chah vibhutiyan hanuman ji ko apna putra manti hain. hanuman ji bhagvan shankar ke avtar hain, vayu ke atmaj hain, anjni ke putra hain, kesri nandan hain, sita aur ram ke apnaye hue agyakari putra hain. hanuman ji ki drishti sadaiv shri ram ke charnon par kendrit rahti hai. surya dev unke guru hain. jo kam shri ram nahin kar sake, use hanuman ji, unka nam lete hue, kar kar gaye . shri ram ne pul bandh kar samudra ko par kiya. lekin hanuman ji shri ram ka nam le kar bina pul ke, svatah hi, samudra par kar gaye. ravan ke pas ek amar rakshason ki sena thi. shri ram bade chintit the ki aisi sena ko to jita nahin ja sakta. tab kya kiya jae? hanuman ji ko bhagvan ram ki chinta ka karan malum hua. unhonne yah samasya turant asani se hal kar di. sari amar sena ko ek-ek kar ke punch men lapet kar asman men fenk diya aur prithvi ke gurutvakarshan se bahar kar diya, jahan se vah fir prithvi par vapis nahin a sakte the. pranarakshak hanuman ji: 1-sanjivni la kar lakshman ke pran bachaye. 2-lanka men mata sita trijta, chandrama, ashok se marne ke lie agni mang rahi thin. usi samay hanuman ji ne vahan ja kar, mudrika de kar, man ko shant kiya. 3-bharat ne to soch rakha tha ki agar shri ram aj nahin aye, to vah apne ko bhasm kar denge. hanuman ji ne hi ja kar unhen shri ram ke agaman ki suchna di aur unki pran raksha ki. 4-ahiravan shri ram aur lakshman ko patal le gaya aur unko bhent karne hi vala tha ki hanuman pahunch gaye aur ahiravan ko mar dala tatha donon ko bacha kar laye. 5-meghnad ne shri ram ko nag pash men bandh diya. hanuman ji garud ko bula kar laye aur unko bandhan se mukt karvaya. sangitagya tatha kathavachak hanuman jiah lanka ja kar hanuman ji ne pratham bar madhur svar men vibhishan ko mata sita ki katha sunayi aur bad men bharat ko bhi sunayi. unki vani sun kar sabhi atyant prasann hue. bhakt aur sevkon men agraganya hanuman ji: sita ki khabar lane ke lie koi bhi taiyar nahin hua. tab hanuman ji hi is durgam kam ko karne ke lie udyat hue aur use sugam banaya. krodhit ho kar unhonne lanka men ag laga di. ravan ko updesh diya ki sita ko lautane men hi bhalai hai. ayodhya men hanuman ji hi bhagvan ram ke sare kam karte the. tinon bhaiyon ne mil kar sare kam apas men bant liye aur hanuman ji shri ram ki seva se vanchit ho gaye. jamhai lete samay ek bar shri ram ka mukh khula hi rah gaya. sare prayatn kiye gaye, lekin munh band nahin hua. gurudev vashishth ke kahne par hanuman ji ko bulaya gaya. unhonne chutki bajayi aur munh band ho gaya. tinon bhai seva se hat gaye. hanuman ji ko punah seva karne ka avasar mil gaya. shri ram katha ke adbhut shrota hanuman ji: ayodhya chod kar shri ram baikuth jane lage. hanuman ji sath men nahin gaye, kyonki baikunth ja kar ram katha sunne ko nahin milti. is prithvi par jahan kahin, jab kabhi ram katha hoti hai, hanuman ji, kisi n kisi rup men, vahan avashya pahunchte hain aur puri katha sunte hain. ramayan ke lekhak hanuman jiah hanuman ji ne ramayan likh kar maharshi balmiki ko sunayi. baton-baton men hanuman ko apni likhi ramayan samudra men fenkni padi. vahi ramayan unhonne tulsi das se likhvayi, jo sabse jyada prasiddh hui. sanktmochan hanuman ji: bhut-pret, dakini, shakini, betal adi ke sankton se bachane ke lie, prani matra ki seva ke lie, keval hanuman hi saksham hain. unka yah prabhav menhdipur (jila bhartpur) ja kar dekha ja sakta hai. jis prakar ye adrishya shaktiyan logon ko sankat deti hain, usi prakar hanuman ji bhi unko badi tadna dete hain aur dukhiyon ke dukhon ko samapt karte hain. hanuman bhakton ko shani pareshan nahin karta: ravan ne shani ko ulta latka rakha tha. lanka men ag lagate samay hanuman ji ne hi shani ke bandhan tode. usi samay shani ne vayda kiya ki vah hanuman bhakton ko kabhi pareshan nahin karega; khas taur se sadhe sati men. vidvan jyotishi kahte hain ki shani ki mar se bachna hai, to hanuman ji ki puja-archana karen. ahankarrhit vinyshil mahavir ji: shri ram ne ek bar bhari sabha ke samne prashn kiya ki tum samudra kaise par kar gaye? unhonne uttar diya ki apki mudrika ke prabhav se. achcha, to yah batao ki laut kar ane par to mudrika nahin thi, fir kaise samudra par kiya? man ki chudamni ke prabhav se. achcha, to lanka kaise jalayi? mainne to lanka nahin jalayi. man janki ke dukh ke karan niklne vali garm-garam sanson ne lanka jalayi. abhipray yah hai ki unmen kahin bhi ahan nahin hai, keval vinyshilta hai. karya siddh karne vale bajrang bali: subh-sham, ek nishchit samay, nishtha-shraddhapurvak, hanuman chalisa, sanktmochak, bajrang ban nitya pratidin kam se kam 40 din shravan, manan aur arti karen, to kam siddh hoga. tin mahine subh-sham sundar kand ka path karen. yah bhi bahut labhdayak hai. kahte hain ki sundar kand to hanuman ji ne hi likha hai. dvadshakshar hanuman mantra: han hanumte rudratmakay hun fat. shatru par vijay prapt karne aur aisi hi safltaon ke lie yah adbhut mantra hai. ek mala subh-sham karni hogi; jyada karen to aur bhi achcha hai. dhan-daulat aur sanpannata prapti hetu: hran hrin hran hrain hraun hrah hanumte shriyan dehi dehi dapay dapay hran hrin huran hai hraun hrah shri svaha. shastra men bataya gaya hai ki is mantra ka jap pipal ke ped ke niche baith kar karen. 1.25 lakh mantra se havan karen. bad men brahman ko bhojan karvaen, to kam safal honge. duniya bhar men bajrang bali ke sabse jyada mandir hain. iska karan yah hai ki vah dukhiyon ki avaj turant sunte hain aur unki samasyaon ka samadhan nikalte hain. baba bade dayalu hain. bhagya ko to paltna asan nahin, lekin jatil samasyaen to vah turant hal karte hain tatha asanbhav ko sanbhav banane men bhi kuch hi samay lagate hain.
Kya aapko lekh pasand aaya?
Subscribe