ham apko vaigyanik rup se rudraksh, ratn, yog, dharmik kriya-kalap adi ka hamare jivan men kya mahatva hai is vishay se avagat karayenge. pure brahmand men sajiv v nirjiv donon hi prakar ki vastuyen nau rangon ki kampan shaktiyon 400 hatarj se 700 hatarj ke bich men hi rahte hain. in kampan shaktiyon ki kisi bhi prakar ki kami ya adhikta se hamare jivan par prabhav padte hain islie brahmand ki is navrangon ki kampan shaktiyon ko santulan men hona bahut hi avashyak hai. inki kami ya adhikta se hamare sharirik v mansik vikas men badha utpann hoti hai tatha arthik vyavastha v parivarik sambandhon par bhi iska prabhav padta hai. islie hamen is bat ka bahut dhyan rakhna hai ki har prakar ki unnati ke lie in navrangon ki kampann shaktiyan hamen sahi matra men prapt hoti rahe. hamare rishi muni jante the ki ane vale samay men logon ke pas dhyan karne ke lie n to samay hoga aur n hi unki itni kshamata hogi. tab unhonne sabhi baton ko dhyan men rakhte hue kuch dharmik kriya-kalapon ko karne ke lie logon ko prerit kiya jiski sahayta se ve nakaratmak urja se apne apko bacha kar rakh saken aur paryavaran men bhi sakaratmak urja ko badha saken. unhonne mandiron, gharon adi men havan v yagya karne ke lie bataya kyonki ham havan ya yagya ke antargat agni men jo samagri prajjvalit karte hain usmen bahut si vastuen nakaratmak urja ko rokte hue sakaratmak urja ka pravah karti hain tatha kai prakar ke kitanu v vishanuon ka bhi vinash hota hai aur hamare paryavaran ki shuddhi hoti hai. subh-sham ghar men gay ke ghi ka dipak jalane se yah sakaratmak urja ko rokta hai. puja karte samay sindur, hari dub, kalava, pan ka patta v fulon v falon adi ka prayog islie kiya jata hai ki ye sab nakaratmak urja ko rokte hain. hamare purvajon ne striyon ke lie bahut sari vastuon ko dharan karne ko kaha hai jaise kanch ki chudiyan, pairon men chandi ki payal aur bichue, kamarabandh, manglsutra, mathe par bindi, mang men sindur adi ko dharan karne ka apna ek vaigyanik mahatva hai parantu logon ne inka vaigyanik mahatva n samajh kar inko andhvishvas ke rup men prachlit kar diya jisse hamare samaj se stri ka ye shringar dhire-dhire gayab hota ja raha hai. in sab vastuon ke vaigyanik mahatva ka vistrit vivaran hamne agast 2012 ke ank men diya hua hai. isi prakar bharat men shadi bhi ek uchchatar vaigyanik prakriya hai. shadi se pahle ladke-ladki ko haldi aur besan ka ubatan lagaya jata hai jisse unke sharir ki sari nakaratmak urja nikal jayen v ane vali nakaratmak urja se bach saken. agni ke charon taraf sat fere ya bhanvar ka bhi apna vaigyanik mahatva hai. hamare panch bhuton men agni pavitra mani gayi hai. islie kisi bhi vastu ko shuddh karne ke lie agni men hi tapaya jata hai. islie jab var aur vadhu ek-dusre ka hath pakad karke charon taraf fere lete hain tab un donon ke bich ki nakaratmak urja bhasm ho jati hai tatha unka ek naya rishta akar leta hai. puja sthal jaise mandir adi hamare yahan sabse jyada sakaratmak urja ka sthan mana jata hai yahan par akar logon ko mansik shanti ka bhi anubhav hota hai kyonki mandir men murti sthapna ke samay vahan par bhumi pujan karte hain tatha niche navaratn, nav dhanya ko gadte hain tatha mandir men hamesha mantrochcharan hote rahte hain tatha havan v yagya hote rahte hain jisse mandir ki sakaratmak urja bani rahti hai tatha bhagvan ko fulon se alankrit kiya jata hai kyonki pratyek ful ka urja kshetra manushya ke urja kshetra se adhik hota hai islie dakshin bharat ki striyan apne balon men fulon v gajron ka prayog karti han. puja ke samay hath men kalava bandha jata hai. yah bahri nakaratmak urja ko rokta hai tatha sharir ke andar ki nakaratmak urja ko khinchta hai. jab iska rang fika padne lage tab ya adhik se adhik nau din men ise hamen apne hath se khol dena chahie. ved mantron ka uchcharan tatha ghi, gugal v karpur adi jalakar mandir ki sakaratmak urja itni badhayi jati hai ki vahan par jakar hamen ek atmik anand ka ehsas hota hai. bharat men kai tirth sthal aise hain jinka apna ek vishesh mahatva hai. aise urjagrahit sthan par jane se hamari nakaratmak urja svatah hi khatm ho jati hai. udaharan ke lie shani signapur dham jo shirdi ke pas hai vahan par jane se shani ka prakop kam ho jata hai. isi prakar ratn aur rudraksh bhi hamari sakaratmak urja ko badhane men hamari sahayta karte hain. ajakal ke vatavaran men keval yahi sakaratmak urja ke srot rah gaye jo manushya ke urja kshetra ko kuch had tak badha sakte hain kyonki aj-kal paryavaran men itni nakaratmak urja pravahit ho rahi hai jiska mukhya karan hai tavar, hai tenshan vayar, ilaiktrik gaijets, mobail, laiptap se niklne vali negetiv altra vaylet rediyeshan. purane samay men ek manushya ka urja kshetra 10-15 mitar hota tha jo ghatakar 2.4 se 2.8 mitar tak rah gaya hai. iska mukhya karan prakritik paryavaran ki kami hona hai. shuddh vayu hamen grahan nahin kar pate hai har sthan itna pradushit hai ki jab ham kheton men anaj ugate hain to us samay ham usmen itna khad, urvarak v kitnashak ka prayog karte hain ki khadya padarthon men bhi sahi urja ka sanchar nahin ho pata hai jisse sambandhit kampanashakti hamen nahin mil pati hai islie kuch had tak ratn ya rudraksh hi hamen kuch sakaratmak urja pradan kar sakte hain. parantu ham ajakal dekhte hain ki adhikatar manushya hath men char-panch bade-bade ratn v gale men mote-mote rudraksh ki mala pahne hue hai fir bhi unko sharirik v mansik shanti ka anubhav nahin hota. itni adhik urja pravah karne vale ratn pahnne ke bad bhi vah pareshan rahte hain. iska mukhya karan hai ki sabhi urja pravah karne vale ratn ek-dusre ki urja katakar 100 pratishat urja ka pravah ham tak nahin kar pate hain. iska mukhya karan yah hai ki vyakti kisi bhi jyotishi ke pas jata hai to vah uski kundali adi dekhakar uske sharirik vajan ke anusar panch, sat ya nau ratti ka ratn pahnne ki salah de deta hai lekin manushya usko pahnne ke bad bhi kabhi-kabhi mansik shanti ka anubhav nahin kar pata hai. iska karan yah hai ki us ratn ki katai thik se n hone ke karan vah 100 pratishat sakaratmak urja ka pravah nahin kar pata ya us ratn ya rudraksh ki urja ki matra hamari sharirik urja ke anurup nahin ho pati. ajakal sat ya nau ratti ka ratn dharan karna upyukt nahin hai. iska karan yah hai ki 100 varsh pahle manushya ka urja kshetra 10 se 15 mitar hota tha kyonki vah prakritik vatavaran men rahta tha aur itni adhik urja ko sahan karne ki kshamata rakhta tha. parantu ajakal manushya urja kshetra ghatne ke karan apni kshamata se adhik urja ko sahan nahin kar sakta tatha mansik rup se usko pareshaniyan hone lagti hain. ham koi bhi ratn ya rudraksh pahanakar apna urja kshetra nahin badha sakte hain kyonki pratyek ratn v rudraksh ki apni ek kampanashakti hoti hai yadi usmen talmel n ho to sahi parinam prapt nahin ho sakte hain. ham sabhi kisi n kisi madhyam se ratn adi grahan karte hain jabki kuch log inke prabhavon ko mahsus karte hain tatha kuch log inke kuprabhavon ko bhi mahsus karte hain tatha adhikatar pahnne ke bad bhul jate hain. rudraksh v ratn urja ke srot han tatha yah apko tabhi 100 pratishat sakaratmak prabhav dega jab iska chunav sahi ho. uski antrik sanrchna apki sharirik sanrchna ke anurup ho tatha usse milne vali urja apke anukul ho jaise kisi davai ka sahi asar tabhi dekh sakte hain jab vah sahi janch karne ke bad li jae. isi prakar yog ke dvara bhi ham apni antarik urja shakti ko badha sakte hain. ajakal ham bahri vastuon ke sath itna jud gaye hain ki hamen apne apko samjhne ke lie vakt hi nahin milta hai. yogasan aur dhyan ek aisi taknik hai jiske dvara ap apna sharirik, mansik v adhyatmik rup se apne ap ko samajh sakte hain. yog men mukhyatah ath bhag hote hain. yam, niyam, asan, pranayam, pratyahar, dharan, dhyan v samadhi. mukhyatah jab ham yog men asan karte hain to usmen hamen apni shvasan prashvas par apna dhyan kendrit karna hota hai jiske dvara ham antarik v mansik shanti ka anubhav karte hain. yog ka arth hai man ki ashuddhiyon men parivartan karke use shuddhikaran ki taraf le jana. sanskrit men ek yog ka bahut hi mahatvapurn shlok hai ‘‘yogah chitta-vrittinirodhah’’ ajakal ki is bhagdaud bhari jindgi men keval yog hi ekmatra aisa abhyas hai jiske dvara ap apne apko sharirik, mansik v adhyatmik rup se santulit rakh sakte hain. isi prakar ham reki ke dvara bhi kisi vyakti ke urja kshetra ko badha sakte hain. reki men koi bhi vyakti apne brahmand ke urja ko apne chainlon ke dvara dusre vyakti ko urja pradan karta hai. ek vyakti apne dvara dusre vyakti ko kahan tak urja pradan kar sakta hai ham yunivarsal tharmo skainar ki sahayta se dekh sakte hain. yah reki dene se pahle vyakti ka urja kshetra kitna hai tatha reki dene ke bad vyakti ka urja kshetra kitna badha yah dekh sakte hain. jiyopaithik strais jaise kshetron men rahne vale logon par reki ka prabhav adhik nahin padta hai kyonki jo reki ki urja vyakti ko pradan ki gai hai vah nakaratmak urja ko hi khatm karne men samapt ho jati hai. ham manushyon ko apne urja kshetra badhane ke lie koi n koi karya avashya karna chahie kyonki ajakal paryavaran men itni adhik nakaratmak urja hai, unse ladne ke lie hamen apna urja kshetra badhana hi padega anyatha ham sharirik v mansik rup se bimar ho jayenge. har prakar ki nakaratmak v sakaratmak urja chahe vah vyakti, sthan vastu, ratn, rudraksh men ho ham apne yunivarsal tharmo-skainar ke dvara gyat kar sakte hain. yah purnarup se vaigyanik paddhati par adharit hai. iski sahayta se ham vyakti men ane vali bimari ke bare men bhi bata sakte hain ki bhavishya men usko kis ang men bimari ane ki sambhavna hai jisse samay rahte vah apna ilaj kar sake aur gambhir avastha se bach sake.
Kya aapko lekh pasand aaya?
Subscribe