santan-sukh prashna: kundli ke adhar par kaise janen ki jatak ko santan sukh men badha hai ya nahin, sath hi yah kaise janen ki santan kab hogi tatha kya hogi? yadi santan sukh men badha hai to kya upay kiye jane chahie, vistrit jankari den. apne vansh ko age barhane ki ichcha pratyek manav ke man men vidyaman rahti hai aur iske lie ve satat prayatnashil bhi rahte hain. bhartiya sanskriti men vivah sanskar ke mul men hi yahi bhavna nihit hai. jaise ki sanbandhit shastron men vistar se bataya gaya hai ki rajodarshan ke bad stri v purush ke sansarg se santan ki utpaÿia hoti hai. parantu kaibar aisa bhi dekhne men ata hai ki chikitsakiya drishti se stri tatha purush ke svasth rahne ke bad bhi santanotpaÿia nahin ho pati hai. tab manushya apne purvajanm men kie gae karmon ko is kasht ka karan manta hai aur daivagyaon ka ashray grahan karta hai. agar jatak ki kundli men nimnalikhit santan badha/prati bandhak yogon men se koi yog sammilit ho to us jatak ko santan sukh men badha ki sanbhavna hoti hai (pramukhtah pancham bhav ke svami, panchamasth grah, unka svamitva tatha santan karak vrihaspati ki sthiti par samyak rup se vichar karne se gyat hota hai ki santan hogi ya nahin, santan sukh men badha hai ya nahin). û yadyapi vrihaspati putra karak hai, parantu inka pancham sthan men sthit hona anishtakarak hai. pancham bhav men dhanu aur min ka vrihaspati svagrihi hota hai, makar ka nichasth tatha kark ka uchch. parantu in sab sthitiyane men panchamasth vrihaspati anishtakari hota hai. min ka vrihaspati rahne se bahut kam santan hoti hai, dhanu ka vrihaspati rahne se bahut chinta ke bad santan hoti hai, kark aur kunbh ka vrihaspati rahne se pray santan hoti hi nahin aur yadi panchamasth vrihaspati shubh-drisht bhi n ho to putra ka abhav hona hi hai. iske atirikt ek mahatvapurn siddhant yah bhi hai ki yadi kisi bhav ka karak usi bhav men sthit hai to ashubh fal deta hai. vrihaspati santan karak hai yadyapi vrihaspati ki pancham bhav men sthiti kuch sthitiyon men ati shubh hai parantu putra ke lie ashubh hai. (karko bhav nashay) yadi shashthesh, ashtamesh ya dvadshesh panchamagat hai athva panchmadhipti nich athva ast ho athva panchamasth grah nich ya ast ho to in yogon men santan ke lie arisht hota hai. tritiyadhipti tritiya men, lagn men, pancham men athva dhan sthan men rahne se yadi aur koi shubh yog n ho to santan yog men badha hoti hai aur prayah santan ki mrityu hoti hai. yadi dvitiyesh aur panchmesh balhin ho tatha ashubh bhavagat hokar pap drisht ho to sattah prayatn karne par bhi santan ka janm nahin hota aur vansh kshay hota hai. vrish lagn ke lie budh tatha vrishchik lagn ke lie vrihaspati dvitiyesh v panchmesh hai. atah inki sthiti yadi sanbandhit janmangon men pap grast ho to santan nahin hoti (santan sanbandhi vishyon par vichar karna chahie. lagn aur bhagya ka bali hona anek sayongon ke pratifal ko nasht karne ki kshamata rakhta hai). yadi panchmesh se 6, 8 ya 11 bhav men pap grah sthit ho to putra janm hona sanbhav nahin prayah mrit santan paida hoti hai ise kulakshay yog bhi kaha jata hai. yadi panchmesh aur dvitiyesh nirbal hon aur pancham sthan par pap grah ki drishti ho to jatak ko anek stri rahne par bhi putra ka saubhagya nahin hota hai. yadi lagnesh, saptamesh, panchmesh aur vrihaspati sabke sab durbal ho to jatak santanhin hota hai. yadi pancham sthan men papagrah hon aur panchmesh nich ho aur us par shubh grah ki drishti n ho to jatak santanhin hota hai. yadi pancham sthan men pap grah baitha ho aur panchmesh pap grahon se ghira ho aur shubh grah ki drishti ya yog n ho to jatak ko santan badha hoti hai. yadi vrihaspati pap grahon se ghira ho aur panchmesh nirbal ho aur shubh grah ki drishti ya yog se varjit ho to jatak ko santan-badha ka samna karna parta hai. panchmadhipti jis rashi men rahe usse shashth, ashtam aur dvadash sthan men pap grah ke rahne se putra ke lie ati anishtakar hai. yadi tinon sthanon men pap grah hon, to jatak ko pray mrit santan ki sanbhavna rahti hai. isi prakar pancham sthan se 6, 8, 12ven bhav men papagrahon ke rahne se putra-prapti ke lie ashubh hota hai tatha ise kulakshay yog ki sangya di gayi hai. yadi dasham sthan men chandrama, saptam sthan men rahu, chaturth sthan men pap grah aur lagnesh budh ke sath ho, to jatak ko santan badha hoti hai. yadi pancham, ashtam tatha dvadash tinon bhavon men pap grah baithe hon, to santan badha ka yog banta hai. yadi chandrama aur vrihaspati lagn men sthit hon aur mangal evan shani ki un par purn drishti ho, to bhi santan badha yog banta hai. yadi kul pap grah chaturth sthan men sthit hon to santan badha ka yog nirmit hota hai. yadi panchmesh nichagat ho, shatru grihi ho, ast athva 6, 8 ya 12ven sthan men ho, to santan badha yog nirmit hota hai. isi prakar yadi panchamasth grah nichasth, shatru grahi, ast grah athva 6 8 v 12ven sthan ka svami ho, to santan ka abhav hota hai. yadi pancham bhav pap rashigat ho aur usmen tin ya adhik pap grah hon aur shubh drishti n ho, to jatak ko santan abhav hota hai. lagn, brihaspati aur chandrama tinon se pachanm sthan pap grahon se ghire hon athva un tinon sthanon ke svami 6, 8, 12ven bhav men hon to santan badha ka ek balshali yog nirmit hota hai. yadi 6, 8, 12ven bhav ka svami panchamagat ho athva panchmadhipti 6, 8, 12vane men hon athva panchmesh 6, 8, 12vane bhav ka bhi svami ho to santan ke lie anisht hota hai. pancham bhav men ketu ho aur kisi shubh grah ki drishti n ho to jatak ki patni ka rajodharm band ho jata hai, parinamtah santan badha rahti hai. pati-patni donon ka janmakalin shani tula rashigat ho to santan sukh nahin hota. santanotpaÿia ke bare janne ke lie/ agar sanbhav ho to stri-purush donon ki kundaliyon par vichar avashyak hai. santan tabhi hoti hai jab kundali men santan yog hoga atah koi santan badha yog nahin hoga. in donon tathyon ki pushti ke pashchat donon kundaliyon men grah sthiti evan gochar men grahon ke bhraman dekhne ke sath-sath yah bhi dhyan rakhen ki vishoÿari mahadsha tatha antardasha kin grahon ki chal rahi hai. in sab baton ka vichar karke hi santan janm ke bare men thik nirnay par pahuncha ja sakta hai. nimnalikhit men se kisi ki mahadsha/antardasha chal rahi ho to santanotpaÿia sanbhav hai. santan ka janm lagnesh, panchmesh, saptamesh, vrihaspati ya jin grahon se pancham bhav drisht hai athva jinki sthiti pancham bhav men ho, to inki dasha antardasha men santan ka sukh prapt hota hai. chandra se pancham sthan ke svami ya navam sthan ke svami ki dasha/ antardasha men. navmesh ki dasha/antardasha men. vrihaspati jis grah ke navansh men hon iski dashadi men, panchmesh ke navansh ke adhipti ki dasha-antardasha men, jo grah pancham men ho ya pancham par drishtipat kar raha ho ki dasha-antardasha men santan labh hota hai. gochar grahon se santanotpaÿia ka samay nirdharn: lagnesh grah gochar men apni uchch rashi athva svarashi men bhraman karta hai, panchmesh ke sath ho jata hai, tatha janmang men panchmesh jis rashi men sthit hai jab lagnesh gocharavash vahan pahunchta hai to santanotpaÿia sanbhav hoti hai. janmang men vrihaspati grah jahan sthit hai usse trikon men jab gochar ka vrihaspati, lagnesh ya panchmesh bhraman kare to santan labh hota hai. yadi guru gocharavash pancham, ekadash, navam ya lagn men bhraman kare to bhi santan labh ki sanbhavna hoti hai. jab gocharavash lagnesh, panchmesh tatha saptamesh ek hi rashi men bhraman kare to santan labh hota hai. guru se pancham sthan ka svami jis rashi/nvansh men ho, usse trikon mane gocharavash jab guru aye to santan yog nirmit hota hai. santan kab (sadharan yog): panchmesh yadi pancham bhav men sthit ho ya lagnesh ke nikat ho, to vivah ke pashchat santan shighra hoti hai durasth ho to madhyavastha men, ati dur ho to vriddhavastha men santan prapti hoti hai. yadi panchmesh kendra men ho to yauvan ke aranbh men, panafar men ho to yuvavastha men aur apoklim men ho to adhik avastha men santan prapti hoti hai. lagn men shubh grah rahne se kam umra men putra prapti hoti hai, dasham men shubh grah ke rahne se yuvavastha men, chaturth men shatru grah hone se stri ke yauvnant men putra prapti hoti hai aur chaturth men ashubh grah rahne se vriddhavastha men putra-prapti ka yog banta hai. yadi panchmesh shubh ke kshetra men, kendra men athva trikonagat ho tatha shubhyukt bhi ho, to balyavastha men jatak putravan ho jata hai. santan kab (ashtakavarg paddhati): ashtakavarg paddhati ke anusar vrihaspati ke minnaashtakavarg men vrihaspati se pancham bhav men shodhan se purva prapt binduon ki sankhya ko vrihaspati ke shodhya pind se guna karen aur prapt gunafal ko 27 se bhag karke sheshafal prapt karen, sheshafal ki sankhya nakshatra ki sankhya darshati hai. us nakshatra athva is nakshatra se trikon ke nakshatra par vrihaspati ke gochar ka samay jatak ki santan ke janm ke lie shubh samay hota hai. nimnalikhit rashiyen men vrihaspati ke gochar ka samay garbhadhan ka samay hota hai. vrihaspati ke minnaashtak men jis rashi men adhikatam bindu ho. rashi athva navansh varg men lagn, chandrama athva vrihaspati se panchmesh ki rashi. gulik ki rashi athva navansh men. vrihaspati ke ashtakavarg men adhikatam bindu vali rashi men jab surya gochar karta hai tab bhi garbhadan hota hai. jis samay vrihaspati ke ashtakavarg men sabse adhik bindu prapt karne vali rashi uday hoti hai to vah samay vishesh garbhadhan ke lie samagam karne evan putra santan ke janm ke lie shubh hota hai. vrihaspati ke shodhya pind ko 4 se guna karke prapt gunanafal ko 12 se bhag den. sheshafal rashi ki sankhya darshata hai. gochar ka surya jis saur-mas men is rashi men gochar karta hai us mah men jatak ki santan ka janm hota hai. putra prapt hoga ya kanya (janm kundali adharit yog): putrakarak sthiti ka prabalatam yog ah yadi panchmesh purush grah ho, purush rashi men sthit ho, purush navansh men gaya ho, bali tatha uske sath hi vrihaspati bhi purush rashi v purush navanshagat ho, to putra ka janm hota hai. viprit hone par kanyaen hoti hain tatha pancham bhav apne svami athva shubh grahon dvara drisht athva yut ho. putra karak sthiti ke anya yog: yadi pancham bhav apne svami tatha anya shubh grahon dvara drisht athva yukt ho, to putra yog hota hai. min lagn ke janmang ke pancham bhav men sthiti ho to putra yog hota hai. vrihaspati tatha chandra ki sthiti kanya yog hai. budh ho, to alp sankhya men putra hote hain. mangal, surya v shukra hon, to putra-putri ka vichar anya sthitiyon ka nirikshan karke kiya jata hai. yadi ek se adhik grah pancham bhav men hon, to jo grah bali hoga usi se sanbandhit santan hogi. lagnadhipti putra bhavagat ho aur vrihaspati balvan ho to nishchay hi putra hota hai. lagn evan chandrama men jo bali ho, us sthan se pancham sthan men yadi vrihaspati ke varg ka ho aur shubh rashi bhi ho athva shubh drishti ho to jatak ko putra avashya hota hai. yadi kendra v trikonadhipti shubh grah hon aur panchamasth hon tatha panchmadhipti ki durbalata n ho athva 6, 8, 12ven bhav men n parta ho, papyukt n ho, astagat n ho, nich ka n ho, shatru rashigat n ho, to putra sukh prapt hota hai. yadi labh bhav men shubh grah ki rashi ho, labhesh shubh grah ke sath ho, labhesh par shubh grah ki drishti ho tatha labhesh kendra ya trikonagat ho, to putra yog hota hai. yadi purush grah ki mahadsha tatha purush grah ki hi antardasha chal rahi ho evan kundli men guru ki sthiti achchi ho to nishchay hi putra ki prapti hoti hai. viprit sthitiyon men kanya janm ki sanbhavnaen hoti hain. yadi surya, mangal, guru, panchmesh ho tatha balvan hokar visham rashi ke navansh men ho to putra ki shighra prapti hoti hai. yadi panchmesh apni uchcharashi men ho tatha us par shubh grahon ki drishti ho to vivah ke shighra bad putra prapti hoti hai. lagnesh aur panchmesh donon, navam bhavagat hane tatha un par guru ki drishti ho, to dharmatma aur dhanvan putra prapt hota hai. navmesh aur lagnesh donon saptam bhavagat ho tatha panchmesh lagnagat ho to vidyavan evan bhagyavan putra janmata hai. panchmesh aur lagnesh ek dusre ko dekhte hon tatha guru trikon men ho to svastha/agyakari putra prapt hota hai. chandra, mangal aur shukra tinon dvisvabhav rashi men ho, to pahle putra ka janm hota hai. vrish ya tula ka chandrama pancham ya navam sthan men ho to ek putra hota hai. lagn men rahu, pancham men guru aur navam men shani ho to vyakti ke ek matra putra hota hai. uprokt men visheshakar putra-prapti sanbandhit santan vichar karte samay pati-patni donon ki kundliyan dekhakar nirnay lena adhik uchit hai. pati ki kundli men santan yog prabal ho sakta hai, parantu patni ki kundli garbhapat yog pradarshit kar sakti hai. santan yog ke sath-sath yah bhi dekh lena chahie ki kundli men koi santan badha yog to nahin hai. yadi ek or santan badha ka yog ho aur dusri or santan ka yog ho, to donon ka tulnatmak vichar karke kundli men anya grahon evan gochar men grah sthiti tatha mahadsha/antardasha ka vichar karke nirnay lena chahie. santan badha ka upay: maharishi parashar dvara purva janmon ke pap-karmon/shrapon ke karan santan hinta ke prati sujhae gaye jyotishiya upchar nimn prakar hain. ye sujhav aj bhi yadi jatak purn shraddha, niyam aur hardikta se apnata/ karta hai to usko santan badha se chutkara prapt hota hai v santan fal ki prapti hoti hai. shrap tatha aputra yog ke nirman men sahayak grah aur nivarn: sarpadosh (rahu): surya ki puja, sarpon ke ved mantra se sarpon ki pratishtha, gau-gharsi, suvarn, tilpatra ka shaktianusar dan, tantra-mantra ka vidhipurvak ek lakh jap karne se sarpadosh dur hota hai v tatpashchat santan prapt hoti hai. pitridosh (surya): pitron ka shraddh, tatha ashtakshar mantra ka sava karor jap karna chahie, svarn dan tatha kanyadan (vishesh rup se) pitridosh se chutkara prapt ho, to santan prapt hoti hai. matridosh (chandrama): sapatnik ganga snan, panch lakh gayatri jap, bachra sahit gau dan, hvan karaen til, chaval, jau ki ahuti, chandi ke patra men dudh men apni chaya yatn se dekhane aur panch tole sone ki murti dalakar dan karen. brahmanon ko bhojan karaen, dan den. ek varsh tak pratidin pipal ka pujan karen pradakshina ko jo jatak karta hai, to matridosh ka nash hokar putra prapti hoti hai. bhratridosh (mangl): pipal aur vat vriksh ki vatika ka ropan karen- shreshth marg par jal kup banvaen, prajapavya tatha chandrayan vrat karen aur shreshth falon ko dan karen. dvadshakshar mantra ka jap kar hvan tatha brahmanon ko bhojan karaen, svarn dan karen. bachre sahit gau ki pradakshina/dan karen to putra labh hota hai. matul dosh (pancham bhav men mangal, rahu, budh ki pratikul sthiti): vishnu ka pujan, shodashakshar mantra ka barah lakh bar jap, hvan ke pashchat brahmanon ko bhojan, bhagvan vishnu ka svarn murti ka jyotishi ko dan karen, talab, bag v pul banvana, dosh rahit hokar jatak santan prapt karta hai. brahmashap (vrihaspati): lakshmi sahit vishnu ji ki pachas pal sone ki murti banvakar, saptarishiyon ka pujan karen, ganga ji ke tat par aur ashtadash mantra ka bis lakh bar jap karen. hvan tatha brahmanon ko bhojan karaen. bachra sahit gau dan karen, vastra dan karen. jatak ko nishchay hi putra labh hoga tatha brahmashrap se chutkara milega. stridosh (shukra dvara dosh): shri lakshmi ke vastrabharan sahit kanyadan, sone ki murti banakar bachra sahit gau ka dan karen. stri-purush ko shaiya dan karen- gopal mantra ka jap karen, brahmanon ko bhojan karaen. putra prapt hoga. pretshap (shani): gayashraddh karna chahie, rudrasnan yatn se karna chahie. brahma ji ki svarn murti brahman ko dan karni chahie. jo, chandi ka patra, vastra aur sharkara sahit, tandul sahit dakshinayukt, brahmanon ko dan karanen aur ashtakadik shraddhon men pitron ka shraddh karne se putra dosh dur hota hai tatha santan prapti hoti hai. dhenu shap (lagn men rahu shukra aur guru): gau palakar pujan karen, stri-purush pratahkal uthakar gau ki seva men tatpar rahen. bhakti sahit dhup, dip v jal le karke hari dub ke ankron ko ann sahit nevedya karke gau ka pujan karna chahie. ‘‘somodhenuah’’ is mantra ka jap apni bhakti se karaen. gaur dan karne se putra prapti hoti hai. guru: arundhti sahit vashishth ki svarn murti ka dan karen. vastra sahit stri aur purushon ko abhushan tatha shaiyya dan karen. gaudan karen, brahmanon ko bhojan karakar gopal mantra ka jap karen. vrindavan, prayag athva vyas ke samip godavri ke kinare jap karne se putra-labh hota hai. guru dosh dur hoga- santan vriddhi hogi. is sabse upar sadiyon se jiski upyogita siddh hai, harivansh puran men die gaye aise ‘‘santan gopal’’ mantra ka shraddha se shravan aur pathan santan badha mukti ka sarvoÿam upay hai. iske atirikt ‘‘santan gopal ka mul mantra’’ jo nimn prakar hai ka uchcharan bhi santan badha ka kshay karne tatha santan labh hetu atyant sahayak hai. santan gopal mul-mantra: un shrin hrin klin glau devkisut govind vasudev jagatpate dehi men tanyankrishn tvamhan sharnan gatah. un namo bhagvte vasudevay santan gopal stotra: shrishan kamalapatrakshan devkinandanan harim sutasampraptaiya krishn namami madhusud- nam ..1.. japkale pathenrityan putralabhan chandraksheyam aishvarya rajasamman sadhauyati n sashyah..101.. (purn rup se parhne hetu shri harivansh puran ke samapan prishthon par ‘‘santan gopal stotra ka sandarbh liya ja sakta hai). uprokt ke atirikt santanhinta ke santras ko santti janm men rupantrit karne hetu nimn nivarnon ka bhi ashray liya ja sakta hai. aushdhik prayog: yonishuddhikaran evan nal parivartan. devi aradhna: devtaon ki aradhna dvara santanotpaÿia ki kamna purn karna ‘‘santan gopal stotram’’ ke atirikt shiv pujan, navagrah pujan ityadi sahit mangal ka vrat bhi santan-badha hetu achuk upay hai. mangal ko shastron men rinaharta kaha gaya hai. manushya ka sabse bara rin pitrin hai kyonki santan hone se pitrashvast ho jate hain ki hamaran shraddha/tarpan karne ke lie uÿaradhikari utpann ho gaya hai. atah mangal ka vrat pujan nishchay hi santan prad hai. yah vrat visheshakar striyon ko karna chahie kyonki mangal hi striyon ki ritu (masik dharma) ka pravartak mana gaya hai tatha striyon ke andakosh aur garbhadhan ki kshamata ka nirnay mangal ki sthiti par hi nirbhar karta hai. atah mangal santushti santan prapti ka anupam upay hai. yantrik prayog: shri ram-yantra tatha ramnusmriti, sarpayantra tatha bilvapatra ke paÿo par bhagvan shiv ka 16 koshthak vala yantra ekanti devta ka anushthan adi santan badha ke prabhavi upay hain. anya prayog: santan kameshvari prayog: jin mahilaon ko santan nahin hoti hai unke lie yah ek prabhavshali upay hai. shubh muhurt men bhojapatra par ashtagandh se madhya men shakti trikon, bahar satkon, uske andar asht dal aur bhupatra banakar yantra banaen. jab pratishthan ki shodshopchar vidhi se pujan kar ‘‘un klin ain hrin shrin namon bhagvti santan kameshvari garbh virodh nirasy-nirasay sanyak shighra santan mutpadyotpaday svaha’’ mantra ka 25000 bar jap karen. ritukal ke pashchat pati/patni jau ke ate men shakkar milakar chane ke barabar chah goliyan banakar upar likhe mantron se 21 bar abhimantrit karke ek hi din kha len. santan sukh prapti ke lie jatak ko ravivar ka vrat bhi purn faldayak hai. surya devta ko jal men lal ful ya roli tatha gulab jal ki kuch bunde dalakar pratah ‘un suryay namah’ kahte hue aghrya dena chahie. sath hi aditya hriday stotra ka path shraddhapurvak karna chahie. surya vrat bhi vidhi anusar rakhna chahie. sachchi lagn se shiv aradhna karen tatha shanivar ko pratahkal pipal ke vriksh ke pas til ke tel ka dipak jalaen tatha pratyek shanivar ko roti par tel lagakar kale kuÿo ko khilaen. yah ek divya prayog hai labh avashya hota hai. putra pradata vrat shravan shukla ekadshi: shravan mas ki shukla paksh ki ekadshi ke din niyamanusar vrat karne se dirghayogi v sundar putra ki prapti hoti hai. ise putrada ekadshi bhi kahte hai. putradayak shashthi devi: mae shashthi devi ka pujan putradayak hai. ativ bandhya stri bhi shashthi devi ki kripa se santan janm men samarth ho jati hai. kakavatsa, mritavansa nari bhi bhagvan ki kripa se putravti ho jati hai. inki kripa se balak ko koi rog bhi ho to unke stotra ko ek mahina niyampurvak parhne se vyadhi dur ho jati hai. ‘‘matridevo bhav pitridevo bhav’’: mata-pita ki puja devta ke saman karni chahie kyonki ye donon pratyaksh dev hai jinka ashirvad pag-pag par falta hai. inke prasann hone par sabhi badhaen samapt hoti hai-santan badha bhi nahin hoti.