ke, dakshinabhimukh ho kar lal rang ke uni asan par baith kar pujan evan jap karna avashyak hai. jap hetu mange ki mala, ya lal chandan ki mala, ya rudraksh ki mala avashyak hai. sarvapratham hanuman yantra ko lakdi ki chaiki par, lal vastra bicha kar madhya men tamra patra men sthapit karen. guru ka dhyan kar ghi ka dipak tatha dhup batti jalaen. ab diye gaye kramanusar pujan praranbh karen: viniyog: dayen hath men jal, pushp tatha chaval le kar, nimn mantra ko bol kar, kisi patra men hath ki samagri chod den. ‘asya shri hanumanmantrasya ishvar rishirnushtup chandah hanuman devta hun bijan svaha shaktiratmano'bhishtasiddhyarthan jape viniyogah.’’ shanganyas: ab nimn kramanusar nyas vidhi karen: oma janeyay hridyay namah, omrudramurtaye shirse svaha, omvayuputray shikhayai vashat, omagnigarbhay kavchay hum, omramdutay netratrayay vaushat, ombrahmastravinivarnay astray fat.. dhyan mantra: dahine hath men sindur se range chaval tatha lal pushp le kar, nimn mantra bol kar, ‘hanuman yantra’ par chod deven. sadhak sanskrit n bol sake, to hindi ka bhavarth bolen. ‘‘dahanataptasuvarnasamaprabhan bhayhran hridye vihita ûjalim. shravnkundalashobhimukhambujan namat vanrrajmihadbhutam..’’ bhavartha: main tapaye gaye suvarn ke saman jagmgate hue, bhay ko dur karne vale, hriday par anjli bandhe hue, kanon men latkte kundlon se shobhayman mukh kamal vale, adbhut svarup vale vanar raj ko pranam karta hun. ab hanuman yantra ko shuddh jal se snan kara kar yagyaopvit arpit karen. iske bad yantra ko til ke tel men mishrit sindur ka tilak arpit karen tatha anguli par bache hue sindur ko apne mastishk par tilak ke rup men dharan karen. shri hanuman yantra par lal pushpon ki mala arpit kar naivedya rup men gud, ghi tatha ate se bani roti ko mila kar banaye gaye laddu arpit karen. shri vigrah (yantra) ko fal arpit kar, mukhshuddhi hetu pan, supadi, laung tatha ilaychi arpit karen. ab usi sthan par baith kar hi ashtadshakshar mantra ki 10 mala, yani ek hajar jap kar, bhagvan hanuman ji ko shashtang pranam karen. pujan kal men bhulavash yadi truti rah gayi ho, to kshama mangen. yahi kram 10 din karna hai. dasven din, kisi yogya vidvan ke sannidhya men, tilon se dashansh hom kar, brahman ko bhojn-dakshina de kar, santusht kar, vida karen. vishesh: arpit naivedya ko agle din hata kar kisi patra men ikattha karte rahen. sadhna purn hone ke agle din ekatrit naivedya ko kisi garib ko den. is prakar ukt divya mantra siddh ho jata hai. siddh mantra se kamna purti prayog: 1-dhan evan ayu vriddhi ke sath-sath samast prakar ke upadravon ki shanti hetu nitya hanuman ji ki aradhna evan ek mala jap ajivan karte rahen. 2-alpakalik rogon se pidit hone par, indriyon ko vash men rakh kar, keval ratri men bhojan karen tatha tin din 108 sankhya men is mantra ka jap karen, to alpakalik rogon se chutkara mil jata hai. 3-asadhya evan dirghakalin rogon se mukti pane ke lie pratidin ek hajar ki sankhya men jap avashyak hai. 4-‘‘maharognivrittyai tu sahasran pratyahan japet’’ hanuman ji ka dhyan kar mantra ka jap karta hua vyakti apna abhisht karya purn kar shighra hi ghar laut ata hai. 5-‘‘prayansmye dhyayanhanumantan manun japan.sadhyitvagrahan vrajet..’’ is mantra ke nitya japne se parakram men vriddhi hoti hai tatha sote samay choron se raksha hoti hai evan duahsvapn bhi dikhayi nahin dete hain. sath hi upadravi tatvon se raksha hoti hai. sadhna ke avashyak niyam: 1-purn sadhna kal men akhand brahmacharya ka palan avashya karen. 2-mantra jap karte samay drishti sadaiv yantra par hi tiki rahe. 3-shayan sadhna sthal par hi dharti par karen. 4-is sadhna men ghi se ek ya panch battiyon vala dipak jalaen. 5-bhojan sirf ek bar hi karen. vastav men vipattiyon se chutkara tatha sukh-samuddhi men vriddhi hetu yah prayog apne ap men achuk aur advitiya hai. a j nigabhars mbhatu kapindasra chivatmam ramapriyan namastubhyan hanuman raksh sarvada..
Kya aapko lekh pasand aaya?
Subscribe