hanuman ji ko prasann karna bahut saral hai. rah chalte unka nam smaran karne matra se hi sare sankat dur ho jate hain. jo sadhak vidhipurvak sadhna se hanuman ji ki kripa prapt karna chahte hain unke lie prastut hain kuch upyogi niyam ...
vartaman yug men hanuman sadhna turant fal deti hai. isi karan ye jan-jan ke dev mane jate hain. inki puja-archana ati saral hai, inke mandir jagh-jagah sthit hain atah bhakton ko pahunchne men kathinai bhi nahin ati hai. manav jivan ka sabse bada dukh ‘‘bhay’’ hai aur jo sadhak shri hanuman ji ka nam smaran kar leta hai vah bhay se mukti prapt kar leta hai.
hanuman sadhna ke kuch niyam yahan uddhrit hain. jinka palan karna ati avashyak hai:
- hanuman sadhna men shuddhata evan pavitrata anivarya hai. prasad shuddh ghi ka bana hona chahie.
- hanuman ji ko til ke tel men mile hue sindur ka lepan karna chahie.
- hanuman ji ko kesar ke sath ghisa lal chandan lagana chahie.
- shpon men lal, pile bade ful arpit karne chahie. kamal, gende, suryamukhi ke ful arpit karne par hanuman ji prasann hote hain.
- naivedya men pratah pujan men gud, nariyal ka gola aur laddu, dopahar men gud, ghi aur gehan ki roti ka churma athva mota rot arpit karna chahie. ratri men am, amrud, kela adi falon ka prasad arpit karen.
- sadhna kal men brahmacharya ka palan ati anivarya hai.
- jo naivedya hanuman ji ko arpit kiya jata hai use sadhak ko grahan karna chahie.
- mantra jap bolakar kie ja sakte hain. hanuman ji ki murti ke samaksh unke netron ki or dekhte hue mantron ke jap karen.
- sadhna men do prakar ki malaon ka prayog kiya jata hai. satvik karya se sanbandhit sadhna men rudraksh mala tatha tamsi evan parakrami karyon ke lie munge ki mala.
- sadhna purn astha, shraddha aur seva bhav se ki jani chahie.
- manglvar hanuman ji ka din hai. is din anushthan sanpann karna chahie. iske atirikt shanivar ko bhi hanuman puja ka vidhan hai.
hanuman sadhna se grahon ka ashubhatva purn rup se shant ho jata hai. hanuman ji aur suryadev ek dusre ke svarup hain, inki paraspar maitri ati prabal mani gai hai. islie hanuman sadhna karne vale sadhkon men surya tatva arthat atmavishvas, oj, tejasvita adi vishesh rup se a jate han. yah tej hi sadhkon ko samanya vyaktiyon se alag karta hai.
hanuman ji ki sadhna men jo dhyan kiya jata hai uska vishesh mahatva hai. hanuman ji ke jis vigrah svarup ka dhyan karen vaisi hi murti apne manas men sthir karen aur is tarah ka abhyas karen ki netra band kar lene par bhi vahi svarup najar ata rahe.
shri hanuman dhyan
udyanmartand koti praktruchiyutan charuvirasanasthan.
maunjiyagyaopvitarun ruchir shikha shobhitan kundlankam
bhaktanamishtadan tan prantmunijnan vednad pramodan.
dhyayednityan vidheyan plavgkulpti goshpadi bhutvarim..
uday hote hue karodon suryon ke saman tejasvi, manoram, vir asan men sthit munj ki mekhla aur yagyaopvit dharan kie hue kundli se shobhit muniyane dvara vandit, ved nad se praharshit vanrkul svami, samudra ko ek pair men langhne vale devta svarup, bhakton ko abhisht fal dene vale shri hanuman meri raksha karen.
hanuman sadhna men alag karyon ki purti hetu alg-alag mantra samagriyon evan jap anushthanon ka vidhan hai. hanuman sadhna men shodshopchar puja ka vidhan bhi hai. is puja men kuen ka shuddh jal, dudh, dahi, ghi, madhu aur chini ka panchamrit, til ke tel men mila sindur, rakt chandan, lal pushp, janeu, supari, gud, nariyal ka gola, panch battiyon ka dipak aur ashtagandh avashyak hain.
hanuman sadhna men hanuman ka chitra aur anushthan se sanbandhit yantra ke atirikt keval ram sita ka chitra athva murti rakh sakte hain. iske atirikt anya koi chitra ya murti rakhna varjit hai.
hanuman sadhna ke din pratah sadhak snan kar shuddh lal vastra dharan kar uttar disha ki or munh kar baithen tatha apne samne hanuman ji ki murti ya chitra dakshinabhimukh rakhen. sadhak ko sankalp lekar anushthan praranbh karna chahie.
hanumanmantra chamatkaranushthan:
hanuman sadhna se sanbandhit anek mantra prachlit hain. adi shankracharya ne ‘hanumanmantra chamatkaranushthan paddhati’ ki rachna ki. is granth men hanuman sadhna se sanbandhit mahatvapurn mantra die gae hain. sadhak apni badhaon ke anusar in mantron ka jap kar anushthan kar sakta hai.
yahan kuch ati chamatkari mantra prastut kie ja rahe hain jinke shukla paksh ke ek manglvar se agle manglvar tak gyarah hajar jap karna chahie. anushthan aranbh karne se pahle hanuman ki puja karni chahie. is anushthan ke lie mantra siddh aur pran pratishthit hanuman gutika lal kapde men bandhakar kale dore se apne gale men dharan kar hanuman chitra/vigrah ke age anushthan karen:
un namo hanumte rudravtaray vishvarupay amit-vikramay praktprakramay mahablay surya- kotisamaprabhay ramdutay svaha..
un namo hanumte rudravtaray sarvashatrusanharnay sarvaroghray sarvavshikrnay ramdutay svaha..
un namo hanumte rudravtaray bhaktajanamanah kalpana-kalpadrumay dushtamanorathastambhanay prabhanjn- prapriyay mahablprakramay mahavipattinivarnay putrapautradhn-dhanyadi vividh sampatpraday ram dutay svaha..
un namo hanumte rudravtray vajradehay vajrankhay vajrasukhay vajraromne vajranetray vajradantay vajrakray vajrabhaktay ramdutay svaha..
un namo hanumte rudravtaray paryantramantra - tantratratknashkay sarvajavarachchekay sarvavyadhinikrintakay sarvabhayaprashmnay sarvadushtamukhastambhanay sarva karyasiddhipraday ramdutay svaha..
un namo hanumte rudravtaray devdanavayaksharakshas - bhut - pret - pishach - dakini - dushtagra bandhnay ramdutay svaha..
un namo hanumte rudravtaray panchvdnay pashchimmukhe garuday saklvighn nivarnay ramdutay svaha..