shivpuja kahin bhi ki jae, kisi samay ki jae faldayi hoti hai. lekin shravan mas men gangajal se shiv abhishek ka mahatmya doguna bataya jata hai. shravan mas ke agaman ke sath hi gangajal lene dur-dur se nikle kanvriyon ki katar dekhte hi banti hai. nange panv, kandhe par kanvar aur bam-bam bhole ka udghosh sanpurn vatavaran ko shivamay bana deta hai. aie janen bhakti-muktidayi shiv ko shravan mas men prasann karne ka kya vidhan hai... hindu mahinon men kisi n kisi nakshatra ki pradhanta rahti hai aur har mah par uske nakshatra ke svami ki vishesh kripa hoti hai. jaise shravan nakshatra ki shravan men pradhanta hoti hai. shravan ke adhipti bhagvan vishnu hain aur vishnu hamesha shankar men raman karte hain. islie yah mas shiv ko samarpit mas kaha jata hai. manushya matra ke sansarik, bhautik ya adhyatmik kisi prakar ke kasht ka nidan shiv ki jatashankri se abhishek karne se ho jata hai. jatashankri ka arth bhagvan shankar ki jataon men virajman shri gangaji ke jal se hai. shri ganga ke jataon men avtrit hone ke karan unhen jatashankri nam diya gaya. yah jatashankri (ganga) purva janm men sati thin jinka janm sthan kanakhal (haridvar) hai. yahan snan karne aur shiv abhishek karne se manushya ka dobara janm nahin hota hai aisa shastron ka mat hai. islie shravan mas men ganga jal se abhishek karne ka vishesh mahatva hai. isse manushya matra ke sabhi kashton ka nivaran hota hai. vyakti ko apni janmakundli men grahon ki shubh-ashubh sthiti ke anusar shivratri ke din shivling pujan karna chahie. yadi surya se sanbandhit kasht siradard, netra rog, asthi rog adi hon to shivling pujan ak ke pushpon, patton evan bilva patron se karne se inse mukti milti hai. yadi chandrama se sanbandhit bimari ya kasht jaise khansi, jukam, najla, man ki pareshani, blad preshar adi hon to shivling ka rudri path karte hue kale til mishrit dudh dhar se rudrabhishek karna chahie. yadi mangal se sanbandhit bimari jaise rakt dosh ho to giloy, jadi buti ke ras adi se abhishek karen. yadi budh se sanbandhit bimari jaise charm rog, gurde ka rog adi hon to vidara ya jadi-buti ke ras se abhishek karen. yadi brihaspati se sanbandhit bimari jaise charbi, anton, livar ki bimari adi hon to shivling par haldi mishrit dudh chadhaen. yadi shukra se sanbandhit bimari, virya ki kami, malmutra ki bimari sharirik ya shakti men kami ho to panchamrit, shahad aur ghrit se shivling ka abhishek karen. yadi shani se sanbandhit rog jaise manspeshiyon ka dard, jodon ka dard, vat rog adi hon to ganne ke ras aur chach se shivling ka abhishek karen. rahu-ketu se sanbandhit bimari jaise sir chakrana, mansik pareshani, adhrang adi ke lie uparyukt sabhi vastuane ke atirikt mrit sanjivni ka savalakh jap karakar bhang-dhature se shivling ka abhishek karen. yadi pati-patni men prem n ho, grih klesh ho, byah shadi men rukavat a rahi ho to makkhana-misri ka mishran 108 bilvapatron par rakhakar chadhaen- manokamna nishchit rup se purn hogi. yadi dhan ki ichcha ho to khir se abhishek karen. yadi sukh samriddhi ki ichcha ho to bhang ko ghotakar abhishek karen - labh hoga. markesh ya marak dasha chal rahi ho to mrit sanjivni ya mahamrityunjay mantra ke sava lakh jap karakar abhishek karen. kalasarp ke lie bhi shivpuja vishesh faldayi hai. kaliyug men shiv ki parthiv puja ka vidhan bhi hai. iske lie banbi, ganga, talab, veshya ke ghar aur ghudsal ki mitti tatha makkhan aur misri milakar 108 shivling banakar unka abhishek karen - sabhi manokamnaen puri hongi. lekin sayankal ko ye sabhi 108 shivling jal men pravahit kar den. vibhinn prakar ke shivlingon ka pujan bhakti aur mukti pradan karta hai. yahan 20 prakar ke shivlingon ke pujan ka varnan prastut hai. 1- kasturi aur chandan se bane shivling ke rudrabhishek se shiv sayujya prapt hota hai. 2- fulon se banae gae shivling ke pujan se bhu-sampatti prapt hoti hai. 3- jau, gehun, chaval tinon ka ata saman bhag milakar jo shivling banaya jata hai, uski puja svasthya, shri aur santan deti hai. 4- misri se banae hue shivling ki puja rog se chutkara deti hai. sukh shanti ki prapti ke lie chini ki chashni se bane shivling ka pujan hota hai. 5- bans ke ankur ko shivling ke saman katakar pujan karne se vansh vriddhi hoti hai. 6- dahi ko kapde men bandhakar nichod dene ke pashchat usmen jo shivling banta hai uska pujan lakshmi aur sukh pradan karne vala hota hai. 7- gud men ann chipkakar shivling banakar puja karne se krishi utpadan adhik hota hai. 8- kisi bhi fal ko shivling ke saman rakhakar uska rudrabhishek karne se vatika men fal adhik hote hanai. 9- anvle ko pisakar banae gae shivling ka rudrabhishek mukti pradata hota hai. 10- makkhan ko athva vrikshon ke patton ko pisakar banae gae shivling ka rudrabhishek stri ke lie saubhagyadata hota hai. 11- durba ko shivlingakar gundhakar uski puja karne se akal mrityu ka bhay dur hota hai. 12- kapur se bane shivling ka pujan bhakti aur mukti deta hai. 13- svarn nirmit shivling ka rudrabhishek samriddhi ka vardhan karta hai. 14- chandi ke shivling ka rudrabhishek dhan-dhanya badhata hai. 15- pital ke shivling ka rudrabhishek daridrata ka nivaran karta hai. 16- lahsuniya shivling ka rudrabhishek shatruon ka nashak aur vijydata hota hai. 17- pare se bane shivling ka pujan sarva kamaprad, mokshaprad, shivasvarup banane vala hota hai. yah samast papon ka nash kar sansar ke sanpurn sukh evan moksh deta hai.
Kya aapko lekh pasand aaya?
Subscribe