raksha-bandhan ka pavitra parva bhadra rahit aprahn vyapini purnima men karne ka shastra vidhan hai- ‘‘bhadrayan dve n katrtavye shravni falguni tatha -----.’’ yadi pahle din aprahn kal bhadra vyapt ho tatha dusre din udykalik purnima tithi tin muhutrt ya tin muhurt se adhik ho, to usi udykalik purnima (dusre din) ke aprahn kal men rakshabandhan karna chahie. chahe vah aprahn se purva hi kyon n samapt ho jae. parantu yadi agami din purnima tin muhurt se kam ho, to pahle din bhadra rahit pradosh kal men karne ka vidhan kaha gaya hai. ‘‘ ath rakshabandhanamasyamev purnimayan bhadrarhitayan trimuhutrtadhikoday vyapini aprahne pradoshe va karyam..’’ -dharmasindhu is varsh san 2013 i. men shravan purnima do din vyapt hai. purnima 20 agast, manglvar ko pratah 10/22 (ghan. mi.) se agami din 21 agast, budhvar ko pratah 7/15 ghanminat tak rahegi. 20 agast ko bhadra (makar rashigt) bhi pratah 10 ghanta 22 minat se ratri 22 ghanta 49 minat tak rahegi. ataev, shastra-vachnanusar to 20 agast, manglvar ko bhadra rahit pradoshkal men arthat ratri ( 20 ghanta 49 minat ke bad) raksha bandhan parva manaya ja sakega. parantu panjab, himachal, hariyana, dilli, jammu-kashmir adi pradeshon men prachinkal se udy-vyapini purnima ke din pratahkal ko hi raksha-bandhan parva manane ka prachalan hai. adhikanshtah bhai-bahan, snan, puja-pathadi nityakarmon se nivritt hokar nirahar rahakar shuddhamukh sahit mantrapurvak rakshabandhan karte hain. kuch dharmaparayan bahnen bhagvan shrinarayan athva shrikrishn ki murti ko rakshasutra (rakhdi) bandhakar, tilak evan bhogadi lagakar bad men nij bhrataon ko mangal tika evan raksha-bandhan karti hain. himachal, hariyana, panjabadi pradeshon men log adhikanshtah 21 agast, budhvar ko bhadrarhit kal men uday kalik purnima men raksha-bandhan parva manaenge. 20 agast manglvar ko log bhadra samapti (20 ghanta 45 mint) ke bad raksha-bandhan kar sakte hain. parantu ati avashyak paristhitivash pariharasvarup shastraniyam anusar bhadra mukh (16 ghanta 28 minat se 18 ghanta 12 minat tak) kal tyag kar aprahn men bhadra puchch kal (15 ghanta 25 minat se 16 ghanta 28 minat tak) men bhi rakshabandhan karna shubh evan grahya hoga. karyetvavashyake vishteah mukhmatran parityajet.. (muhurtaprakash) 21 agast budhvar ko purnima yadyapi pratah 7 ghanta 15 minat tak hi vyapt hogi, tathapi pradeshik paranpranusar evan avashyak paristhitivash madhyahn tak bhadrarhit kal men rakshabandhan ka pavan kritya sanpadit kiya ja sakta hai.
Kya aapko lekh pasand aaya?
Subscribe